Kra n yisefra s talgha n « calligrammes »
Udi d widak n uydi
Wigi d isefra γur-sen talγiwin.S tefransist qqaren-asen « les calligrammes » am usefru n Appolinaire « la colombe poignardée, les jets d’’eau. D tarmit-iw tamezwarut deg wanect-a.
Da llan 3 n yisefra: udi, aseklu, aâeqqa yessawalen.
Aâeqqa yessawalen.
Nekk d allal atrar
Zedγeγ ifassen
Neṭḍeγ g meẓẓuγen
Mebla imurar
Leǧyub xliγ-ten
Tawant γur-i ulac
Sdrewceγ arrac
Fell-i ttjefjifen
Selbent teqcicin
Tal yiwet s waylay-s
Ttεeyyiḍent fell-as
M’ur slint i tẓidanin
Aâeqqa yessawalen
Udi
Zwir
Amezzir
Smir ayefki
Tssenduḍ tura
Awi-as-d ccna
Ad yuγal d iγi
Ad d-tifrir
Twarac n wudi
Udi n Lezzayer yezder
Yečča-t umrar neγ ujenwi
Zzmen-t uγalen gezmen-t, gezren
Tikti n tlelli yettawin ixef deg yigenni
Lqedd yezdi yessaram kan azekka lεali
D aẓekka i s-γzen d tlelli-s i t-gren
Tezdeg, tafat, temlel ad negren
Tebrek,aγurru, ilefḍan
D widak-nni n yiḍan
I yeṭṭfen annar
Deg Lezzayer.
Aseklu
Win
I iyi-iẓẓan
Iγellet yal aseggas
Agummu-w aẓidan
Ḥemlent-t ad t-γeẓẓent tuγmas
Asγar-inu yeqwan d aquran
Deg tegrest ssaγayen yis-s timas
S yiferrawen-iw yeẓdan
Tettddarim i tili-w yal ass
Abeḥri-inu aḥlawan
Ur as-giγ tilas
Akal ṭṭfeγ-t
S yiẓuran
D nekk i
D lsas.
Anwa i
D nekk?
Nekk d
Aseklu
Nekk d allal atrar (sγur Malek Ḥud)