.... Amattar
Iḍarren-is bezzaf i gman
Laɛmer i lsin asebbaḍ
Iḍarren-is bezzaf i gman
Laɛmer i lsin asebbaḍ
Deg lefḍan amzun ɣman
Yesserwat g ugudi n rrsaḍ
Deg yiḍ yeṭallay s itran
Isenned yessumet ablaḍ
Ulac arkasen…
Ajerbub yesbur aɛrur
Tifawtin mačči d yiwet
G yiman-is la yezzuɣur
G tezmert-is ahat yettwet
G lɣaci la yessutur
Amzun itett merruyet
Ibubb acḥal d aseggas
Ibubb acḥal d aseggas
Tuyat ɛekfent am umger
Yir tameddurt terna-yas
Yeɛya i yeɛya uzger
Akka i ijerred g twenza-s
Terka am takka g unnar
Iwunes-it uglaf n yizan
Anida iɛedda ad t-yawi
Ugur yewwet-it deg (yi)berdan
I yettawi ma yettnadi
Ur tufiḍ d acu ad d-yini
Ul-is yeqber s wurfan
Zik yiwen ur iẓri d acu-t
Tiyita deg-s ur tlaq
Fell-as tura kullec ifut
Amzun laɛmer i d-yexleq
Deg tudert amzun yemmut
Ala i usuter i d-ineṭṭeq
Zik yiwen ur iẓri d acu-t
Mazal ar tura leɛra
Skudmal yettzad ur inekkeẓ
Anadi ala netta
Azal ur t-isɛi urgaz
?Anida i nteddu akka
Mazal ar tura llaẓ