Nnger n usirem amelsi deg yidurar n Waṭlas
Qqaren-iyi Ayub, a taferfant-iw taɛzizt,
Ɛerqeɣ, ttwaweddreɣ ur ẓriɣ anda akka i lliɣ,
Ur ẓriɣ ara ma mazal-iyi
Lliɣ neɣ mmuteɣ, annaɣ a yemma taɛzizt,
Yiwen n yimalas, iɛedda yiwen n yimalas,
Ur ssineɣ ara isem n wadeg-a,
Ttruɣ, suɣeɣ, yiwen ur iyi-d-yesli
Isem-iw Ayub, a tamurt-iw tamaɛzuzt,
Ṭillem-d ɣur-i, d nekk, slem-d i yiman-iw,
Aql-i da, ur ggugeɣ ara aṭas fell-awen
Annaɣ a bab ḥnini, tɛedda yiwet n ddurt yagi,
Ur ẓriɣ ara ma mazal-iyi
Lliɣ neɣ mmuteɣ,
?Annaɣ a taferfant-iw taɛzizt, tesliḍ-d i taɣect-iw
Usiɣ-d seg unẓul-asammer, nekk seg unẓul-asammer
Nekk d aqcic kan amecṭuh iɛerqen
Ɛerqeɣ deg udrar,
Ur bɛideɣ ara aṭas fell-awen,
Aql-i ɣef yiri-nwen,
Ur ssineɣ ara adeg-a yessewhamen,
Annaɣ a taferfant-iw taɛzizt,
Nekk seg yidurar-a,
?Idurar n Waṭlas, Tessnem-iyi
Muqlem-d s allen-iw, isem-iw Ayub,
Ǧǧiɣ tawacult-iw teggug fell-i,
Baba ɛzizen, yemma taḥnint,
Atmaten-iw, yessetma, imeddukal-iw,
Kkreɣ-d deg uxxam-agi n ṭṭub,
Deg texxamt-agi yebnan s uẓru,
Ǧǧiɣ aɣerbaz-iw akked tqeḍɛiyin
Nekk d Ayub, qqaren-iyi Ayub,
Ameksa-nni amecṭuḥ a tamurt-iw tameɛzuzt,
Kesseɣ ulli d umeddakel-iw,
Numer am yal aqcic,
Nettǧellib ɣef yicrufen,
Nettṣeffir adrar yettarra-d ṣṣut,
Nettazzal iḍarren ḥafi lgerra tekkat,
Netteẓẓel i yiṭij qessiḥen,
Nefreḥ, nettazzal ad d-nerr lmal
Tal tameddit yemma tettraju-iyi dihin
Ɣef umṇar n tewwurt, ma d baba
Yal ass yettweṣṣi deg-i,
Maca ass-a, ɛerqeɣ, nnegreɣ,
Ur ssineɣ ara amek i as-qqaren i wadeg-a,
D yiwen wadeg berriken, nekk issewhem-iyi,
Yiwen umkan yemgaraden akken ma yella,
Seg udrar iɣef ttruɣ
Fell-as suɣeɣ, cniɣ,
A tamurt taɛzizt, a yimawlan-iw imeɛzuzen,
Afem-iyi uqbel ad ifat lḥal
Yemma, baba, d watmaten-iw
Cedhaɣ-ten, Annaɣ a Rebbi, Annaɣ a taferfant,
Tifendiwin-nsen cedhaɣ-tent,
Lufan ad twalim acḥal i ten-jjmeɣ,
Nekk d mmi-twen, qqaren-iyi Ayub,
Nekk seg unẓul-asammer, usiɣ-d seg unẓul-asammer,
Ɛerqeɣ, ttwaweddreɣ a-t-a tura tɛedda ddurt.
Asefru n Essaid Manssouri.
