دجاج في الفرن مع البطاطا
مكونات دجاج في الفرن مع البطاطا
دجاج الكمية حسب الرغبة
حوالي 5 حبات بطاطا حسب العائلة
حبة طماطم
3 فصوص ثوم
زعيترة
رند (غار)
4 ملاعق كبار زيت
ملح
فلفل اسود
1/2 ملعقة صغيرة كمون
ملعقة صغيرة عكري حار
ملعقة صغيرة عكري حلو
ملعقة صغيرة كاري دجاج
ملعقة كبيرة طماطم مصبرة
كاس ماء
معدنوس مقطع صغير
طريقة تحضير دجاج في الفرن مع البطاطا
نقشر البطاطا ونقطعها كل حبة على أربعة ونحطها في مول يدخل للفرن.
ننظف الدجاج ونحطو مع البطاطا ونضيف الثوم المسكرفج، الزعيترة، الرند، الطماطم والزيت.
نضيف جميع التوابل ونخلط الكل مليح ونخلي الدجاج من الفوق
وفي الاخير نقطع حبة الطماطم ونستفها من الفوق ونضيف كاس الماء.
نغطي المول بورق الطهي وبعدها بورق الالمنيوم
وندخلو للفرن على درجة حرارة 180 درجة حوالي 45 د
وكي يطيب نشعل الفرن من فوق لكي يتحمر.
شاهدي الفيديو للحصول على الطريقة بأدق تفاصيلها والمقادير مضبوطة
شكرا للاهتمام! اذا اعجبتك الوصفة احرص على تقييمها ومشاركتها مع اصدقائك ولا تنسى التسجيل في المنتدى.
صحة وعافية على قلوبكم
أتمنى لكم وجبة شهية!