Asawen d luḍa
Fudeɣ, efk-iyi-d ad sweɣ
Taɣect-iw tenṭeḍ seg ccyaḍ
Fudeɣ, efk-iyi-d ad sweɣ
Taɣect-iw tenṭeḍ seg ccyaḍ
Ɣliɣ ur zmireɣ ad beddeɣ
Amzun sɛebban-iyi ablaḍ
Fudeɣ tili
Fudeɣ taḍsa
Fudeɣ lwi
Fudeɣ nneya
Wiyya-k, anef-iyi ad ddreɣ
Ar lhemm kečč d aseqqaḍ
Tettnadiḍ amek ara ddermeɣ
Tawiḍ yeffes d uzelmaḍ
Qqimeɣ srekdeɣ iman-iw
Tasusmi tres-d s waṭas
Ddubzen merra yiẓuran-iw
Rzant-d ɣur-i tissas
Ttarguɣ tafat
Ttarguɣ lehna
Talwit tekkat
Fukkeɣ tazzla
Targit tseggem-d ussan-iw
Lferḥ yewweḍ-iyi-d s ammas
Ziɣen zher-iw d aferḍas
Tidet tebgen-d tilawt-iw
Bu txidas yewweḍ s iswi
Yedder amzun d agellid
Tazmart, tcuff-it d ayeddid
Afus ɣur-s yettwehhi
Yenza nnif-is
Iles-is yettel
Yebra i wallen-is
Bu Midas yewweḍ s iswi
Yedder amzun d agellid
Amzun yeǧǧel
S wallen i yettawi lewhi
Tawwurt n ubexxes teldi-d
Ziɣ aṭas i t-yif umɣid
Yewwin ixef-is deg (yi)genni
Iḍufer abrid azeddgan
Lḥeqq yettǧabi fell-as
Aɣrum yečča-t d aberkan
Teffeɣ-it tiẓeṭ, d amessas
Yerwa lemrar
Yuli asawen
Yessen ccer
Ussan kkawen
Yiggas kan yeẓẓel iḍarren
Ma d kra i ɣran fell-as
Wwin-t, ssersen-t deg (u)ẓekka-s
Din ad sgunfun yiɣsan
Ad d-iwwet ubeḥri asemmaḍ
Ad yerḍeb wul ma yeqqur
Ad d-iwwet ubeḥri asemmaḍ
Ad yerḍeb wul ma yeqqur
Ad yekfu (ɣe)f umdan urkaḍ
Ad d-iɛurǧen uzeqqur
Iṭij yella
Adfel yekkat
Agris yeqwa
Tenger tafat
Ddunit n lbaṭel ad tecceḍ
Lḥeqq ad as-d yemɣi umur
Tudert yelhan ad d-tzelkeḍ
Ad tejfu ad yekkes ugeffur.
Tudert yelhan ad d-tzelkeḍ
Ad tejfu ad yekkes ugeffur.