.....Ṭuber
Seg baba-s gher mmi-s.
Ad rreɣ tajmilt tameqqrant i kra n win yefkan tudert-is d asfel akken ad teqqim tmurt-is Lezzayer d tazzayrit, ad teqqim tbedd ɣas ma ggten wid yebɣan ahuddu d uɣelluy-ines.
Akal n tmurt ifud
Ifud ad isew
Rray ireẓ deg wafud
Yugi ad yeḥlu
Nnger la d-yett
Tamurt ad tt-ixlu
Kkren-d gher lbatel
ifassen d ilmawen
Ugin warrac nnger
Kkren-d d ahummu
Rrṣaṣ yuɣal d amger
Yemsed yettḥuccu
S lerwaḥ yeččur unnar
Tiɣri d askiɛɛew
Argaz yeɛya (de)g lehmum
Ttnulfun-d yal ass
Tamurt tɛawed lqum
Arrac d lqewwa-s
Ɣas ma qqaren-as d amcum
Tidet yebɣa ad d-tres
âyan deg tudert am ta…
Aqcic tura i d-ilul
Yugad azekka
Yugi lbaṭel ad iḍul
Yenna mačči akka
Yuɣ-as awal i wul
Iger-it s aẓekka
Tamurt terwa idammen
N warraw n tasa-s
Teɣreq deg (yi)meṭṭawen
Teḥzen ɣef tarwa-s
Anda-t wass ḥlawen?
Tessaram yal ass
Yeggul waggur n lexrif
Limin d aquran
Yeggul waggur n lexrif
Limin d aquran
Deg tmurt ad yekfu lḥif
U ad seggmen wussan
Ad nuɣal akk kif-kif
Ḥaca ayen i iɛeddan
Aqbu ass n: 07/12/1988
Ma d kra i iruhen d asfel…