ⴰⵏⵏⵓⵕⵥⵎ ⵏ ⵜⵏⴰⴼⵓⵜ ⵜⴰⵎⴷⵢⴰⵏⵜ ⵏ ⵡⴰⴷⴰⵙ ⵏ ⵜⵎⵖⴰⵔⵉⵏ ⴷ ⵡⴰⵣⵣⴰⵏⵏ ⵏⵏⴰ ⵎⵓ ⵜⵜⵓⴳⴰ ⵜⴽⵕⴹⵉ ⴰⵙⵙ ⵏ 04 ⵎⴰⵕⵚ 2023
ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏⵏⴰ ⵉⵜⵜⵓⴳⴰⵏ ⴳⵔ ⵜⵎⴰⵡⵙⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵜⵎⴰⴳⵔⴰⵡⵜ ⵏ -ⴰⴷ ⵓⵔ ⵜⴳⴳⵔⵜ ⵉ ⵢⵉⵡⵉ- ⴰⴼⴰⴷ ⴰⴷ ⴰⵜⵜⵓⵢⵏⵜ ⵜⵏⴰⴼⵓⵜⵉⵏ ⵏⵏⴰ ⵉⵍⴰⵏ ⵉⵜⴳⴰⵔⵏ ⵉⵏⴰⵎⵓⵏⵏ ⴳ ⵜⴳⵔⴰⵡⵜ ⵜⴰⵔⴰⴽⴰⵍⵜ ⵙⵉⴷⵉ ⴱⵓⵇⵏⴰⴷⵍ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵡⴰⵣⵣⴰⵏ ⴷ ⵜⵎⵖⴰⵔⵉⵏ ⵏⵏⴰ ⵎⵓ ⵜⴻⵜⵜⵓⴳⴰ ⵜⴽⵕⴹⵉ, ⵜⵏⵏⵓⵕⵥⵎ ⵢⴰⵜ ⵜⵏⴰⴼⵓⵜ ⵜⴰⵎⴷⵢⴰⵏⵜ ⵏ ⵡⴰⴷⴰⵙ ⵏⵏⴰ ⵉⵣⵍⵉⵏ ⵙ ⵜⵎⵖⴰⵔⵉⵏ ⴷ ⵡⴰⵣⵣⴰⵏⵏ ⵏⵏⴰ ⵎⵓ ⵜⴻⵜⵜⵓⴳⴰ ⵜⴽⵕⴹⵉ ⴳ ⵡⴰⵎⵎⴰⵙ ⴰⴷⵓⵉⵙⴰⵏ ⵙⵉⴷⵉⴱⵓⵇⵏⴰⴷⵍ, ⵜⴳ ⵜⴰⵏⴰⴼⵓⵜ ⵜⴰⵎⵣⵡⴰⵔⵓⵜ ⴳ ⵡⴰⵏⴰⵡ ⵏⵏⵙ ⴳ ⵓⴳⵏⵙ ⵏ ⵜⵎⵔⵙⵍⵜ ⵜⴰⴷⵓⵙⴰⵏⵜ ⵏ ⵉⵊⵉⵊⵊⵉⵜⵏ ⵉⴷⵙⵍⴰⵏⵏ, ⴰⵡⵜⵜⴰⵙ ⵏⵏⵙ ⴰⴷ ⵜⵙⴰⵥⵥⴹ ⵜⵉⵏⴰⴼⵓⵜⵉⵏ ⵉⵣⴷⵉⵏ ⴷ ⵡⴰⵀⵉⵍ ⴰⵏⴰⵎⵓⵔ ⵏ ⵓⵏⵎⴰⵍⵍⵓ ⵏ ⵜⵎⵖⴰⵔⵉⵏ ⴷ ⵡⴰⵣⵣⴰⵏⵏ ⵏⵏⴰ ⵎⵓ ⵜⴻⵜⵜⵓⴳⴰ ⵜⴽⵕⴹⵉ ⵉ ⵢⵉⵎⵣⴷⴰⵖ ⵏ ⵙⵉⴷⵉ ⴱⵓⵇⵏⴰⴷⵍ ⴰⴼⴰⴷ ⴰⴷ ⵙⵓⵍ ⵓⵔ ⵜⵜⴷⴷⵓⵏ ⴰⵔ ⴰⵙⴳⵏⴰⴼ ⴰⵏⵎⵏⴰⴹ ⵎⵓⵍⴰⵢ ⵄⴱⴷⵓⵍⵍⴰⵀ ⵏⵏⴰ ⵉⵍⵍⴰⵏ ⴳ ⵙⵍⴰ, ⴰⴱⵍⴰ ⵜⵉⵏⴰⴼⵓⵜⵉⵏ ⵜⵉⴷⵓⵙⴰⵏⵉⵏ ⵉⴷⵓⵙⵏ ⴳ ⵎⵏ ⵉⵥⵍⵉⵏ ⵙ ⵡⴰⴷⴷⴰⴷⵏ ⵏⵏⴰ ⵉⵖⵉⵏ ⴰⴷ ⵎⵎⴰⵜⵜⵉⵏ ⴰⵔ ⴰⵙⴳⵏⴰⴼ ⴰⵏⵎⵏⴰⴹ ⵏⵏⴰ ⵏⴻⵏⵏⴰ, ⵏⵖⴷ ⵙ ⵡⴰⵎⵎⴰⵙ ⵏ ⵓⵊⵉⵊⵊⵉ ⴰⵙⴷⴰⵡⴰⵏ ⴱⵏ ⵙⵉⵏⴰ. ⵜⵙⵔⵙ ⵜⵏⴰⴼⵓⵜ ⵉⵎⴰⵡⴰⵙⵏ ⴷ ⵉⵎⵛⵛⵉⵡⵕⵏ ⵉⵏⴰⵎⵓⵏⵏ ⴷ ⵓⵜⵉⵇⵏⵉ ⵏ ⵍⴰⴱⵉⵍⴰⵏⵚ ⴷ ⵉⵎⵙⵡⵡⵓⵔⵉⵏ ⵉⵏⴰⵎⵓⵏⵏ,
ⵎⴽⵍⵉ ⵔⴰⴷ ⵉⵍⵉⵏⵜ ⵜⵡⵡⵓⵔⵉⵡⵉⵏ ⵢⴰⴹⵏ ⴳ ⵜⵏⴰⴼⵓⵜ ⵙⵍⴰⵡⴰⵏ ⴰⴽⴽⵯ ⵜⵉⵍⵍⵉ ⵉⵣⴷⵉⵏ ⴷ ⵓⴳⴳⵉⵡⵙ ⴰⵎⵏⵣⵓ ⵙⴳ ⴷⴰⵔ ⴰⵢⵜ ⵜⵏⴼⵔⵓⵜ ,ⴰⴼⴰⴷ ⴰⴷ ⵜⵙⴽⴰⵔ ⴰⵙⴷⴷⵉⴷ ⵏ ⵉⵙⵕⵓⴹⵏ ⵏⵏⴰ ⴳⵉⵙ ⵉⵜⵜⵓⵙⵔⴰⵙⵏ , ⴷ ⵓⵙⵎⵎⵣⴷⵉ ⵓⵙⵔⵉⴷ ⴷ ⵓⵎⵙⵜⴳⴳⴰⵔ ⴰⵎⴰⵜⴰⵢ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵜⵙⵏⵏⴱⴹⴰⵢⵜ ⵜⴰⵙⵉⵏⴰⵏⵜ ⴳ ⵕⵕⴱⴰⵟ, ⴰⴼⴰⴷ ⴰⴷ ⵜⵙⵙⵍⴽⵎ ⴰⵡⴷ ⴰⵏⵖⵎⵉⵙ ⵉ ⵜⵎⵔⵙⴰⵍ ⵡⴰⵔ ⵜⵉⵏⴱⴱⴰⴹⵉⵏ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴷ ⵜⵎⵖⴰⵔⵜ , ⵣⵓⵏⴷ ⴰⵎⵙⴰⴳⴰⵔ ⴰⵏⴰⵎⵓⵔ ⵏ ⵉⵙⵔⴼⴰⵏ ⵏ ⵡⴰⵣⵣⴰⵏ ⴷ ⵜⵎⵖⴰⵔⵜ ⴷ ⵜⵎⴰⴳⵔⴰⵡⵜ ⴰⵡⴷ ⵏⵜⵜⴰⵜ .
