?ⵎⴰ ⴷ ⵏⵙⵙⵏ ⴼ ⵓⴳⵍⵍⵉⴷ ⴰⵎⴰⵣⵉⵖ ⵛⵉⵛⵓⵏⵖ ⴰⵎⵣⵡⴰⵔⵓ
ⵉⵜⵜⵓⴱⴷⴰⵔ ⴳ ⵓⴷⵍⵉⵙ ⵏ ⵜⵜⴰⵡⵕⴰⵜ, ⵉⵍⴽⵎ ⴰⴷ ⵉⴳ ⴰⵎⵏⴱⴰⴹ ⵏ ⵜⵎⴰⵣⵉⵔⵜ ⵏ ⵎⵉⵚⵕ
ⵙⴳ 950 ⴰⵔ 2974
ⴳ 14 ⵉⵏⵏⴰⵢⵔ, ⴰⵔ ⵙⴼⵓⴳⵍⵓⵏ ⵉⵎⴰⵣⵉⵖⵏ ⵏ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⵓⵍⴰ ⵡⵉⵏ ⵓⵎⴰⴹⴰⵍ ⴰⴽⴽⵯ, ⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ, ⴰⵙⵙ ⴰⴷ ⵍⴽⵎ ⵉⵎⴰⵣⵉⵖⵏ 2974 ⵏ ⵓⵙⴳⴳⵯⴰⵙ, ⴰⵢⵍⵍⵉ ⵉⵣⵔⵉⵏ ⵉⵅⴼ ⵏ ⵓⵙⴳⴳⵯⴰⵙ ⴰⵎⵉⵍⴰⴷⵉ ⵏⵖ ⴰⴳⵔⵉⴳⵓⵔⵉ ⵙ ⵎⴰ ⴷ ⵉⴳⴰⵏ 950 ⵏ ⵓⵙⴳⴳⵯⴰⵙ.
ⴳ ⵜⵉⵣⵡⵉⵔ, ⵜⴳⴰ ⵜⴼⵓⴳⵍⴰ ⴰⴷ ⴰⵙⴼⵓⴳⵍⵓ ⵍⵍⵉⵖ ⵉⵍⴽⵎ ⵓⴳⵍⵍⵉⴷ ⴰⵎⴰⵣⵉⵖ ⵍⵍⵉ ⵉⴳⴰⵏ ⵙⴳ ⵜⵎⴰⵣⵉⵔⵜ ⵏ ⵍⵉⴱⵢⴰ, ⴰⴷ ⴰⵎⵏⴱⴰⴹ ⴼ ⵓⴷⴰⴱⵓ ⵏ ⵉⴼⵔⵄⵓⵏⵏ ⴳ ⵎⵉⵚⵕ.
ⵍⵍⴰⵏ ⴽⵔⴰ ⵏ ⵓⵎⵉⵏⵏ ⵉⵎⵣⵔⴰⵢⵏ ⵜⵜⵉⵏⵉⵏ ⵎⴰⵙ ⵉⴳⴰ ⵛⵉⵛⵓⵏⴳ ⴰⴳⵍⵍⵉⵙ ⴰⴼⵔⵄⵓⵏ ⴳ ⵎⵉⵚⵕ ⴷⴼⴼⵉⵔ ⵏ ⵜⵓⵔⴼⵉⵡⵉⵏ ⴷ ⵡⵉⵢⵢⴰⴹ ⵍⵍⵉ ⵜ ⵢⵉⵡⵉⵏ ⴰⴷ ⴰⵎⵏⴱⴰⴹ ⴰⵎⵇⵔⴰⵏ ⴳ ⵎⵉⵚⵔ, ⵢⵉⵍⵉ ⵎⴰ ⴷ ⵉⵜⵜⵉⵏⵉⵏ ⵎⴰ ⵙⵉⵥⴹⴰⵕ ⴰⴷ ⵉⵍⴽⵎ ⵜⴰⵏⴱⴰⴹⵜ ⵏ ⵎⵉⵚⵕ ⵏ ⵜⵏⴰⵔⴰ ⵏⵏⵙ ⴳ ⵢⴰⵏ ⵉⵎⵏⵖⵉ ⵉⵍⵍⴰⵏ ⴷⴰⵜ ⵏ 950 ⵏ ⵓⵙⴳⴳⵯⴰⵙ ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ, ⵙ ⵖⵎⴽ ⴰⵏⵏ ⵉⵍⵍⴰ ⴼ ⵓⴷⴰⴱⵓ ⵏ ⵎⵉⵚⵕ, ⴽⴽⵓⵙⵓⵏ ⵜ ⵓⵍⴰ ⵜⴰⵔⵡⴰ ⵏⵏⵙ.
