Nna Raḥma At Ɛisa
Tenna leɛyub n ddunit
Ttagaden aṭas awal-is
D yelli-s n yidurar n Uqbu
Deg taddart n Tiɣilt Maxluf
Nna Raḥma At Ɛisa ad d-tejbu
Nekkni ad s-nini: “Ansuf”
Awal teqqar d asefru
Iteqqes am uzegḍuf.
Ahat mi ytella mezziyet…
Tenna leɛyub n ddunit
Ttagaden aṭas awal-is
Ad t-id-tessisen deg lḥentit
Send ad t-tazen i bab-is
Iwellihen-is akk ẓidit
Ɣef wid yeddan d rray-is.
Acḥal d aẓeṭṭa i d-tegzem
D tamqabelt teslul-d acḥal
Ttqadaren-tt nnig n llazem
Tettdawi, tkes, tettazzal
Acḥal d aẓeṭṭa i d-tegzem
Deg (yi)sefra-ines tettnawal
S temsal n yal ass i d-tzeddem.
D yelli-s n yidurar n Uqbu
Agujil n taddart, terfed-it
Tessuṭṭeḍ acḥal d tasuta
Rebbu-ines s tfenṭazit
D tameṭṭut tezdeɣ trrugza
Aɣbel d-yusan temmuger-it
Tugar azger n tkerza.
Agujil n taddart, terfed-it
Tessuṭṭeḍ acḥal d tasuta
Ɣur-s nnig n meyya waxfiwen
Tbedd ɣur-sen s tyessawt
Tibḥirin d wayen-nniḍen
Tessewham merra taddart
Awal deg (yi)mi d isaffen
D tameṭṭut yessagren tazmart.
Ɣur-s nnig n meyya waxfiwen
Tbedd ɣur-sen s tyessawt
Tazmart tefka-tt akin i meyya
Tedder tessader wiyaḍ
Arraw n warraw d ccuhada
Ɣeḍlen zzman asemmaḍ
Tajmilt yuɣalen i Nna Raḥma
I tt-yuklalen ala Asaḍ.
Tessefraw am wasif