ⴰⴱⵕⵍⴰⵎⴰⵏ ⴰⵏⴷⵉⵏⵉ ⵉⵙⵖⵣⵏ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉ ⵏ ⵓⵏⴱⴰⴹ ⴰⵏⵉⵎⴰⵏ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⴷ ⵓⴽⵜⵓⵢ 43 ⵏ ⵓⴱⵕⵍⵎⴰⵏ ⴰⵏⴷⵉⵏⵉ ⵉⵍⵍⴰⵏ ⴳ ⴽⵓⵍⵓⵎⴱⵢⴰ ⵙⴳ 26 ⴰⵔ 29 ⴽⵟⵓⴱⵕ 2022, ⵢⵓⵎⴰ ⵓⴽⴰⴱⴰⵕ ⵜⴰⵎⴰⵔⵉⵜ ⴼⴰⵜⵉⵏ ⵍⵖⴰⵍⵉ ⴷ ⵓⵎⴰⵔⵉ ⵎⵓⵃⴰⵎⴰⵎⴷ ⵜⵡⵉⵎⵉ ⴱⵏ ⵊⵍⵍⵓⵏ, ⴷ ⵓⵎⵛⵛⵉⵡⵕ ⵄⴰⴱⴷ ⵍⵇⴰⴷⵔ ⵙⴰⵍⴰⵎⴰ.
ⵜⴽⵛⵎ ⵜⴷⵔⴰⵡⵜ ⴰⴷ ⴳ ⵓⵙⴰⵜⵉ ⵏ ⵓⵎⵣⴰⵖ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵢⴰⵏⴰⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴷ ⵓⵙⴱⴷⴷⵉ ⵏ ⵜⵔⴰⵄⵉⵜ ⵏ ⵡⴰⵄⴷⴰⵡⵏ ⴷ ⵓⵡⴰⵏⴽ ⵉⴱⴷⴷⵏ ⴷ ⵜⴳⴷⵓⴷⴰⵏⵜ ⵏ ⵎⴰⵔⵓⵔⵏ ⵢⵓⵎⴰ ⵓⵖⴰⵡⴰⵙ ⵏ ⵜⵙⵓⵜⵍⵜ ⴰⵙⵖⵣⵏ ⵏ ⵙⵏⴰⵜ ⵜⵏⵇⵇⴰⴷ ⵣⴷⵉⵏⵉⵏ ⴷ ⵜⵎⵙⴰⵔⵜ ⵜⴰⵏⴰⵎⵓⵔⵜ, ⵜⴰⵎⵣⵡⴰⵔⵓⵜ ⴰⵙⵏⴰⵍ ⵏ ⵜⵙⵏⵜⴰⵢⵜ ⵏ ⵍⵎⵖⵔⵉⴱ ⴼ ⵓⵏⴱⴰⴹ ⴰⵏⴰⵎⵓⵏ ⵉⴳⴰⵏ ⴰⴼⵙⵙⴰⵢ ⵏ ⵜⵉⵍⴰⵡⵜ ⵉⵖⵥⴰⵏⵏ ⵉ ⵓⴼⵓⴽⴽⵓ ⵏ ⵜⵎⴰⵖⵜ ⵉⵜⵜⵓⵙⴽⴰⵔⵏ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵜⵉⵙ ⵙⵏⴰⵜ ⵍⵍⵉ ⵜⵍⵍⴰ ⵜⵉⵔⵎⵜ ⴰⴷ ⵉⴽⵛⵎ ⴰⵢⵍⵍⵉ ⵉⵜⵜⵓⵙⵎⵎⴰⵏ “ⴰⵙⵇⵇⵉⵎ ⴰⵏⴰⵎⵓⵔ ⴰⵚⵃⵕⴰⵡⵉ” ⵏ ⵎⴰⵔⵓⵔ ⵓⴱⵕⵍⴰⵎⴰⵏ ⴰⵏⴷⵉⵏⵉ ⴰⴷ ⵉⴳ ⴰⴳⵎⴰⵎⴰ ⵉⵎⵥⵕⵉ.
ⴳ ⵉⵏⵎⵓⵇⵇⴰⵔⵏ ⴰⴽⴷ ⵉⴳⵎⴰⵎⴰⵏ ⵏ ⵓⴱⵕⵍⴰⵎⴰⵏ ⴰⵏⴷⵉⵏⵉ, ⵉⵙⴰⵡⵍ ⵓⴽⴰⴱⴰⵕ ⴰⵎⵖⵔⵉⴱⵉ ⴼ ⵜⵎⵏⵜⵍⵉⵏ ⵣⴷⵉⵏⵉⵏ ⴷ ⵜⵎⴰⵖⵜ ⵉⵜⵜⵓⵙⴽⴰⵔⵏ ⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴷ ⵜⵣⵣⵉⴳⵣⵉⵏ ⵏⵏⵙ ⴷ ⵓⵎⵎⵉⵥⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⵙⴷⴷⴻⴷ ⵏ ⵜⵎⵖⵔⵉⴱⵉⵜ ⵏ ⵚⵚⵃⵕⴰ ⴷ ⵓⵙⵎⴰⴷ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⵜⴰⵎⴳⴳⴰⵔⵓⵜ ⵜⴰⵖⵜⴰⵙⵜ 2654 ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⴹⴼⵕⵏ ⵜⵉⵎⵜⵜⴰ ⵎⵓⵏⵏⵉⵏ, ⵉⵙⴷⴷⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⵎⴰⵙ ⵓⵔ ⵟⵟⴰⴼ ⵜⴳⴷⵓⴷⴰⵏⵜ ⵏ ⵎⴰⵔⵓⵔ ⵜⵉⵍⵍⵓⴳⵏⴰ ⴷ ⵜⵓⵙⵙⵏⴰ ⵏ ⵜⵎⵜⵜⴰ ⵎⵓⵏⵏⵉⵏ, ⵓⵔ ⵜⴻⵍⵍⵉ ⴰⴱⵍⴰ ⴳ ⵜⵡⴰⵔⴳⵉⵜ ⵏ ⵓⵡⴰⵏⴽ ⵍⵍⵉ ⴷⵉⵙⵙ ⵉⴱⴷⴷⵏ .
ⵜⵜⵓⵙⴽⴰⵔ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵜⴰⵎⵣⵡⴰⵔⵓⵜ ⵏ ⵓⴱⵕⵍⴰⵎⴰⵏ ⴰⵏⴷⵉⵏⵉ, ⵜⴰⵙⵇⵇⵉⵎⵜ ⵏ ⵜⵙⵔⵜⵉⵜ ⵏ ⴱⵕⵕⴰ ⴷ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴰⴽⵡⴰⵙ 27 ⴽⵟⵓⴱⵕ, ⵢⵉⵏⵉ ⵓⵏⵇⵇⵉⵙ ⵏⵏⵙ ⴰⵙⵖⵣⵏ ⵏ ⵜⵙⵓⵎⵔⵜ ⵏ ⵜⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵏⴱⴰⴹ ⴰⵏⵉⵎⴰⵏ ⵉⴳⴰⵏ ⵜⴰⴷ ⵉⵖⵣⴰⵏⵏ, ⵜⵉⵍⵉ ⵓⵍⴰ ⵜⴰⴳⵯⵉⵜ ⴰⴷ ⵉⴽⵛⵉⵎ ⵓⵙⵇⵇⵉⵎ ⴰⵏⴰⵎⵓⵔ ⵏ ⵎⴰⵔⵓⵔ ⵙ ⵓⴱⵕⵍⵎⴰⵏ ⴰⵏⴷⵉⵏⵉ.
