.. Buredman
…. Caah, uwigh kullec
Tessurgeḍ azal i kečč
Teǧǧiḍ-d lqaɛ n tcekkart
Ayla-w meskin immečč
Ar ass-a ur gziɣ tigert
Ayla-k yesseḍ ikerrec
Yennum aliwi n tezmert
Tessurgeḍ azal i kečč
Teǧǧiḍ-d lqaɛ n tcekkart
D bu meqqran n uɛebbuḍ
Itett ur yesɛi tawant
Iger-iyi nekk deg waluḍ
Deg temda-nni tahrawant
Rwiɣ terẓeg n ubelluḍ
Terẓeg-nni taqesḥant
Abernus ad t-id-yekkes
Kra yella yerra-t ines
Ig Rebbi d ayla n jeddi
Awal-iw yunfa-s yegres
Ayla-s itettel-as tiddi
Abernus ad t-id-yekkes
Ad t-yettlusu ad t-ileddi
Laxart terriḍ-tt zegzawet
Tesddukleḍ snat n tlufa
Terriḍ-tent amzun d yiwet
Tɣeḍleḍ-d ɣef umdan tanafa
Laxart terriḍ-tt zegzawet
Tutlayin bḥal taffa
Rebbi s taɛrabt i yettwet
Ddunit d laxart i tuɣal
Ddunit d laxart i tuɣal
D kečč i tt-yerran akka
Tessibrikeḍ-tt ur tuklal
Fell-as tesneɣleḍ-d takka
Tbeddleḍ ini i wakal
Tbeddleḍ udem i Tferka
Ayen tebɣuḍ tekkeḍ ay iḍ
Ayen tebɣuḍ tekkeḍ ay iḍ
D ulaqrar ad yali was
Tamurt idel-itt usemmiḍ
Sya u sya zzint-as tillas
A tayri kemm ad d-temɣiḍ
Lkerh ad yeqḍeɛ layas