.. Tawenza-w
Ad k-mleɣ d acu yura
(De)g twenza icenfen yal ass
(De)g twenza-w Rebbi yura
(De)g wass-is n zɛaf yufa-iyi
Ur tufiḍ d acu i yeǧǧa
Deg lemrar d lemḥani
(Se)g yimiren ur d-isteqsa
Yedha d wiyiḍ yeǧǧa-iyi
?A Rebbi acimi akka
Tawenza-w merra terka
?A Rebbi acimi akka
Tawenza-w merra terka
Acimi a zɛaf i t-tzeɛfeḍ
?Ass-nni akken i d-yedla fell-i
Ḍemɛeɣ ass-nni ad s-tanfeḍ
S tiṭ yelhan ad iyi-d-iwali
Asmahat ɛni tusmeḍ
Tekkreḍ tbeddleḍ-as tikli
A Rebbi mel-iyi-d acimi
Tawenza-w teǧǧiḍ-tt teɣli
A Rebbi mel-iyi-d acimi
Tawenza-w teǧǧiḍ-tt teɣli
Ad k-mleɣ d acu yura
(De)g twenza icenfen yal ass
(De)g ubrid ad ǧǧeɣ lǧerra
(De)g tmerẓuga yeẓẓa-as
Ssarameɣ ad tekfu lmeḥna
Ziɣen tettẓiẓi (de)g tilas
Annaɣ a Rebbi acuɣer
Mi tt-uɣeɣ akka (de)g zher
A zɛaf bu tkuffa am wasif
Buddeɣ-ak anebu ad k-yesɣer
Tesserkiḍ-d fell-aneɣ lḥif
Yal ass yid-s d amɛebbar
(De)g yiɣes ur d-yeggri wadif
Nettraju tafat neqber
Yefka Rebbi deg-neɣ afus
Deg yiḍes i d-nettdduqqus
Yefka Rebbi deg-neɣ afus
Deg yiḍes i d-nettdduqqus
Tɛuẓẓeg tafat ur d-tesli
Nessawel-as ur d-terri awal
S tmara i nteddu ur neẓri
Alamma d ddaw n wakal
Tira (de)g unyir ad d-teggri
Tenǧer (ɣe)f yiɣes amellal
I yuran ad iɛeddi
Imru n Rebbi iɣucc-iyi
Abrid am wa ur-iyi-ihwi
Xebceɣ anyir s uzeggar
Seg-s yir tira ad d-teɣli
Ad truḥ d idammen s iɣzer
Tawenza i bɣiɣ ad d-temƔi
Tafat nettnadi ad ɣ-d-tẓer
I Rebbi ad s-ččareɣ tiṭ
S tayri ad iyi-iččar taxriḍt.
I yuran ad iɛeddi
Imru n Rebbi iɣucc-iyi