ⵙ ⵓⵎⴰⴽⵕⴰⴹ, ⵜⵙⵖⵣⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵓⴱⵕⵍⵎⴰⵏ ⴰⵏⴷⵉⵏⵉ ⴰⵏⵇⵇⵉⵙ ⵏ ⵜⵙⵇⵇⵉⵎⵜ ⵏ ⵜⵙⵔⵜⵉⵜ ⵏ ⴱⵕⵕⴰ ⴷ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴰⵏⵇⵇⵉⵙ ⵉⵙⴰⵡⵍⵏ ⴼ ⵓⵖⵣⴰⵏ ⵏ ⵜⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵏⴱⴰⴹ ⴰⵏⵉⵎⴰⵏ ⴰⵙⵙ ⵏ ⵓⵙⵉⵎⵡⴰⵙ 28 ⴽⵟⵓⴱⵕ 2022.
ⴷⴼⴼⵉⵔ ⵏ ⵓⵙⵜⴰⵢ, ⵙⵓⵜⴳⵏ ⵉⴳⵎⴰⵎⴰⵏ ⵏ ⵓⴱⵕⵍⴰⵎⴰⵏ ⴰⵏⴷⵉⵏⵉ ⴽⵉⴳⴰⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵣⵣⵉⴳⵣⵜ ⵏⵏⵙ ⵜⵓⵏⴳⵉⵎⵜ ⴳ ⵎⴰⵕⵕⴰ ⵏ ⵉⴳⵔⴰⵏ, ⵙⵍⵡⴰⵏ ⴰⴽⴽⵯ ⴷⴼⴼⵉⵔ ⵏ ⵓⵔⵣⴰⴼ ⵏⵏⵙⵏ ⴰⵎⴳⴳⴰⵔⵓ ⵉ ⵜⴳⵍⴷⵉⵜ ⴳ ⵢⵓⵍⵢⵓⵣ ⵍⵍⵉ ⵉⵣⵔⵉⵏ. ⵙⴷⴷⵉⴷⵏ ⵓⵍⴰ ⴼ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵜⵙⴳⴰ ⵜⴰⴼⵔⵉⵇⵉⵜ ⴷ ⵎⴰⵔⵉⴽⴰⵏⵜⴰⵍⵉⵜⵉⵏⵉⵜ, ⵙⵓⵜⴳⵏ ⵓⵍⴰ ⵜⵉⵡⵉⵙⵉ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵓⵜⵍⵉⵏ ⵏ ⵜⴳⵔⴰⵡⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵜⴰⵙⴳⴰⵡⴰⵏⵜ ⵉⵙⵜⴰⵡⵀⵎⵎⴰⵏ.
ⴳ ⵓⵎⵏⵉⴷ ⵏⵏⵙⵏ, ⵉⵙⵓⵜⴳ ⵓⴽⴰⴱⴰⵕ ⴰⵎⵖⵔⵉⴱⵉ ⴰⴷⴷⴰⴷⵏ ⵏ ⵜⴳⵯⵎⴰⵜ ⵏ ⵉⴳⵎⴰⵎⴰⵏ ⵏ ⵓⴱⵕⵍⴰⵎⴰⵏ ⴰⵏⴷⵉⵏⵉ, ⵙⴷⴷⵉⴷⵏ ⵎⴰⵙ ⵢⵓⵊⴰⴷ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉ ⵓⵙⵏⴰⵍ ⵏ ⵓⵎⵢⴰⵡⴰⵙ ⴰⴽⴷ ⴰⴱⵕⵍⴰⵎⴰⵏ ⴰⵏⴷⵉⵏⵉ, ⴷ ⵓⵙⴽⵔ ⵏ ⵉⵖⴰⵡⴰⵙⵏ ⵍⵍⵉ ⵜⵜⵔⴰⵔⵏⵉⵏ ⵉ ⵉⵏⴰⵔⵓⵣⵏ ⵏ ⵉⵎⴰⴷⴰⵏⵏ ⴰⵏⴷⵉⵏⵉⵢⵏ ⴷ ⵓⵎⴰⴷⴰⵏ ⴰⵎⵖⵔⵉⴱⵉ ⴳ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ, ⵉⵏⵉⵏ ⵎⴰⵙ ⵜⵎⵙⴰⵙⴰ ⵜⵉⵔⴰⵜ ⴰⴷ ⵜⴰⴱⵕⵍⴰⵎⴰⵏⵉⵜ ⴰⴽⴷ ⴰⵙⵜⴰⵢ ⴰⵙⵜⵔⴰⵜⵉⵊⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵏⴰⵍ ⵏ ⵓⵎⵢⴰⵡⴰⵙ ⵉⴼⴼⵓⵙ ⵉⴼⴼⵓⵙ ⵍⵍⵉ ⵉⵙⵏⴰⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜⵉⵏⵚⵕ ⵕⴱⴱⵉ.
