....Agejdur
Yeɣli-d yilem agejdur
Yeɣli-d yilem agejdur
Tamurt-nneɣ tessewḥac
Lḥila n ssber teččur
Tagrest yečča-tt uɣamac
Aḥric n kra yettuzur
Ma d wiyiḍ zdin d ulac
Aklan atraren
Tamurt tbeddel imawlan
Mi d-teɣli deg yir afus
Ɣeẓẓan-tt, sentan-as uglan
I s-gan, ttwalin-t drus
Arraw-is ḍḥan-d d aklan
Ttɛebbin aɣbel d ayemmus
Akken ččan yilfan tiẓgi
Begsen-d tamurt ad tt-ččen
Akken ččan yilfan tiẓgi
Am yiɣes ara tt-werrmen
Akken t-yettwerrim uydi
D taneẓruft ara tt-ren
Deg-s kra ur d-yettɣimi
Ara d-ḍeggren d timedlin
Ad ččḥen yimezwura
Ara d-ḍeggren d timedlin
Ḥader ad as-tinim tefra
Tilelli d tin yettcalin
Nreffed azaglu ar tura
Tiwenziwin d tid yedrin
Yeɣli leqder n ubernus
Iɛessasen fkan afus
Rnan at laɛraḍ n Rebbi
I tlaba yefsi wagus
Tamurt, ɛeryan ad d-teggri
Yeɣli leqder n ubernus
Aqelmun mi d-as-yeɣli
Izamaren fkan rray i wuccen
Ay aqḍar n yizamaren
Yefkan rray i wuccen
A wid yezdin d wissen…
Mi trehnem azekka-nwen
Awer d-teggri (de)g (yi)fassen-nwen
Ayen ad yeɣbun isem-nwen
ssnasel