Ulac ssmaḥ ulac
Ulac ssmaḥ ulac
Asefru-a uriɣ-t mi akken yeḥma useqqi. Imiren banen-d Leqbayel amzun dduklen, ladɣa kra din d astehzi ɣef umur ameqqran n Yiqbayliyen i yenwan aṭas deg widak i d-sbedden d iqerray n leɛrac… Maca twalam akk amek teḍra, amek iqelben akebbuḍ, amek ibeddlen adrum s uɣrum, amek i ssenzen idammen n watmaten-nsen imecṭaḥ…
Asefru-a d yiwen n usebter n umezruy-nneɣ, yeqqar-aɣ-d amek yexdem udabu n tmurt-nneɣ Lezzayer deg yilmeẓyen n tmurt n Leqbayel, deg useggas 2001, imi i-d-ssutren izerfan-nsen imezwura: tamagit tamaziɣt, tutlayt tamaziɣt, idles amaziɣ, tilelli, tugdudt…. Ur nezmir ara ad nettu d acu yeḍran yid-sen… Ttseggiden deg-sen am yitbiren…Nɣan deg-sen nnig n 128… Ɛegben mačci d kra i kra ara tekk tudert i d-yeggran… Ur nezmir ara ad nettu neɣ ad nesmeḥ aya…ḌAqen wulawen.
...Imi i aɣ-tenɣam arrac
Ulac ssmaḥulac
Ulac ssmaḥ ulac
Imi i aɣ-tenɣam arrac
Kanakken d ilmeẓyen
Tetturarem s leklac
Tessibrikem ccac
Yis-s tedlem izmawen
Leḥzen yugi ad iqacc
Adabu s ulewwac
Yemger Iqbayliyen
Ur yelli d afermac
Lbaṭel ikerrec
Ihemmej deg (yi) lelliyen
Kra inul d aqecqac
Ma d tizegzewt tḍac
Tamurt d tin yekkawen
Fkan azal i uqelwac
Issentawen aqabac
Deg wul n yimdanen
Taqeṭṭiḍt n yimcac
D wagi i d leqmac
D awal n wid iḥekmen
Nsuɣ kkawent tuɣac
Nekuffer seg uɣamac
Nhedder d yiɛeẓẓugen
Cwi kan llan Leɛrac
Tagmat, ters-d d trac
Tesddukel IMAZIƔEN
Semmḍit am yiẓeblac
Limin ḥanet ulac
As awḍen i ɛuhden.
Nekuffer seg uɣamac