?ⵎⴰ ⴷ ⵉⴳⴰ ⵓⴳⵍⵍⵉⴷ ⵛⵉⵛⵓⵏⵖ
ⵉⵜⵜⵓⵙⵙⴰⵏ ⵓⴳⵍⵍⵉⴷ ⵛⵉⵛⵓⵏⴳ ⵙ ⴽⵉⴳⴰⵏ ⵏ ⵉⵙⵎⴰⵡⵏ ⴳ ⵉⴷⵍⵉⵙⵏ ⵏ ⵓⵎⵣⵔⵓⵢ, ⴰⵔ ⴰⵙ ⵜⵜⵉⵏⵉⵏ ⵛⵉⵛⵏⵇ ⴰⵎⵣⵡⴰⵔⵓ, ⴷ ⵛⵉⵛⵇ ⴷ ⵛⵓⵛⵏⵇ, ⵖⵎⴽ ⵍⵍⵉ ⴰⵙ ⵜⵜⵉⵏⵉⵏ ⴰⴼⵔⵄⵓⵏ ⴰⵍⵉⴱⵉ ⴰⵎⴰⵣⵉⵖ, ⵍⵍⵉ ⵉⵏⴱⴹⵏ ⴳ ⵜⵎⴰⵣⵉⵔⵜ ⵏ ⵎⵉⵚⵕ ⴳ 950 ⵏ ⵓⵙⴳⴳⵯⴰⵙ ⴷⴰⵜ ⵏ ⵜⵍⴰⵍⵉⵜ ⵏ ⵄⵉⵙⴰ ⵍⵎⴰⵙⵉⵄ, ⵉⵙⴽⵔ ⵜⴰⵡⵊⴰ ⵜⵉⵙ ⵙⵏⴰⵜ ⴷ ⵡⴰⴳⵏⴰⵔ ⵍⵍⵉ ⵉⵏⴱⴹⵏ ⵎⴰ ⴷ ⵉⴳⴰⵏ ⵙⵏⴰⵜ ⵜⴰⵙⵓⵜⵉⵏ. ⵉⴳⴰ ⵓⴳⵍⵍⵉⴷ ⵛⵉⵛⵓⵏⵖ ⵙⴳ ⵍⵎⵛⵡⴰⵛ, ⴰⵙⵙⴰⵖ ⴰⵔ ⵜ ⵜⵜⵉⵏⵉⵏ ⵉⵎⵉⵚⵕⵉⵢⵏ ⵉ ⵉⵍⵉⴱⵉⵢⵏ ⵣⴷⵖⵏⵉⵏ ⴳ ⵎⵉⵚⵕ.
ⵜⵍⵍⴰ ⵜⵓⵡⵊⴰ ⵏ ⵛⵉⵛⵓⵏⴳ ⴳ ⵡⴰⴽⴰⵍ ⵏ ⵎⵉⵚⵕ ⴳ ⵎⴰ ⴷ ⵉⴳⴳⴰⵏ ⵙⵎⵎⵓⵙⵜ ⵜⴰⵙⵓⵜⵉⵏ, ⵍⵍⵉⵖ ⴷ ⵣⵡⴰⵔ ⵉⵎⵎⴰⵜⵜⵓ ⴱⴰⴱⴰⵙ ⴰⵎⵇⵔⴰⵏ ⴱⵓⵢⵓ ⵡⴰⵡⴰ ⵙ ⵢⴰⵏ ⵓⵥⵏⴰⴳ ⴳ ⵜⴰⴳⵓⵜ ⵏ ⵎⵉⵚⵕ. ⵙⴳ ⵓⵏⴱⴰⴹ ⵏ ⵜⵓⵡⵊⴰ ⵜⵉⵙ ⵜⴰⵎⵜ ⴷ ⵎⵔⴰⵡⵜ, ⵙⵙⵏⵜⵉⵏⵜ ⵜⵇⴱⵉⵎⵉⵏ ⵏ ⵍⵎⵛⵡⴰⵛ ⴰⵔ ⴷ ⵜⵜⴰⵛⴽⴰⵏⵜ ⵙ ⵎⵉⵚⵕ, ⴷⴰ ⵜⵜⵣⴷⴰⵖⵏⵜ ⵜⴰⵎⴰ ⵏ ⵡⴰⵙⵉⴼ ⵏ ⵢⵉⵍ.