Tasuɣelt n Malek Houd
ⵏⵏⴳⴻⵔ ⵏ ⵓⵙⵉⵔⴻⵎ ⴰⵎⴻⵍⵙⵉ ⴷⴻⴳ ⵢⵉⴷⵓⵔⴰⵔ ⵏ ⵡⴰⵟⵍⴰⵙ
ⵇⵇⴰⵔⴻⵏ-ⵉⵢⵉ ⴰⵢⵓⴱ, ⴰ ⵜⴰⴼⴻⵔⴼⴰⵏⵜ-ⵉⵡ ⵜⴰⵄⵣⵉⵣⵜ,
ⵄⴻⵔⵇⴻɣ, ⵜⵜⵡⴰⵡⴻⴷⴷⵔⴻⵖ ⵓⵔ ⵥⵔⵉⵖ ⴰⵏⴷⴰ ⴰⴽⴽⴰ ⵉ ⵍⵍⵉɣ,
ⵓⵔ ⵥⵔⵉⵖ ⴰⵔⴰ ⵎⴰ ⵎⴰⵣⴰⵍ-ⵉⵢⵉ
ⵍⵍⵉⵖ ⵏⴻⵖ ⵎⵎⵓⵜⴻⵖ, ⴰⵏⵏⴰⵖ ⴰ ⵢⴻⵎⵎⴰ ⵜⴰⵄⵣⵉⵣⵜ,
ⵢⵉⵡⴻⵏ ⵏ ⵢⵉⵎⴰⵍⴰⵙ, ⵉⵄⴻⴷⴷⴰ ⵢⵉⵡⴻⵏ ⵏ ⵢⵉⵎⴰⵍⴰⵙ,
ⵓⵔ ⵙⵙⵉⵏⴻⵖ ⴰⵔⴰ ⵉⵙⴻⵎ ⵏ ⵡⴰⴷⴻⴳ-ⴰ,
ⵜⵜⵔⵓⵖ, ⵙⵓⵖⴻⵖ, ⵢⵉⵡⴻⵏ ⵓⵔ ⵉⵢⵉ-ⴷ-ⵢⴻⵙⵍⵉ
ⵉⵙⴻⵎ-ⵉⵡ ⴰⵢⵓⴱ, ⴰ ⵜⴰⵎⵓⵔⵜ-ⵉⵡ ⵜⴰⵎⴰⵄⵣⵓⵣⵜ,
ⵟⵉⵍⵍⴻⵎ-ⴷ ⵖⵓⵔ-ⵉ, ⴷ ⵏⴻⴽⴽ, ⵙⵍⴻⵎ-ⴷ ⵉ ⵢⵉⵎⴰⵏ-ⵉⵡ,
ⴰⵇⵍ-ⵉ ⴷⴰ, ⵓⵔ ⴳⴳⵓⴳⴻⵖ ⴰⵔⴰ ⴰⵟⴰⵙ ⴼⴻⵍⵍ-ⴰⵡⴻⵏ
ⴰⵏⵏⴰⵖ ⴰ ⴱⴰⴱⴰ ⵃⵏⵉⵏⵉ, ⵜⵄⴻⴷⴷⴰ ⵢⵉⵡⴻⵜ ⵏ ⴷⴷⵓⵔⵜ ⵢⴰⴳⵉ,
ⵓⵔ ⵥⵔⵉⵖ ⴰⵔⴰ ⵎⴰ ⵎⴰⵣⴰⵍ-ⵉⵢⵉ
ⵍⵍⵉⵖ ⵏⴻⵖ ⵎⵎⵓⵜⴻⵖ,
ⴰⵏⵏⴰⵖ ⴰ ⵜⴰⴼⴻⵔⴼⴰⵏⵜ-ⵉⵡ ⵜⴰⵄⵣⵉⵣⵜ, ⵜⴻⵙⵍⵉⴹ-ⴷ ⵉ ⵜⴰⵖⴻⵛⵜ-ⵉⵡ ?
ⵓⵙⵉⵖ-ⴷ ⵙⴻⴳ ⵓⵏⵥⵓⵍ-ⴰⵙⴰⵎⵎⴻⵔ, ⵏⴻⴽⴽ ⵙⴻⴳ ⵓⵏⵥⵓⵍ-ⴰⵙⴰⵎⵎⴻⵔ
ⵏⴻⴽⴽ ⴷ ⴰⵇⵛⵉⵛ ⴽⴰⵏ ⴰⵎⴻⵛⵟⵓⵃ ⵉⵄⴻⵔⵇⴻⵏ
ⵄⴻⵔⵇⴻⵖ ⴷⴻⴳ ⵓⴷⵔⴰⵔ,
ⵓⵔ ⴱⵄⵉⴷⴻⵖ ⴰⵔⴰ ⴰⵟⴰⵙ ⴼⴻⵍⵍ-ⴰⵡⴻⵏ,
ⴰⵇⵍ-ⵉ ⵖⴻⴼ ⵢⵉⵔⵉ-ⵏⵡⴻⵏ,
ⵓⵔ ⵙⵙⵉⵏⴻⵖ ⴰⵔⴰ ⴰⴷⴻⴳ-ⴰ ⵢⴻⵙⵙⴻⵡⵀⴰⵎⴻⵏ,
ⴰⵏⵏⴰⵖ ⴰ ⵜⴰⴼⴻⵔⴼⴰⵏⵜ-ⵉⵡ ⵜⴰⵄⵣⵉⵣⵜ,
ⵏⴻⴽⴽ ⵙⴻⴳ ⵢⵉⴷⵓⵔⴰⵔ-ⴰ,
ⵉⴷⵓⵔⴰⵔ ⵏ ⵡⴰⵟⵍⴰⵙ, ⵜⴻⵙⵙⵏⴻⵎ-ⵉⵢⵉ ?
