Ra-k zaɛfan
Teqqimeḍ almi i k-id-ufan Tenniḍ-as: “Ra-ni zeɛfan”.
Zɛef neɣ qqim a winnat
Am wursu deg yifri tegneḍ
Tenwiḍ lawan ur yettfat
Almi d ass-a i d-tedduqseḍ
Teqqimeḍ almi i k-id-ufan
Tenniḍ-as: “Ra-ni zeɛfan”.
Tessneḍ ad tzeɛfeḍ aṭas
Tamlilt turareḍ tṭag
Awal-ik deg Youtube d rrsas
Tsuffɣeḍ-t-id berra i ufrag
Teqqimeḍ almi i k-id-ufan
Tenniḍ-as: “Ra-ni zeɛfan”.
Amezruy n tmurt yedreg
Amezruy n tmurt yedreg
Kečč ur tnudaḍ fell-as
Tewwteḍ amek ara k-d-izeg
Tenwiḍ tessagreḍ tissas
Teqqimeḍ almi i k-id-ufan
Tenniḍ-as: “Ra-ni zeɛfan”.
Melmi nezɛef? Wi ad k-yeḥkun!
Nezɛef deg ṭṭrad i nuwi
Ur d-uznen leslaḥ, ttun
Amjahed n daxel yeɣli
Teqqimeḍ almi i k-id-ufan
Tenniḍ-as: “Ra-ni zeɛfan”.
Nezɛef asmi nɣan Ɛebban
Nezɛef, tagrawla ukren-tt
Ass-nni akken nenwa tefra
Tilelli n tmurt keblen-tt
Ar ass-a ur tt-nwala
Teqqimeḍ almi i k-id-ufan
Tenniḍ-as: “Ra-ni zeɛfan”.
Tutlayt tamenzut n tmurt
Nezɛef mi kkaten ad tt-neṭlen
Tutlayt tamenzut n tmurt
Tamurt, bɣan akk ad tt-ɛerben
Mi wwten arraw-is deg tefsut
Teqqimeḍ almi i k-id-ufan
Tenniḍ-as: “Ra-ni zeɛfan”.
Nezɛef deg tefsut n tmanyin
Leqbayel bedden-d am yiwen
D ayen i sen-d-heggan i ugin
Ttsuɣun akk: “I ma zi ɣen”
Teqqimeḍ almi i k-id-ufan
enniḍ-as: “Ra-ni zeɛfan”.
Nezɛef mi nɣan Lwennas
Deg-s, d timuzɣa i nɣan
Nwan ad tt-neqḍen deg yiwen wass
Ladɣa tessemɣay-d imɣan
Teqqimeḍ almi i k-id-ufan
Tenniḍ-as: “Ra-ni zeɛfan”.
Neɛef zzɛaf d ameqqran
Mi nɣan ilmeẓyen s rrsas
Wid yenɣan d nutni iwimi ɛfan
Taqbaylit teqqed tasa-s
Teqqimeḍ almi i k-id-ufan
Tenniḍ-as: “Ra-ni zeɛfan”.
Smesxiren ɣef ugdud rennun
Ar tura ur t-ḥsiben immed
Ttwalin-t dima d amanun
Nutni i nnmara zdin lqedd
Teqqimeḍ almi i k-id-ufan
Tenniḍ-as: “Ra-ni zeɛfan”.
Teṭṭseḍ tuwi-k tnafa
Tukiḍ-d yuwiḍ-d asefru
Asefru-k amzun yeḥfa
Maɛna Youtube ad k-yeɣnu.
Teqqimeḍ almi i k-id-ufan
Tenniḍ-as: “Ra-ni zeɛfan”.
Am wursu deg yifri tegneḍ