Ɛebdelqader Ibubucen
Ɛebdelqader Anaẓur
Yemmut unaẓur
Iwimi nezzi aɛrur
Asmi akken yedder
Yekkat-aɣ wugur
Ul-nneɣ deg uzagur
Seg zzuxx neqber
I as-nekkes d amur
Yemmut d amengur
Di tatut yezder
Yezreɛ tayri-s deg Spenyul
Tin mu yefka ul
Teḍfer-it-id ɣer tmurt-is
Wissen acimi i yegull
Ur s-yeddi deg lmul
I tin i s-yefkan ul-is
Talfi d zzhu ad yettddukul
Yečča kra uḥeckul
Yexreb akk ṛṛay-is
Iman-is di talwit
Yesbeɣ acḥal d tafelwit
D tidet mucaɛit
Acḥal i jeggḥent medden
Taẓuri d taẓawalit
Txerreb ddunit
Ɣef win i tt-ifernen
Qader ur t-tezgil ddunit
S tebrek-is tdel-it
Almi i tedlen s lekfen
Agaru deffir wayeḍ
Deg-s lḥif yenṭeḍ
Deg medden la yeṭallay
Yiwen uḍar akkin yecceḍ
Yettraju ad d-taweḍ
Tin ad s-yekksen asnektay
Deg tmerẓuga deg-m yeṭṭeḍ
A ddunit ur tqaleḍ
I yemwujah theggaḍ-d ttay
Ɛebdelqader Amekla.