ⵎⵓⵇⵍⴻⵎ-ⴷ ⵙ ⴰⵍⵍⴻⵏ-ⵉⵡ, ⵉⵙⴻⵎ-ⵉⵡ ⴰⵢⵓⴱ,
ⴵⴵⵉⵖ ⵜⴰⵡⴰⵛⵓⵍⵜ-ⵉⵡ ⵜⴻⴳⴳⵓⴳ ⴼⴻⵍⵍ-ⵉ,
ⴱⴰⴱⴰ ⵄⵣⵉⵣⴻⵏ, ⵢⴻⵎⵎⴰ ⵜⴰⵃⵏⵉⵏⵜ,
ⴰⵜⵎⴰⵜⴻⵏ-ⵉⵡ, ⵢⴻⵙⵙⴻⵜⵎⴰ, ⵉⵎⴻⴷⴷⵓⴽⴰⵍ-ⵉⵡ,
ⴽⴽⵔⴻⵖ-ⴷ ⴷⴻⴳ ⵓⵅⵅⴰⵎ-ⴰⴳⵉ ⵏ ⵟⵟⵓⴱ,
ⴷⴻⴳ ⵜⴻⵅⵅⴰⵎⵜ-ⴰⴳⵉ ⵢⴻⴱⵏⴰⵏ ⵙ ⵓⵥⵔⵓ,
ⴵⴵⵉⵖ ⴰⵖⴻⵔⴱⴰⵣ-ⵉⵡ ⴰⴽⴽⴻⴷ ⵜⵇⴻⴹⵄⵉⵢⵉⵏ
ⵏⴻⴽⴽ ⴷ ⴰⵢⵓⴱ, ⵇⵇⴰⵔⴻⵏ-ⵉⵢⵉ ⴰⵢⵓⴱ,
ⴰⵎⴻⴽⵙⴰ-ⵏⵏⵉ ⴰⵎⴻⵛⵟⵓḥ ⴰ ⵜⴰⵎⵓⵔⵜ-ⵉⵡ ⵜⴰⵎⴻⵄⵣⵓⵣⵜ,
ⴽⴻⵙⵙⴻⵖ ⵓⵍⵍⵉ ⴷ ⵓⵎⴻⴷⴷⴰⴽⴻⵍ-ⵉⵡ,
ⵏⵓⵎⴻⵔ ⴰⵎ ⵢⴰⵍ ⴰⵇⵛⵉⵛ,
ⵏⴻⵜⵜⴵⴻⵍⵍⵉⴱ ⵖⴻⴼ ⵢⵉⵛⵔⵓⴼⴻⵏ,
ⵏⴻⵜⵜⵚⴻⴼⴼⵉⵔ ⴰⴷⵔⴰⵔ ⵢⴻⵜⵜⴰⵔⵔⴰ-ⴷ ⵚⵚⵓⵜ,
ⵏⴻⵜⵜⴰⵣⵣⴰⵍ ⵉⴹⴰⵔⵔⴻⵏ ⵃⴰⴼⵉ ⵍⴳⴻⵔⵔⴰ ⵜⴻⴽⴽⴰⵜ,
ⵏⴻⵜⵜⴻⵥⵥⴻⵍ ⵉ ⵢⵉⵟⵉⵊ ⵇⴻⵙⵙⵉⵃⴻⵏ,
ⵏⴻⴼⵔⴻⵃ, ⵏⴻⵜⵜⴰⵣⵣⴰⵍ ⴰⴷ ⴷ-ⵏⴻⵔⵔ ⵍⵎⴰⵍ
ⵜⴰⵍ ⵜⴰⵎⴻⴷⴷⵉⵜ ⵢⴻⵎⵎⴰ ⵜⴻⵜⵜⵔⴰⵊⵓ-ⵉⵢⵉ ⴷⵉⵀⵉⵏ
ⵖⴻⴼ ⵓⵎⵏⴰⵔ ⵏ ⵜⴻⵡⵡⵓⵔⵜ, ⵎⴰ ⴷ ⴱⴰⴱⴰ
ⵢⴰⵍ ⴰⵙⵙ ⵢⴻⵜⵜⵡⴻⵚⵚⵉ ⴷⴻⴳ-ⵉ,
