Ay amɣar azemni
… Amɣar
Ay amɣar azemni
Debber fell-i i Rebbi
Tamsalt tecɣeb-iyi
Meqqert tugar-iyi
Sɛiɣ yiwen n mmi
Ar ass-a yugi-iyi
… Azaglu
Ma ṭalleɣ s amalu
Ittarra s asammer
Ma kkseɣ-as azaglu
Izzuɣur akerkar
Ma mliɣ-as amezruy
Yesɛuẓẓug, yetturar
Amecṭuḥ d arekti Ɛerken-t mebla lebɣi-s
Am tizzya-s am netta
Ḍefren yiwen ubrid
Teddun s lexfafa
Uɣen awal d ajdid
Ɣellin mačči d kra
Ddeɛwessu tettẓiẓi-d
?Ddunit anda i tetteddu
Amecṭuḥ d arekti
Ɛerken-t mebla lebɣi-s
Ggaren-as acḥal d tikti
Yeččur uqerruy-is
Snulfan-d akli
D axeddam ɣef bab-is
Ay amɣar amek akka
Ddunit anda i tetteddu
Yessusem ur d-yenni kra
Allen-is qemcent yettru
D taẓẓayant tyita
Tekkat almi nettu
?Yessexlaɛ uzekka Wissen amek ad yili
Yessexlaɛ uzekka
Wissen amek ad yili?
D tudert neɣ d aẓekka
Deg tura nettergigi
Trekku deg yal tama
Nnger la d-yettẓiẓi.