.. Tamehrazt
… Azduz-is ur iɛeyyu
Tamehrazt yeddzen awal
Tenǧer-d seg ubawal
Tefka-d acḥal d asefru
Di tsekla la tettnawal
Deg yiḍ neɣ deg uzal
Azduz-is ur iɛeggu
Tamaziɣt-nneɣ tuklal
Ad as-nettarra azal
Alma teɣḍel azaglu
Asefru i d-yeffɣen qerriḥ
Yesmektay-d aqriḥ
Yeḍran ɣef tmurt yukin
Ar imira yettissiḥ
Ur ifukk zdiḥ
Mazal nceggalent tudrin
Aqcic ilemẓi ucbiḥ
I t-yugmen d uqsiḥ
Yeger-it ddaw n tmedmin
Azduz yeddzen ifelfel
Rran-t ɣef Leqbayel
Ddzen-ten meẓẓi meqqer
Di tmurt yejjujra lbaṭel
Deg urgaz yeɣḍel
Yesbedd uzlig am umger
Ttnadin ɣef usirem ad yegdel
Tafat ad terwel
D ṭṭlam ad yaɣen aẓar
Aḥeqq tirwiḥin yeɣ
Ar tura ttnajin
Tudert ur teqqim akka
Aḥeqq tikli s tɛekkzin
D uqejjir yekrin
deG unrar ad tekkes takka
Aḥeqq tidet ad d-yeggrin
D lekteb ad yefsin
Ara yelhun d azekka .
Malek HOUD