ⵜⴰⵎⴰⴳⵔⴰⵡⵜ ⵏ -ⴰⴷ ⵓⵔ ⵜⴳⴳⵔⵜ ⵉ ⵢⵉⵡⵉ- ⵜⵙⵙⵖⵣⵏ ⵜⵉⵍⴰⵍ ⵜⵉⵎⵇⵔⴰⵏⵉⵏ ⵏⵏⴰ ⵜⵜⴳⴳⴰ ⵜⵏⵖⵍⴰⴼⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⵙⵍⴰⵡⴰⵏ ⴰⴽⴽ ⵎⴰⵙⵙ ⴰⵎⴰⵡⵙⴰⵙⴰⴷⵓⴽⵟⵓⵕ ⵅⴰⵍⵉⴷ ⴰⵢⵜ ⵟⵟⴰⵍⴱ ⴷ ⵉⵎⵙⵙⵓⴳⵓⵔⵏ ⵢⴰⴷⵏⵉⵏ ⵏ ⵜⴷⵓⵙⵉ ⴷ ⵓⵙⴳⵏⴼ ⴳ ⵉⴳⵔ ⴰⵏⵎⵏⴰⴹ ⵏⵖⴷ ⴰⵏⴰⵎⵓⵔ ,ⴳ ⵉⴳⵔ ⵏ ⵡⴰⵔⴰⵢ ⵏ ⵡⴰⵣⵣⴰⵏ ⴷ ⵜⵎⵖⴰⵔⵜ ⵏⵏⴰ ⵎⵓ ⵜⴻⵜⵜⵓⴳⴰ ⵜⴽⵕⴹⵉ ⴷ ⵜⵏⴰⴼⵓⵜⵉⵏ ⴰⵡⴷ ⵏ ⵓⵙⵙⵉⴷⴼ ⴷ ⵓⵔⴰⵔ ⵏ ⵜⵖⴹⴼⵜ ⵉ ⵜⵎⵖⴰⵔⵜ ⴷ ⵡⴰⵣⵣⴰⵏ ⵏⵏⴰ ⵉⵍⵍⴰⵏ ⴳ ⵡⴰⴷⴷⴰⴷ ⴰⴷ, ⴳ ⴽⵉⴳⴰⵏ ⵏ ⵉⵎⵙⴳⵏⴰⴼⵏ ⵉⵏⵎⵏⴰⴹⵏ ⴷ ⵉⵙⴳⴰⵡⴰⵏⵏ ⵓⵍⴰ ⵉⵙⴷⴰⵡⴰⵏⵏ .
ⴳ ⵜⴳⵉⵔⴰ,ⴰⵔ ⵜⵜⵉⵏⵉ ⵜⵎⴰⴳⵔⴰⵡⵜ ⵏ -ⴰⴷ ⵓⵔ ⵜⴳⴳⵔⵜ ⵉ ⵢⵉⵡⵉ- ⵎⴰⵙⴷ ⵉⴳⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴷ ⵡⴰⵔⴰⵢ ⵏ ⵜⴰⵣⵣⴰⵏⵉⵏ ⵍⴰ ⵉⵜⵜⴷⴷⵓ ⴳ ⵓⴱⵔⵉⴷ ⵉⴷⵓⵙⵏ ⵙ ⵜⵣⵎⵎⴰⵔ ⵏ ⵜⴰⵜⵜⵓⵢⵜ ⴷ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ , ⴰⴷ ⵜ ⵉⵃⵔⵣ ⴱⴰⴱ ⵏ ⵉⴳⵏⵡⴰⵏ , ⴷ ⵜⵏⵙⵙⵉⵅⴼⵜ ⵏ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⴰⵔⵢⴰⵎ ⴰⴷ ⵙⵜⵜ ⵉⵃⴼⴹ ⴱⴰⴱ ⵏ ⵉⴳⵏⵡⴰⵏ ⵏⵏⴰ ⵉⴳⴰⵏ ⵜⴰⵏⵙⵙⵉⵅⴼⵜ ⵏ ⵓⵎⵙⴰⴳⴰⵔ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ, ⴷ ⵜⵣⵎⵎⴰⵔ ⵏ ⵜⵎⵔⵙⴰⵍ ⵜⵓⵏⴱⵉⴹⵉⵏ ⴰⴼⴰⴷ ⴰⴷ ⵉⵜⵜⵓⵙⴷⴷⵉⴷ ⵓⵏⵎⴰⵍⵍⵓ ⴰⵎⴰⵜⴰⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⴰⴷ ⵉⵜⵜⵓⴳⴰ ⵡⴰⵔⴰⵢ ⵏ ⵡⴰⵣⵣⴰⵏ ⴷ ⵉⵣⵔⴼⴰⵏ ⵏⵏⵙ , ⴰⵔ ⵜⵙⵡⵡⵓⵔⵉ ⵜⵎⴰⴳⵔⴰⵡⵜ ⴷ ⵉⵎⴷⵔⴰⵡⵏ ⵏⵏⵙ ⴰⴼⴰⴷ ⴰⴷ ⵉⵜⵜⵓⴳⴰ ⵎⴰ ⴰⴷ ⴽⵓⵍⵍ .
ⵜⴰⵏⵙⵙⵉⵅⴼⵜ
ⵏⴰⵊⴰⵜ ⴰⵏⵡⴰⵕ.