Dda Lmulud (Lmulud At Mεemmar)
Dda Lmulud baba-s n tamazight
Amulli wis 27 n tmettant n Dda Lmulud At Maεemmar. Zemreɣ ad d-iniɣ mebla akukru d netta i baba-s n tmaziɣt, tagi i nesselmad akka tura. D yiwen urgaz yuklalen tajmilt tameqqrant. Ilaq nekkni s Yimaziɣen yal ass ara d-ilalen ad s-neqqar i Dda Lmumud: Tanemmirt!
Dda Lmulud
Tiɣilt i ttun ur tt-ttun
Ṭṭes iḍes n lehna
Wujhen acḥal d amelyun
Walan argaz n tirrugza
Dda Lmulud anwa ur t-ittrun
Meqqer yilem i d-yeǧǧa
Tuweḍ-d tegnit nessarem
Tagnit yekksen isudal
Aṣenṣel nugar azrem
Tilelli tesɛa azal
Ma d Dda Lmulud yessusem
Ɣef tiɣilit ddaw wakal
Ɣas yeɣli ujgu alemmas
Axxam amaziɣ ibded
Tisariwin-is aṭas
Ta tettwaṭṭef ɣer tayeḍ
D tidet i s-ssan i lsas
I ɣ-icqan tura ad t-naweḍ
Aṭas i yugin i yiṭij
Ad d-yenqer tagut n ṣṣdad
Dda Lmulud yezga am yirrij
D yid-sen ur iḥbis ttrad
Ikki (de)g uhuddu n lweqt uɛwij
S wawal ittnaɣ ur yugad
Anda tella tmazight yeâna-tt