Ammud n tmedyezt amaynut: Tilelli ur telli
D tidlit n ummud-iw n yisefra wis sin
Ussan-agi i d-iteddun n meɣres, dɣa ass-a 17 deg furar (28 février), tekcem tefsut-nneɣ, ad d-yeffeɣ ummud-iw wis sin n tmedyezt iwimi fkiɣ azwel » Tileli ur telli ». Ilaq i d-yeffeɣ deg useggas 2007 maɛna ur ufiɣ ara amek, yeqqim deg tasga yiwet n temrawt n yiseggasen am sin niḍen, amek i qqaren akken almi d tura i yekteb.
Llan deg-s azal n 47 n yisefra, isental mgaraden, Ḍemɛeɣ ad d-yas deg lebɣi n yimeɣriyen.