....Amẓabi
Taɣerdeyt
Ur ilaq ara ad yili
Akken i t-id-yefka Rebbi
Umẓabi
Iḥemmel aṭas tilelli
Azref, izwer-as timri
Umẓabi
D ilelli mačči d akli
Kkaten ad as-d-rren tili
I Umẓabi
Argaz ilelli
Amaziɣ mačči d tixsi
Win yettseggimen tikli
D Amẓabi
Ddin-nsen d elibadi
Yeqreb nezzeh ɣer Rebbi
Umẓabi
Ur llin ara am wiyiḍ
Ur ten-yezdeɣ yisiḍ
D talsit i yezgan ɣur-sen
Ugin-ten, seggen-ten…
Ɣlin-d deg leḥkem n ujelkiḍ
Yerra-asen ass d iḍ
Yusem deg-sen mi t-ifen
S timuzɣa-s mi yettɛeyyiḍ
Fell-as ɣlin-d s ubeckiḍ
Kkaten-t akken ad yessusem
Amẓabi fkan-as iskiḍ
Yezga kan yettelwiwiḍ
Seg wakal bɣan ad t-suffɣen
D anqaḍ i bɣan ad neqḍen Imẓabiyen
Dinna i as-yeɣli yimiḍ
Ur tufiḍ d acu ara d-tiniḍ
Lḥeqq d netta i t-ileqmen
Acḥal deg-sen ay nɣan
Tidet mi tt-id-nnan :
« Nekkni nga d Imaziɣen »
Nɣan aṭas deg-sen…
Mačči akken i tt-fran
Wid yessebded zzman
Qqaren-d : « Nekkni d Aɛraben »
Beddlen-as targa i waman
Ssurgen-as qeḍran
Rran amezruy d ayla-nsen
Ma d wid yuɣalen d aklan
Nnif ččan-t d lɛesban
Gurɛen-d tanaslit-nsen
Yenǧer abrid n tlelli
Yiwen n wass kullec ad d-iban
Ad d-keflen akk yiẓuran
Izerfan merra ad d-rsen.
Malek Houd