Traduction de l'histoire (facture d'électricité) pour le conteur D. Rabia Barbak en tamazight / Traduit par le professeur Mazigh Aguilas. Saisie vocale écrite et universelle. dans la lettre latine.
…………Tfaturt n trisiti……….
Qlih la lliɣ d taruksilt,seg-a ad d-yewwi baba tfaturt n trisiti tamenzut deg tmudri-nnes,yella yetteqqel deg yiskilen ilatiniyen yellan ur yessin seg-sen kan zzey-nsen .
Tezzeyret tfaturt deg ufus-nnes u tezzeyret tmuɣli n teṭṭawin-nnes deg tfaturt,
Lliɣ tberqeɣ deg-s s tmelsa , xseɣ ad ssiliɣ matta qqarent tiṭṭawin-nnes seg-a yeẓra deg-i , ad tinid yettraja deg-i ad t-d-ssergeɣ seg lacca n ufeskar .
Yeḍfes tfaturt, yegr-itt deg ljib-nnes , amecwaṛ yesserg-itt-d, yetna yetteqqel deg-s s ubhat din amezwaru, yeẓri-d deg-i am tikelt tamezwarut ad tinid ca yettraja ad as-d-ssiliɣ matta yellan deg-s .
Manis ?
necc ur ẓriɣ aɣerbaz , ur ṭṭifeɣ adlis ,necc d tɛilbi din yellan tmetti-nnes s sbayer-nnes tekref-itt seg zik , necc d tameččukt din yellan ad texdem ayt-bab-nnes ald ma ad ssilin matta ad igen yid-s.
Ur ẓriɣ ca ma yella ubrid-inu yeqqen ɣer tfatuṛt din n trisiti
Baba iḍerren deg-s jar n yifassen-nnes lacca n unejlus aha d-yersen fella-s s tefransist !
Deg yimer-din anejlus tella d yemma
Yemma yellan tsess iẓi-nnes ald ad teẓer tarwa n yimeɛcar deg yifassen-nsen aqrab wilen ɣer uɣerbaz .
Akkas deg yilṭert-nnes: “egr yessi-k ad lemdent deg uɣerbaz ,ur atent-teǧǧa c d taleqqimt i waruskil am necc d cek , eẓr ɣer yiman-nnek ur tezmired ad tesserg-d tafaṭurt n trisiti , ǧǧi-tent ad lemdent taneggarut ad tafed ta ak-d -yessergen tfaṭurt .
Ussan u necc tɛussiɣ deg baba yennuzgem u yeṭṭef-it ssiḥran , yettemmeknas deg wul-nnes yid n tmetti yellan ur tetteǧǧi tahut ad telmed , yid n tcenniṭ n ṣwared yedrusen yellan telwi ɣef yiri n uxeddam aqellil , mamek ad yeffer seg-sen, ad yeṣka axxam n ṣa araḥ n tẓa n yessi-s .
Ur ẓriɣ ca belli tfaṭurt idin ad ay-teḍren tmudri-inu , cra n tmeddit yetna-d baba deg ufus-nnes sen n yeqraben d imeẓyanen deg-sen izmamen d yiɣunab d tɣawsiwin n ulmad ,
Din din ferheɣ yict seg-sen i necc .
Zhiɣ gut s tufra , ttefreɣ a yellan deg-i seg-a lliɣ ald luqq-a , d tmizragt n tufra.
Ur ẓriɣ ca aqrab yeḥlan deg tmeddudrt-inu am wa ẓriɣ deg tmeddit din yeḥlan , ur yelli ca yeɣla niɣ izewweq , yella d agemmir jar-ay d jar n sbayer n tmetti yeqqnen , din wwiɣ abrid n tlelli-inu d uzref-inu bac ad cuqqeɣ amek xseɣ imal d yiwal- inu .
Ssejbiɣ ɣef waruskil ald-i tejba-d fella-neɣ tfaṭurt n trisiti yellan tesserg-d seg-i tadukṭurt .
Ad ḥemdeɣ ṛebbi u at-cekṛeɣ
* Tahelsa n Prof ṛabiɛa berbag s teɛrabt
{ فاتورة الكهرباء}
* Tasuqqilt n Mass Aghilas Mazigh
https://elarabielyoum.com/show689954