Cergen tamurt-iw
Cergen tamurt am lkaghed
?Anida i tteddu tmurt
D asteqsi i d-yettuɣalen
Allen tdel-itent temzurt
Igli d ixef n wanzaren
Kra bɣan azekka s tefrut
La zellun deg (yi)megdayen
Wid yettnadin ɣef tugdudt
Ifassen-nsen d ilmawen
Lezzayer yellan d taqrurt
Tuɣal d tamɣart iburen.
Lezzayer yellan d taqrurt
Tuɣal d tamɣart iburen.
Seg wejda mi d-uɣalen
Ar tura nehren aqḍar
Fell-aneɣ d imeksawen
Anda i nerra d akeddar
Ttwalin-aɣ-d d ibujaden
Ur neẓri anda i neggar aḍar
Anda i sen-yehwa ad ɣ-rren
Acemma ur t-id-neqqar
Nteddu am wid iẓeṭlen
Yiwen ur aɣ-igi leqrar.
Ghlin-d wudan ghef tmurt
Cergen tamurt s ujenwi
Zwin-tt ɣeḍlen-d i yelhan
La s-ttbexxiren s lǧawi
I wakken ad tbeddel imawlan
Win tt-iran awer yili
Yeḍḥa-d seg widak i nfan
Ggran-d at yiwet n tikli
Yettidiren am waklan
Ttaɣen awal s urfad n timi
Tekksen (ɣe)f uεdaysi urfan
Ṭṭlam yeɣli-d ɣef tudrin
Tid yennan ala i lbaṭel
Tarwa tqubel tirṣaṣin
Ulawen zzan ɣer daxel
Leḥzen yezdeɣ tiɣaltin
D amwanes n Leqbayel
(ɣe)F nnif gullen s limin
Ad ruḥen (ɣe)f tikkelt d asfel
Ɣur-neɣ tamaziɣt d ddin
Ad d-teggri, yiwen ur tt-iɣeṭṭel.
La s-ttbexxiren s lǧawi
I wakken ad tbeddel imawlan