ⴰⵏⵏⵓⵕⵥⵎ ⵏ ⵓⴳⵔⴰⵡ ⵡⵉⵙ ⵎⵔⴰⵡ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ
ⵉⵜⵜⵓⵕⵥⴰⵎ ⴰⵙⵙ ⵏ 26 ⵎⴰⵕⵚ 2022 ⴳ ⵉⵖⵔⵎ ⵏ ⵉⴳⵔⴰⵡⵏ ⴳ ⵜⵖⵔⵎⵜ ⵏ ⵡⴰⵔⵣⴰⵣⴰⵜ ⵓⴳⵔⴰⵡ ⵡⵉⵙ ⵎⵔⴰⵡ ⵏ ⵉⵎⴰⵣⵉⵖⵏ ⵏ ⵓⵎⴰⴹⴰⵍ. ⴷⴼⴼⵉⵔ ⵏ ⵓⵙⵏⵓⴱⴳ ⵏ ⵉⵎⴰⵣⵉⵖⵏ ⵏ ⵓⵎⴰⴹⴰⵍ ⴷ ⵓⵛⴽⴰⵏⵉⵏ ⵙⴳ ⵜⵉⵎⵉⵣⴰⵔ ⵏ ⵏⵏⵉⵊⵉⵔ ⴷ ⵚⴱⴰⵏⵢⴰ ⴷ ⴱⵉⵍⵊⵉⴽⴰ ⴷ ⴼⵕⴰⵏⵚⴰ…ⵖⵎⴽ ⴰⵏⵏⴰ ⵙⴳ ⴽⵉⴳⴰⵏ ⵏ ⵜⵖⵔⵎⵉⵏ ⵜⵉⵎⵖⵔⵉⴱⵉⵢⵉⵏ ⵙ ⵜⵉⵍⵉⵜ ⵏ ⴽⵉⴳⴰⵏ ⵏ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⴷ ⵓⵙⵏⵖⵎⵙ. ⵉⵍⵍⴰ ⵓⵏⵏⵓⵕⵥⵎ ⵏ ⵓⴳⵔⴰⵡ ⴰⴷ ⵙ ⵜⴳⵓⵔⵉ ⵍⵍⵉ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⵣⵉⵖ ⵎⴰⵙⵙ ⵕⴰⵛⵉⴷ ⵕⴰⵅⴰ, ⵉⵙⴰⵡⵍ ⴳⵉⵙ ⴳ ⵜⴼⴼⵓⴳⵏⴰ ⴷ ⵓⴼⵔⴰ ⴷ ⵓⵎⵙⵓⵔⵓⴼ ⵍⵍⴰⵏⵉⵏ ⴳ ⵡⴰⵎⵓⵏⵏ ⵜⵜⴰⵡⵙⵙⴰⵏⵏⵉⵏ ⵙ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ. ⵖ ⵜⵙⴳⴰ ⵏⵏⵙ, ⵉⵙⵎⵏⵉⴷ ⵓⴳⵏⵙⴰⵙ ⵏ ⵜⵎⵔⵙⵍⵜ ⵏ ⴼⵔⵉⴷⵉⵔⵉⵛ ⵏⵢⵓⵎⴰⵏ ⵜⴰⴳⵓⵔⵉ ⵏ ⵜⵎⵔⵙⵍⵜ, ⵖⵎⴽ ⴰⵏⵏ ⵓⵍⴰ ⵜⴰⴳⵓⵔⵉ ⵏ ⵓⵖⵎⵉⵙ ⴰⵎⴰⴹⴰⵍ ⴰⵎⴰⵣⵉⵖ ⵍⵍⵉ ⵜⵙⵎⵏⵉⴷ ⵜⵎⴰⵔⴰⵜ ⵏ ⵜⵉⵔⵔⴰ ⵏⵏⵙ, ⵜⵉⴳⵓⵔⵉⵡⵉⵏ ⴰⴷ ⵍⵍⵉ ⴳⴰⵏⵉⵏ ⵜⵉⵏ ⵓⵙⴱⵔⵔⴽ ⴷ ⵓⵙⵏⵓⴱⴳ ⴳ ⵓⵙⴰⵜⵉ ⵏ ⵜⵎⵙⴰⵔⵜ ⴰⴷ ⵜⴰⴷⵍⵙⴰⵏⵜ ⵉⴳⴰⵏ ⵓⵍⴰ ⵜⴰⴳⵔⴰⵖⵍⴰⵏⵜ. ⵍⵍⴰⵏⵜ ⵜⵉⵡⵡⵓⵔⵉⵡⵉⵏ ⵏ ⵓⴳⵔⴰ ⴰⴷ ⴰⵔ ⴰⵙⵙ ⵏ 26 ⵎⴰⵕⵚ 2022, ⵉⵍⵉⵏ ⴳⵉⵙ ⵓⵍⴰ ⵎⵏⵏⴰⵡ ⵉⵙⴼⵙⵔⵏ ⵏ ⵉⵢⴰⴼⵓⵜⵏ ⵉⴷⵍⵙⴰⵏⵏ ⵉⵎⴰⵣⵉⵖⵏ.