ⵉⵙⴰⵡⵍ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⵓⵍⴰ ⴼ ⵜⵉⵢⵢⴰⴼⵓⵜⵉⵏ ⵏ ⵓⵏⵎⵓⵇⵇⴰⵔ ⴰⴱⵕⵍⵎⴰⵏⵉ ⴰⴷⵎⵙⴰⵏ ⴰⵎⵣⵡⴰⵔⵓ “ⵍⵎⵖⵔⵉⴱ-ⵉⵡⴰⵏⴽⵏ ⵏ ⵍⴰⵏⴷⵉⵣ” ⵍⵍⵉ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⴰⵏⴷⵉⵏⵉ ⴳ ⵜⵖⵔⵎⵜ ⵏ ⵍⵄⵢⵓⵏ ⵜⴰⵎⵖⵔⵉⴱⵉⵜ ⴳ ⵢⵍⵢⵓⵣ ⵉⵣⵔⵉⵏ, ⵖ ⵉⵍⵍⴰ ⵓⵙⴷⴷⵉⴷ ⵏ ⵓⵙⵏⴼⵍ ⴰⵏⵙⴱⴰⴱ ⵊⴰⵔ ⵜⵉⵎⵉⵣⴰⵔ ⵏ ⵍⴰⵏⴷⵉⵣ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⵍⵎⵖⵔⵉⴱ ⵜⴰⵡⵡⵓⵔⵜ ⵙ ⵉⴼⵔⵉⵇⵢⴰ ⴷ ⵓⵎⴷⵔⴰⵡ ⵏ ⵜⴷⵔⴰⵡⵜ ⵉⴳⴰⵏ ⴰⵏⵡⴰ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.
ⵉⵎⵓⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵎⴰⵙⵙⴰ ⵇⴰⵟⵉⴼⴰ ⵍⵇⵔⵇⵓⵔⵉ ⵜⴰⵏⵙⵙⵉⵅⴼⵜ ⵏ ⵜⵏⴰⴼⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵃⴰⵙⴰⵏ ⴰⵣⵔⵇⴰⵏ ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵉⵜⵜⵓⵙⴽⴰⵔ ⵓⴱⵕⵍⴰⵎⴰⵏ ⵏ ⵜⵔⴰⴱⴱⵓⵜ ⵏ ⵉⵡⴰⵏⴽⵏ ⵏ ⵍⴰⵏⴷⵉⵣ ⴳ 25 ⴽⵟⵓⴱⵕ 1979, ⵉⴳ ⵜⴰⵎⵔⵙⵍⵜ ⵉⵙⴰⵡⴰⵍⵏ ⴼ ⵉⵎⴰⴷⴰⵏⵏ ⵏ ⵉⵡⴰⵏⴽⵏ ⵏ ⵍⴰⵏⴷⵉⵣ ⴳⴰⵏⵉⵏ ⵙⵎⵎⵓⵙ: ⴱⵓⵍⵉⴼⵢⴰ, ⴽⵓⵍⵓⵎⴱⵢⴰ, ⵉⴽⵡⴰⴷⵓⵔ, ⵍⴱⵉⵔⵓ, ⵛⵛⵉⵍⵉ. ⵉⴽⵛⵎ ⵍⵎⵖⵔⵉⴱ ⵙ ⵓⴳⵔⴰⵡ ⴰⴷ ⴰⴱⵕⵍⴰⵎⴰⵏⵉ ⴰⵙⴳⴰⵡⴰⵏ ⴳ 2018 ⵉⴳ ⵉⵎⵕⵉ ⴷ ⵓⵎⴷⵔⴰⵡ ⴰⵅⴰⵜⴰⵔ.