صينية فروج مع بطاطا بالفرن
المقادير
٢.٥ كيلو أفخاد دجاج
٤ ملاعق كبيرة لبن زبادي(كاسة)
نصف كوب زيت زيتون(كاسة)
٢ ملعقة صغيرة ملح
نصف ملعقة صغيرة فلفل اسود
نصف ملعقة صغيرة زنجبيل
نصف ملعقة صغيرة هيل
ربع ملعقة صغيرة قرفة
حبة فليفلة حارة(او ملعقة صغيرة بابريكا حلوة)
ملعقة كبيرة دبس بندورة(معجنون طماطم)
برش ليمونة واحدة
٣عصير ليمون
١٠ اسنان ثوم
٢ بطاطا
١ ملعقة صغيرة ملح
نصف ملعقة صغيرة كزبرة يابسة
ربع ملعقة صغيرة كركم
ربع ملعقة صغيرة كاري
ملعقة صغيرة بودرة ثوم
ملعقة صغيرة بودرة بصل
١.٥ ملعقة صغيرة بابريكا
نصف كاسة زيت زيتون
طريقة التحضير
1. أولاً: نقوم بتجريح قطع الدجاج(فيكم تستعملوا أي شي بدكم ياه غير الفخاد)، ونضعهم في صينية. لتحضير التتبيلة: نصع في الخلاط الكهربائي اللبن(فيكم ماتحطوا لبن وتحطوا بدالو مي لكن اذا حطيتوا مي بدكم تحطوا معو شي حامض)، زيت زيتون(او زيت نباتي يلي بدكم ياه)، ملح، فلفل اسود، هيل بودرة، قرفة، فليفلة حارة(مشوية عالغاز، فيكم تستعملوا ملعقة بابريكا بديل عنها)، دبس بندورة، برش ليمون، ثم نخلط المكونات جيداً، ومن ثم نسكب التتبيلة فوق قطع الدجاج، ونقوم بفركها مع قطع الدجاج، وبعدها نغلق عليهم وندخلهم الثلاجة (البراد) لمدة ٤ ساعات - ٢٤ ساعة (يعني فيكم تحطوها ٤ ساعات وفيكم تحطوها نهار كامل).
2. لتحضير البطاطا: نقوم بتقطيع البطاطا لشرحات، ثم نضع في وعاء ملح، كزبرة يابسة، كاري، كركم، ثوم بودرة، بصل بودرة، بابريكا، زيت زيتون(فيكم تحطوا زيت نباتي)، ثم نقوم بخلط المكونات جيداً، ومن ثم نضيف قطع البطاطا للتتبيلة ونحركهم بها(لحتى تاخد كل قطعة من التتبيلة).
3. طريقة التطبيق: نضع قطع البطاطا في صينية الفرن ونضيف لهم قطع الدجاج ثم نسكب تتبيلة الدجاج فوقهم، ونضيف لهم البصل(البصل صغير، او بصلة كبيرة بتقطعوها مربعات وبتحطوها بتتبيلة البطاطا لتاخد من التتبيلة، وفيكم تحطول بدل البصل جزر أو أي شي بتفضلوا)، ثم نغلق على الصينية في ورق الزبدة ومن ثم في ورق القصدير، ونضع الصينية في الفرن(الفرن شغال على حرارة ٢٢٠ من فوق ومن تحت)، لمدة ٥٠-٦٠ دقيقة(لحتى يستوي الدجاج والبطاطا والبصل)، وبعدها نقوم بالتخلص من الورق الموجود على الصينية وندخلها الفرن ونقوم بشويها(بتشغلوا الفرن بمرحلة الشوي من فوق بس)، وبعد الشوي نخرج الصينية من الفرن ونضيف لها عصير الحمض(الليمون مع الثوم)، ثم تصبح قطع الدجاج والبطاطا جاهزة.
شاهدي الفيديو للحصول على الطريقة بأدق تفاصيلها والمقادير مضبوطة
شكرا للاهتمام! اذا اعجبتك الوصفة احرص على تقييمها ومشاركتها مع اصدقائك ولا تنسى التسجيل في المنتدى.
صحة وعافية على قلوبكم
أتمنى لكم وجبة شهية!