.....Imucaɣ
Ilelliyen
D agdud tefren tlelli
Tirrugza d tfenṭzit
Ar tura ur ttun iḍelli
Tifineɣ tura (ɣe)f telwiḥt
Imucaɣ ttrajun Rebbi
Tuɣal fell-asen tmedlit
Nefka deg-sen afus
Nerẓa lɛehd n ubernus
Tira tifinaɣ
D irgazen yeṭṭfen deg wawal
Ard qqimen akken i llan
Ḥṣan ttidiren deg ccwal
Sɛan tajaddit deg (yi)ɣsan
Qeblen ad ččen akal
Wala ad uɣalen d aklan
Nefka deg-sen afus
Nerẓa lɛehd n ubernus
Tamucaɣt
Leɛra llaẓ d usemmiḍ
Rṣaṣ yerna-d s ufella
Mmi-s n Uṭergi yettɣiḍ
Yal ass terkeb-it tawla
Leḥqq-is ar tura ur t-yewwiḍ
Tehmel-it tunfa-s ddula
Nefka deg-sen afus
Nerẓa lɛehd n ubernus
Tageldunt Tinhinan
Tamurt-agi d tamurt-is
Timuzɣa yugi ad s-yebru
Yettnadi kan (ɣe)f umur-is
I wakken kan ad t-yesɛu
Tin-Hinan yedwi rruḥ-is
Yettnadi ad yesteɛfu
Kkret ad sen-nfek afus
Ad ndel s yiwen n ubernus.
« Tilelli ur telli » Malek HOUD