…..Ṣṣwab
Ma yella nnuda γef yixf
Ad naf aneṣli yenteḍ
Kkawen s fad yimawen
Tala ğğan-tt almi teqqur
Γlin-d f tmurt yilmawen
Negren yirden s uhicur
Tiẓgi zedγen-tt yilfawen
S trewla innejla ucaqur
Asammer yerra tili
Tili-s tebrek f umalu
Qeḍran yurag γer yimi
Iles iεebba azaglu
W’i iwalan anda ad d-negri
G waluḍ yuεer uεummu
Ddunit dagi i d-tennulfa
Nettat d lweqt d tizzyiwin
Lekteb tura yestufa
Yeγli f nnker d teqburin
Yal yiwen d acu i d-yufa
Γilen d tumla n temεayin
Asammer yerra tili
Tili-s tebrek f umalu
Tayemmat i mmi-s teqqar
Memmi d argaz n uzekka
Mi yewweḍ yezger amnar
Yufa-tt mačči akken i tella
Ussan imezwura iḥar
Yuγal iεawed s wadda
Anef-as aÌas ad yili
Allaγ ad yaf iman-is
Yiwen ur yugi tamussni
Iles ad yaweḍ γer lebγi-s
Ma d ayyur kan n tziri
Aṭas n yitran γer yiri-s
Tanemla tefka azref
Yiwen ur yettagar wayeḍ
Ma yella nnuda γef yixf
Ad naf aneṣli yenteḍ
Wis-sin ur d-nenni acuγef
Iwumi « ečč tessusmeḍ »
Anef-as aÌas ad yili
Allaγ ad yaf iman-is