...Tifernin
Tifernin
Fren
Tawiḍ i yelhan
Akka i k-id-weṣṣan
Fren
Taniḍ i taffa
Ur ttawi akerfa
Fren
Seg tirect nadi
Tawaract ggudi
Fren
Ad ferzent temsal
Ad k-d-yuɣal wawal
Fren
Semsed taṭṭucin
Tidak yettwalin
Fren
Afran ur neɣfil
Ur yettawi lmil
Fren
Nneyya ur tekki
S tiḥerci n yebki
Fren
…. Ferneɣ, ferneɣ, ferneɣ
Ɣef wul-ik ɛfes
Tacriḥt melba iɣes
Fren
Ad d-yali yisem
Ad yesfeḍ ilem
Fren
Win ilan azal
Ay iseggmen imal
Fren
Win tenwiḍ d ukyis
Ad yenqeḍ agris
Fren
Lehhu n uzekka
Yezwin akk takka
Fren
Ul-ik ad yifsus
Ma tekkseḍ ammus
Fren
Ma tferneḍ ufrin
Ad k-yeḍmen aɛwin
Ferneɣ, ferneɣ, ferneɣ…
Nwiɣ wwiɣ i yelhan
Ferneɣ, ferneɣ, ferneɣ…
Ṣṣaḥen-iyi-d yilefḍan
Rniɣ ferneɣ ferneɣ
Teffeɣ-d tirect n yiẓan.
…. Twalam d acu i d-yeddan