ⵎⴰⵛⴰ ⴰⵙⵙ-ⴰ, ⵄⴻⵔⵇⴻⵖ, ⵏⵏⴻⴳⵔⴻⵖ,
ⵓⵔ ⵙⵙⵉⵏⴻⵖ ⴰⵔⴰ ⴰⵎⴻⴽ ⵉ ⴰⵙ-ⵇⵇⴰⵔⴻⵏ ⵉ ⵡⴰⴷⴻⴳ-ⴰ,
ⴷ ⵢⵉⵡⴻⵏ ⵡⴰⴷⴻⴳ ⴱⴻⵔⵔⵉⴽⴻⵏ, ⵏⴻⴽⴽ ⵉⵙⵙⴻⵡⵀⴻⵎ-ⵉⵢⵉ,
ⵢⵉⵡⴻⵏ ⵓⵎⴽⴰⵏ ⵢⴻⵎⴳⴰⵔⴰⴷⴻⵏ ⴰⴽⴽⴻⵏ ⵎⴰ ⵢⴻⵍⵍⴰ,
ⵙⴻⴳ ⵓⴷⵔⴰⵔ ⵉⵖⴻⴼ ⵜⵜⵔⵓⵖ
ⴼⴻⵍⵍ-ⴰⵙ ⵙⵓⵖⴻⵖ, ⵛⵏⵉⵖ,
ⴰ ⵜⴰⵎⵓⵔⵜ ⵜⴰⵄⵣⵉⵣⵜ, ⴰ ⵢⵉⵎⴰⵡⵍⴰⵏ-ⵉⵡ ⵉⵎⴻⵄⵣⵓⵣⴻⵏ,
ⴰⴼⴻⵎ-ⵉⵢⵉ ⵓⵇⴱⴻⵍ ⴰⴷ ⵉⴼⴰⵜ ⵍⵃⴰⵍ
ⵢⴻⵎⵎⴰ, ⴱⴰⴱⴰ, ⴷ ⵡⴰⵜⵎⴰⵜⴻⵏ-ⵉⵡ
ⵛⴻⴷⵀⴰⵖ-ⵜⴻⵏ, ⴰⵏⵏⴰⵖ ⴰ ⵕⴻⴱⴱⵉ, ⴰⵏⵏⴰⵖ ⴰ ⵜⴰⴼⴻⵔⴼⴰⵏⵜ,
ⵜⵉⴼⴻⵏⴷⵉⵡⵉⵏ-ⵏⵙⴻⵏ ⵛⴻⴷⵀⴰⵖ-ⵜⴻⵏⵜ,
ⵍⵓⴼⴰⵏ ⴰⴷ ⵜⵡⴰⵍⵉⵎ ⴰⵛⵃⴰⵍ ⵉ ⵜⴻⵏ-ⵊⵊⵎⴻⵖ,
ⵏⴻⴽⴽ ⴷ ⵎⵎⵉ-ⵜⵡⴻⵏ, ⵇⵇⴰⵔⴻⵏ-ⵉⵢⵉ ⴰⵢⵓⴱ,
ⵏⴻⴽⴽ ⵙⴻⴳ ⵓⵏⵥⵓⵍ–ⴰⵙⴰⵎⵎⴻⵔ, ⵓⵙⵉⵖ-ⴷ ⵙⴻⴳ ⵓⵏⵥⵓⵍ-ⴰⵙⴰⵎⵎⴻⵔ,
ⵄⴻⵔⵇⴻⵖ, ⵜⵜⵡⴰⵡⴻⴷⴷⵔⴻⵖ ⴰ-ⵜ-ⴰ ⵜⵓⵔⴰ ⵜⵄⴻⴷⴷⴰ ⴷⴷⵓⵔⵜ.
ⴰⵙⴻⴼⵔⵓ ⵏ ⴻⵙⵙⴰⵉⴷ ⵎⴰⵏⵙⵙⵓⵔⵉ.
ⵜⴰⵙⵓⵖⴻⵍⵜ ⵏ ⵎⴰⵍⴻⴽ ⵃⵓⴷ