Terɣa, maca…
Yekuffer wul
Ixliǧen
Ifeṭṭiwjen
At Uṣalaḥ
Yugi ad yekfu waḥ !
Ma d kra i yeẓẓlen din
Uɣalent tfekkiwin d tirgin
D tiẓẓit deg taɣect
D ugur deg ubrid
Xerben targit i Uṛumi
Tiyita ɣer tirect
Sɣersen ayeddid
Tifrat ɣer melmi
Imi tugi ad teknu
Imi ur tettaɣ awal
Imi ur asen-tefki azal
Imi teqqar akal-agi inu
Dɣa ur ḥezben i twaɣit
Serɣen axxam tayeggirt
Ggan wafriwen n tetbirt
Ɣeḍlen-d ṭṭlam deg wass
D aɣersiw, d amdan d tibḥirt
Kra din yuɣal d tirgit
Neldi-d allen, mačči d target
Glan ula s iɛessasen
Ad d-tɛiwed talalit
Seg yiɣiɣden-is
Tnina Taqbaylit
I nwan kksen iziɣer-is.