Tamurt n Leqbayel
A tamurt n leqbayel
Ala tidet ara d-yeggrin
Yettenfal wul seg tismin
Cergen-kem acrag n ddɣel
D tiẓẓit n taɣect i kem-ttwalin
Ttnadin ad kem-ččen d asgel
S tedmert tqubleḍ tirṣaṣin
Tugiḍ tugna-m ad tbeddel
Arraw-im dduklen zdin
Tuɛer nnmara n leqbayel
A tamurt n leqbayel
Ala tidet ara d-yeggrin
Tugi tardast n ujeddel
Ayen ur tt-yerzin tugi-t
Tebɣa ad d-teggri tameddit
D tamurt-nni n leqbayel
Tikerkas lsant-d tirkasin
Teddzent iḍarren ad nagad
Bɣant ad ɣ-rrent tikmamin
Awal deg (yi)mi ur d-ittzad
Ferḥent s tejlibt n tzamarin
Tesnusu ameksa (de)g usrad
Ur ddin d wid yukin
Fell-asen jebbden znad
Ɣas ma tettceggiḍem afad
Tagmat, nettawi-tt d aɛwin
Taqbaylit deg tmurt-is
Acḥal i iɛerḍen ad tt-yeɣḍel
Iẓuran n tmurt lqayit
Lqedd deg (yi)genni yuzzel
Tetteddu s tfenṭazit
Ɣef yinsayen-is i tezdel
Tettagad ad s-d-tas twaɣit
Tugi tardast n ujeddel
Ayen ur tt-yerzin tugi-t
Tebɣa ad d-teggri tameddit
D tamurt-nni n leqbayel
Agdud yeddukel am yiwen
Mi d-twwet teɣrit d lgarra
Tɛeggeb tenɣa ilmeẓẓyen
Ccfawa ad d-teqqim i lebda
I ɣ-yeqqnen sɣersen-t dayen
Yal yiwen yeṭṭef tama
Tikli dima d asawen
Ad nẓer tafat d tamara
Ad d-nini dayen tefra
Asrad ad yaɣ ulawen.
Tilelli s yidammen