ⵜⴰⵎⴰⴳⵔⴰⵡⵜ ⵜⴰⵎⴰⵢⵏⵓⵜ: ⴰⵏⵎⵓⵇⵇⴰⵔ ⵏ ⵉⵄⵔⵔⵉⵎⵏ ⵉⵎⵙⵏⴼⵍⵓⵍⵏ
ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⵏ ⵉⵄⵔⵔⵉⵎⵏ ⵉⵎⵙⵏⴼⵍⴰⵍ ⵉⵎⴰⵣⵉⵖⵏ ⵏⵏⴰ ⵜⵙⵏⵎⴰⵍⴰ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ ⴰⵢⵢⴰⵡ ⵏ ⵜⵣⵏⵉⵜ ⵙ ⵓⵙⵙⵥⵕⵏ ⵏ ⵜⵎⵔⵙⵍⵜ ⵏ ⴼⵕⴰⵏⵙⴰ ⴷ ⵜⵎⴰⴷⴷⴰⵙⵜ ⵏ ⵜⵣⵡⴰⴳⵜ ⴷ ⵜⵏⴼⴰⵍⵉⵜ, ⵜⴻⵜⵜⵢⵓⵙⴽⴰⵔ ⵜⵙⴰⵡⵔⵜ ⵜⵉⵙⵙ ⴽⴽⵓⵥⵜ ⴳ ⵓⵙⵎⵓⵜⵜⴳ ⴳ ⵜⵉⵔⵔⴰ ⵜⴰⵙⴽⵍⴰⵏⵜ: ⵓⵏⴳⴰⵍ ⴷ ⵜⵓⵍⵍⵉⵙⵜ ⴰⵙⵙ ⵏ 12 ⴷⵓⵊⴰⵏⴱⵉⵔ ⴳ ⵓⵙⴰⵢⵔⵓⵔ ⵏ ⵜⵎⴰⴳⵔⴰⵡⵜ.
ⵍⵍⵉⴳ ⵉⵜⵜⵡⴰⵥⵍⴰⵢ ⵓⴳⵣⵣⵓⵎ ⴰⵎⵣⵡⴰⵔⵓ ⵏ ⵜⵎⵙⵉⵔⵜ ⴼ ⴰⴷ ⴰⵎⵥⵏ ⵉⵎⵙⵢⴰⴼⵓⵜⵏ ⴷ ⵜⵎⵙⵢⴰⴼⵓⵜⵉⵏ ⵙⵉⵏ ⵉⴼⵔⴷⵉⵙⵏ ⵏⵏⴰ ⵙ ⵜⴻⵜⵜⵡⴰⵚⴽⴽⴰ ⵜⵓⵍⵍⵉⵙⵜ ⴰⴷ ⵜⵏ ⵉⴳⴰⵏ ⴷ ⵓⴼⵔⴷⵉⵙ ⵏ ⵓⵙⴰⴽⵓⴷ ⴷ ⵏ ⵓⴷⵖⴰⵔ ⴳ ⵡⴰⵍⵍⴰⵙ ⴰⵙⴽⵍⴰⵏ; ⵉⴳ ⵏⵉⵜ ⴷⴰⵖ ⵉⵍⵎⵎⴰ ⵓⴳⵣⵣⵓⵎ ⵡⵉⵙ ⵙⵉⵏ ⵡⵉⵏ ⵓⵙⵡⵓⵔⵉ ⵅⴼ ⵜⵓⴳⵜ ⵏ ⵉⵍⵓⵖⵎⴰ ⵓⵙⵏⵉⵙⵏ ⵃⵎⴰ ⴰⴷ ⵜⵜⵡⴰⴳⴳⵏ ⵉⵙⵏⴼⴰⵔⵏ ⵍⵍⵉⵖ ⵜⵜⵡⴰⴱⴹⴰⵏ ⵉⵎⴰⴷⵔⴰⵡⵏ ⴼ ⵜⵔⴰⴱⴱⵓⵜⵉⵏ, ⵉⵍⵏⵏⴰ ⵎⵎⴰⵖⵏ ⴰⴷ ⵙⵙⵓⵔⵓⵏ ⴰⵢⵍⵍⵉ ⵖⵔⴰⵏ ⴷ ⴰⵢⵍⵍⵉ ⵙⵙⵏⵏ ⴼ ⵜⵉⵔⵔⴰ ⵏ ⵜⵓⵍⵍⵉⵙⵜ ⵜⴰⵎⵥⵥⵢⴰⵏⵜ.
ⴳ ⵜⴰⴳⴰⵔⴰ ⵏ ⵜⵙⴰⵡⵔⵜ ⵉⵍⵎⵎⴰ ⵉⵜⵜⵢⵓⵙⴽⴰⵔ ⵢⴰⵏ ⵓⵙⵜⴰⵍ ⴷ ⵓⵙⵉⵜⴳ ⵉ ⵜⵓⵙⵙⵏⵉⵡⵉⵏ ⵏⵏⴰ ⵉⵜⵜⵢⵓⵙⴽⴰⵔⵏ ⵙⴳ ⵖⵓⵔ ⵜⵎⵙⵙⵓⵜⵉⵜ ⵏ ⵜⵙⴰⵡⵔⵜ ⵎⴰⵙⵙⴰ ⴼⴰⴹⵎⴰ ⴼⴰⵕⴰⵙ.
(ⵙⴳ ⵜⴰⵙⵏⴰ ⵏ ⵜⵎⴰⵢⵏⵓⵜ ⴳ ⵓⴼⴰⵢⵙⴱⵓⴽ)