..... Nneyya
Tamazɣa
Yezzelkeḍ wawal
Yuzzel ad yini
I win ur nesli
Yezwar-d s akal
Zedɣen-as miḥlal
Iɣurr-it zzman
Izder deg laman
Yesɛukkuz uffal
Imaziɣen
Itezzem iman-is
Mi yefka lebɣi
Yuɣal ur yelli
Ddzen-t s ufḍis
Ur yessenz tamurt
Uɣen-tt war azal
Ur tezyin tefsut
Mi ur d-tefki tizwal
Taẓuri n Yimaziɣen
Amzun yettuẓẓum
D zzher i yuran
Yuǧǧew-d anezgum
Yegzem iẓuran
Iɛedda uzaylal
Fell-as ay itezzi
Yettwaqqed deg uzal
Ttawin-t-id d anzi
Tamurt n Yimaziɣen
Ẓẓebra ẓẓayet
Am uzekka-nneɣ
Ma d amgerḍ-nneɣ
S uzaglu yettwet
Mi d-zegren ẓẓerb
S azrib i d-ẓeḍmen
Ẓuɣren at lɣerb
Rran-ten d wid nsen
Tamaziɣt tahuskayt
Igzer-it uzeggar
Yezwi-as aglim
Fessus am uclim
Zlan-t am uzger
Massnsen adellid 1u n Yimaziɣen
Iẓẓer izerri
Uzrar izerben
N zzman iɛewjen
Ma d ul-is yedri…
Yugurten agellid n Yimaziɣen