ⴰⵍⵖⵓ ⴳ ⵜⴰⵍⵖⴰ ⵏ ⵓⵎⵓⵙⵙⵓ ⵏ ⵜⵙⵙⵓⵜⵍⵜ ⵜⵉⵙⵙ 13 ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵉⵙⵏⵉ ⵏ ⵡⵓⵔⵖⵉ ⵓⵙⴰⵔⵓ ⴰⵎⴰⵣⵉⵖ
ⴰⵍⵖⵓ ⴳ ⵜⴰⵍⵖⴰ ⵏ ⵓⵎⵓⵙⵙⵓ ⵏ ⵜⵙⵙⵓⵜⵍⵜ ⵜⵉⵙⵙ 13 ⵏ ⵓⵍⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵉⵙⵏⵉ ⵏ ⵡⵓⵔⵖⵉ ⵓⵙⴰⵔⵓ ⴰⵎⴰⵣⵉⵖ, ⵍⵍⵉ ⵔⴰⴷ ⵉⵙⵙⵏⵜⵉ ⴳ ⵜⵉⵣⵉ ⴳⵔ 29 ⵛⵓⵜⴰⵏⴱⵉⵔ ⴷ3 ⴽⵟⵓⴱⵕ 2022 ⴳ ⵙⵙⵉⵏⵉⵎⴰ ⵙⴰⵃⴰⵕⴰ ⴷⵉ ⵜⵓⴷⴷⵓⵔⵜ ⵏ ⵜⴰⵍⴱⵔⵊⵜ ⵜⴰⵇⵇⴱⵓⵔⵜ, ⵎⴰ ⴰⵏⵏ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵏ ⵓⵍⵎⵓⴳⴳⴰⵔ ⵙ ⵜⵖⵔⵎⵜ ⵏ ⵓⴳⴰⴷⵉⵔ ⴷ ⵜⴰⵎⴰⵥⵓⵏⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵎⴰ ⴰⵏⵏ ⵙ ⵡⴰⵙⵙⴰⵔ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵓⵙⵇⵇⵉⵎ ⴰⵖⵉⵡⴰⵏ ⵏ ⵓⴳⴰⴷⵉⵔ ⴷ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ ⴷ ⵙ ⵜⵡⵉⵙⵉ ⵏ ⵡⴰⵎⵎⴰⵙ ⴰⵎⵖⵔⵉⴱⵉ ⵉ ⵙⵙⵉⵏⵉⵎⴰ.
ⴰⵔ ⵜⵜⵉⵏⵉ ⵜⵎⵀⵍⴰ ⵏ ⵓⵍⵎⵓⴳⴳⴰⵔ ⵉⵙⵏⵉ ⵏ ⵡⵓⵔⵖ ⵉ ⵢⵉⵎⴹⴼⴰⵕⵏ ⵏ ⵜⵥⵓⵕⵉ ⵜⵉⵙⵙ ⵙⴰⵜ ⵎⴰⵙ ⵔⴰⴷ ⵉⵍⵉⵏⵜ ⴳ ⵜⵙⵙⵓⵜⵍⵜ ⴰⴷ ⴽⵕⴰⴹⵜ ⵜⵎⵣⵉⵣⵣⵍⵉⵏ ⵜⵓⵏⵚⵉⴱⵉⵏ, ⵜⴰⵎⵣⵡⴰⵔⵓⵜ ⵜⴳⴰ ⵜⵉⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵏⴰⵡ ⵏ ⵓⵙⴰⵔⵉ ⵉ ⵓⵙⴳⴳⵯⴰⵙ ⵏ 2021 ⵍⵍⵉ ⵢⴰⴽⴽⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉ ⵉⵎⵙⵏⴼⵍⵓⵍⵏ ⴳ ⵢⵉⴳⵔⴰⵏ ⵏ ⵜⵓⵙⵙⵏⴰ ⴷ ⵜⵥⵓⵕⵉ ⴷ ⵓⵙⵏⵖⵎⵙ ⴷ ⵜⵙⴽⵍⴰ ⵙ ⵜⵎⵍⴷⴰ ⵏ ⵢⵉⵏⵏⴰⵡ ⵏ ⴰⵊⴷⵉⵔ, ⵍⵍⵉ ⴼ ⵔⴰⴷ ⵜⵉⵍⵉ ⵜⴰⵢⵎⵓⵜ ⵍⵍⵉ ⵎⵉ ⵔⴰⴷ ⵉⴳ ⵓⵏⵙⵙⵉⵅⴼ ⵏⵏⵙⵓⵏⴰⴼⵔⴰⵏ ⵏ ⵙⵙⵉⵏⵉⵎⴰ ⴱⵔⴰⵀⵉⵎ ⵃⵙⵏⴰⵡⵉ. ⵏⵓⵔⴰ ⵍⵣⵔⴰⵇ ⴷ ⵢⴰⵙⵉⵏ ⵃⵓⵔ ⵔⴰⴷ ⴳⵉⵙ ⴳⵉⵏ ⵉⴳⵓⵎⴰⵎⵏ, ⵜⴰⵎⵣⵉⵣⵣⵍⵜ ⵜⵉⵙⵙ ⵙⵏⴰⵜ ⵍⵍⵉ ⵉⵥⵍⵉⵏ ⵙ ⵡⴰⵔⵔⴰⵣ ⵏ ⵉⵙⵏⵉ ⵏ ⵡⵓⵔⵖ ⴰⵏⴰⵡ ⵏ ⵓⵙⴰⵔⵓ ⵓⵏⵜⵉⵎ, ⵔⴰⵔ ⵜⵉⵍⵉ ⵖ ⵜⵙⵙⵉⵅⴼⵜ ⵏⵏⵙ ⵜⵎⵙⵙⵓⴼⵖⵜ ⵜⴰⴼⵔⴰⵏⵙⴰⵡⵉⵜ ⵎⴰⵔⵉ ⴱⵓⵔⵏⴰⵔ, ⴷ ⵓⵙⴳⴱⴰⵔ ⴰⵎⵖⵔⵉⴱⵉ ⵄⴱⴷ ⵉⵍⴰⵀ ⵅⵏⵉⴱⴰ ⴷ ⵜⵎⴰⵔⴰⵜ ⵣⵀⵔⴰ ⴽⴰⵍⵉ ⵔⴰⴷ ⴳⵉⵙ ⴳⵉⵏ ⵉⴳⵓⵎⴰⵎⵏ.
