Tiẓgi, iger d umnar
Amnar n tewwurt
Tiẓgi yellan tebberber
Afurek (ɣe)f gma-s yeẓḍa
Iger ur imusa umgar
Irden d ddheb n lqima
Axxam i d-yerra umnar
Daxel yeččur d lḥerma
Tiẓgi, iger d umnar
Tɣant tẓegwa…
Yewwet-d yiṭij d aqesḥan
Tiẓgi tekker d anaɣur
Wwan, rɣan yimawlan
Ssaramen ad d-yewwet ugeffur
Taggara d iɣed i d-yeggran
Abeḥri deg-s yezzuɣur
Yeḥḍem yiger d anebdu
Tiẓgi, amnar d yiger
D ayla n wul yettwagezmen
Iẓaẓ-d ɣur-s nnger
D imeṭṭi t-id-isaḥen
Yeɣli yugi ad yekker
Yuɣ tiyita qessiḥen
S axxam tuɣal-d lḥerma.
Yeḥḍem yiger d anebdu
Zεaf ẓẓan-t (de)g wakal
Yefka-d tayri tettaḍsa
Tiẓgi telsa-d amellal
Amnar s yiẓra yebna
Iger (de)g wakal la d-yettlal
S axxam tuɣal-d lḥerma.
Malek Houd