العجينة الأساسية للصابلي
- 250غرام زيدة بدرجة حرارة الغرفة هادا شيء اساسي جدا
- كاس سكر ناعم (100غ) مغربل
- 2 بيضة كاملة +صفار بيضة بدرجة حرارة الغرفة.
- نصف كاس زيت (5 ملاعق كبيرة )
- سكر فانيليا او نكهة او قشور الليمون او البرتقال حسب الرغبة
- رشة صغيرة خميرة الحلوى
- الفرينة 500 غ ممكن أكثر على حسب نوعية الدقيق
هادي العجينة الاساسية.
:point_left: الطريقة : نخدم الزبده مع السكر مليح حتى يبياض الخليط من غير ما يسخن ثم نضيف الزيت والبيض ونضيف الفاني او النكهة ونخلط مليح لازم يعود كي الميوناز وفي الاخير نضيف الفرينة و الخميرة حتى نتحصل على عجينة متماسكة ولازم العجينة تقعد طرية كي نجمع العجين نوضعو فالثلاجة يرتاح لمدة 30 د
- من بعد نفرش بلاستيك غذائي ونحط العجينة ونغطيها ببلاستيك غذائي ما نستعملش الفرينة لانها تيبس السابلي ونفتح العجينة ونطبع ونحطو فالسينية مرشوشة بالفرينة او نفرش ورق الطبخ اذا لقيتو الحبات شوية سخنو حطو السينة فالثلاجة مدة دقيقتين قبل ما نحطهم في الفرن.
نطيبو على نار قليلة الي متوسطة 180 درجة من تحت فقط .
التزيين حسب الرغبة
شكرا للاهتمام! اذا اعجبتك الوصفة احرص على تقييمها ومشاركتها مع اصدقائك ولا تنسى التسجيل في المنتدى.
صحة وعافية على قلوبكم
أتمنى لكم وجبة شهية!