ⵜⵉⵣⵉ ⵏⵉ ⵍⵍⵉ ⵔⴰⴷ ⵢⵉⵍⵉ ⴳ ⵜⵏⵙⵙⵉⵅⴼⵜ ⵏ ⵓⵙⴰⵔⵓ ⴰⵎⴰⵍⵍⴰⵙ ⴰⵎⵙⵙⵓⴼⴼⵖ ⵃⴰⵙⴰⵏ ⴱⵓⵡⴼⵓⵙ, ⴷ ⵓⵏⴰⴼⵔⴰⵏ ⵎⵓⵃⵎⵎⴰⴷ ⵛⵡⵉⴽⴰ ⴷ ⵓⵏⴰⵥⵓⵕ ⴼⴰⵔⵓⵇ ⴰⵣⵏⴰⴱⵟ ⴷ ⵜⵏⴰⵖⵎⴰⵙⵜ ⵅⴰⴷⵉⵊⴰ ⵔⵛⵛⵓⵇ ⴷ ⵍⵃⵙⵏ ⵓⵙⵙⵉⵎⵓⵃ ⵔⴰⴷ ⴳⵉⵙ ⴳⵏ ⵉⴳⵓⵎⴰⵎⵏ.
ⵙ ⴰⵢⵍⵍⵉ ⵉⵎⵙⴰⵙⴰⵏ ⴷ ⵉⵎⵓⵙⵙⵓⵜⵏ ⵏ ⵓⵍⵎⵓⴳⴳⴰⵔ, ⵔⴰⴷ ⵜⵙⴽⵔ ⵜⵎⵙⵎⵓⵏⵜ ⵏ ⵉⵙⵏⵉ ⵏ ⵡⵓⵔⵖ ⵉⵙⵎⵓⵜⵜⴳⵏ ⵉ ⵉⵄⵔⵔⵉⵎⵏ, ⵎⴰ ⴰⵏⵏ ⵍⵍⵉⵖ ⵜⴼⵍⵙ ⵙ ⵜⵉⵍⴰⵍⵜ ⵏ ⵉⵙⵎⵓⵜⵜⴳⵏ ⵍⵍⵉ ⵔⴰⴷ ⵢⴰⵡⵙ ⴼ ⴰⴷ ⴷ ⴳⴳⵓⵔⵓⵏ ⵉⵄⵔⵔⵉⵎⵏ ⵍⵍⵉ ⵔⴰⴷ ⵢⴰⵙⵉ ⴰⵙⴰⴼⵓ ⵙⵍⴰⵡⴰ ⵏⵏ ⴰⴽⴽⵯ ⴳ ⵓⵣⵎⵣ ⴰⴷ ⵍⵍⵉ ⵖ ⵜⵍⵍⴰ ⵜⴳⵔⴰⵡⵍⴰ ⵜⴰⵜⵉⴽⵍⵓⵊⵜ ⵍⵍⵉ ⵖ ⵜⴳⴰ ⵙⵙⵉⵏⵉⵎⴰ ⵢⴰⵏ ⵓⴼⵔⴷⵉⵙ.
ⵔⴰⴷ ⵢⵉⵍⵉ ⴳ ⵜⵙⵙⵓⵜⵍⵜ ⵏ 2022 ⵙⵉⵏ ⵉⵙⵎⵓⵜⵜⴳⵏ; ⴰⵎⵣⵡⴰⵔⵓ: ⵡⵉⵏ ⵜⵎⴳⵓⵔⵉ ⵏ ⵉⵙⵓⵔⴰ ⵏ ⵓⵜⵉⵍⵉⴼⵓⵏ ⵍⵍⵉ ⵔⴰⴷ ⵉⵙⵡⵓⴷⴷⵓ ⵢⵉⵡⵉⵙ ⵏ ⵜⵖⵔⵎⵜ ⵏ ⵓⴳⴰⴷⵉⵔ ⵄⴱⴷⵍⵍⴰⵀ ⵍⵎⵇⴷⴷⵎ, ⵜⴰⵙⴰⵡⵡⵓⵔⵜ ⵜⵉⵙⵙ ⵙⵏⴰⵜ: ⴳ ⵓⵙⵎⵓⵜⵜⴳ ⵏ ⵓⵙⴳⴱⴰⵔ, ⵍⵍⵉ ⵔⴰⴷ ⵉⵡⴰⵍⴰ ⴱⵓ ⵓⵎⵣⴳⵓⵏ ⴰⵙⵉⵏⵉⴳⴰⵍ ⴱⵕⴰⵀⵉⵎ ⵏⴷⵡⵉ, ⵎⴰ ⴰⵏⵏ ⴷⴷⴰⵡ ⵜⵎⴰⵜⴰⵔⵜ: ⴰⵔ ⵙⵡⵉⵏⴳⵉⵎⵖ, ⴰⵔ ⵏⵙⴼⵍⵓⵍⵖ, ⵍⵍⵉⵖ.