.. Imeɣrasen
Neqqen deg-sen am yizan
Ččan iri-nsen daxel n tmurt
Neqqen deg-sen am yizan
Tuɣal fell-asen tewwurt
Teḍyeq ddunit anda i rran
Ttargun ccbaḥa n tefsut
Mmuten deg unebdu yerɣan
Mi d-tusa tmunnent nefreḥ
Ziɣen skudmal nqerreḥ
Leḥkem mi teṭṭfen yilfan
Wiyiḍ ɣef tlisa thennan
Sebɛa iseggasen ḥman
D lbarud ur yessusem
I d-mmugren ala arẓagan
Lbext-nsen d aya i d-yezdem
Wiyiḍ ɣef tlisa thennan
Ddren tudert n yilem
Rebban tacriḥt i uzekka
Ad awin akk taferka
Agdud ad t-isumm uzrem
Win
Win walan yeḥmmel tamurt
Win walan yeḥmmel tamurt
Tirrugza tezdeɣ ul-is
Ad as-d-sseḥlulin takurt
Ara isummet deg laxart-is
Nutni ad d-ččaren tawwurt
I tmurt yeččan arraw-is
Ad tt-rren akk d ayla-nsen
Am tixsi ara tt-lsen
Agdud ad yerwu rray-is
Tirrugza tezdeɣ ul-is
Azgen n lqern iɛedda
Ar tura ṭṭfen tiqucac
Lḥif deg tfeqlujt yenda
Tessen-t s nnuba leɛrac
Azalen zren deg temda
Yemmut usirem n warrac
Ur ḥsiɣ ad teqqim akka
Tafat ad d-tali azekka
Fell-aneɣ ad yekfu uɣamac.
Lḥif deg tfeqlujt yenda