ⴽⵉⴳⴰⵏ ⵏ ⵜⴰⵡⵊⵉⵡⵉⵏ ⵜⵉⵎⴰⵣⵉⵖⵉⵏ ⵙⴳ ⵍⵉⴱⵢⴰ ⴰⴷ ⵉⵥⴹⴰⵕⵏ ⴰⴷ ⵣⴷⵖⵏⵜ ⴳ ⴽⵉⴳⴰⵏ ⵜⵙⴳⴳⵉⵡⵉⵏ ⴳ ⵎⵉⵚⵕ, ⴰⵡⴷ ⴽⵔⴰ ⵏ ⵓⵏⴱⴰⴹ ⵓⵔ ⵉⵚⴹⴰⵕ ⴰⴷ ⵉⵙⴱⵉⴷⴷ ⴰⵣⵡⴰⴳ ⴰⴷ, ⵎⴰⵛ ⴳ ⵜⴳⵉⵔⴰ ⵓⵔ ⵥⴹⴰⵕⵏⵜ ⴰⴷ ⵣⴷⵖⵏⵜ ⵜⴰⵎⴰ ⵏ ⵡⴰⵙⵉⴼ ⵏ ⵢⵉⵍ.
ⵎⵇⵇⴰⵔ ⵓⵔ ⴱⴰⵀⵔⴰ ⵜⵥⵉⵍ ⵜⵣⴷⴰⵢⵜ ⵏⴳⵔ ⵜⵇⴱⵉⵍⵉⵏ ⵏ ⵍⵎⵛⵡⴰⵛ ⴷ ⵉⴳⵍⴷⴰⵏⵏ ⵉⴼⵔⵄⵓⵏⵏ ⴳ ⵎⵉⵚⵕ, ⵎⴰⵛ ⴳ ⵜⴳⵉⵔⴰ ⵜⵥⵉⵍ ⵜⵣⴷⴰⵢⵜ ⴳ ⵓⵣⵎⵣ ⴳ ⵜⵏⴱⴹ ⵜⵓⵡⵊⴰ ⵜⵉⵙ ⵜⴰⴳⵏⴰⵔⵜ, ⵉⵙ ⴰⴽⴽⵯ ⴽⵛⵎⵏ ⵜⵓⴳⵜ ⵏ ⵉⵎⴰⵣⵉⵖⵏ ⵉⵍⵉⴱⵉⵢⵏ ⵜⴰⵙⵔⴷⴰⵙⵜ ⵏ ⵎⵉⵚⵕ, ⴳⵉⵏ ⵜⵓⴳⵜ ⴳⵉⵙⵏ ⵉⴼⵙⵢⴰⵏⵏ ⵉⵍⵉⵏ ⴳ ⵜⵣⵣⵓⵍⵉⵏ ⴱⴰⵀⵔⴰ ⵙⵜⴰⵡⵀⵎⵎⴰⵏⵉⵏ, ⵉⵍⵉⵏ ⵓⵍⴰ ⵖ ⵡⴰⵎⵎⴰⵙⵏ ⵏ ⵜⵏⴰⵔⴰ.
ⵜⵥⴹⴰⵕ ⵜⵓⵡⵊⴰ ⵏ ⵛⵉⵛⵓⵏⵖ ⴰⴷ ⵜⴽⵛⵎ ⵙ ⵡⴰⵎⵓⵏ ⵏ ⵉⴼⵔⵄⵓⵏⵏ ⵙ ⵉⵡⵉⵙ ⴰⵎⵣⵡⴰⵔⵓ ⵍⵍⵉ ⵎⵓ ⵉⵙⵎ ⵎⴰⵡⴰⵙⴰⵜⴰ, ⵍⵍⵉ ⵉⵎⵎⴰⵜⵜⵉⵏ ⵙ ⵜⵖⵔⵎⵜ ⵏ ⴰⵀⵏⴰⵙⵢⴰ, ⵉⴳ ⴰⴽⵀⵀⴰⵏ ⴳ ⵜⵎⵥⵥⴰⵍⵓⵜ ⵏ ⵜⵖⵔⵎⵜ. ⵉⵥⴹⴰⵕ ⵓⵍⴰ ⴰⴷ ⵉⵙⵎⴰⵜⵜⵉ ⵜⴰⵣⵣⵓⵍⵜ ⴰⴷ ⵉ ⵜⴰⵔⵡⴰ ⴷ ⵡⴰⵢⴰⵢⵡⵏ ⵏⵏⵙ, ⴰⵢⵍⵍⵉⵖ ⴷ ⵉⵍⴽⵎ ⴷⴰⵔ ⵛⵉⵛⵓⵏⵖ ⴰⵎⴰⵣⵡⴰⵔⵓ ⵍⵍⵉ ⵉⴳⴰⵏ ⴰⴽⵀⵀⴰⵏ ⴰⵅⴰⵜⴰⵔ ⵏ ⵜⵖⵔⵎⵜ ⵏ ⵟⵉⴱⴰ, ⵉⴳ ⴰⵅⴰⵜⴰⵔ ⵏ ⵜⵇⴱⵉⵍⵉⵏ ⵏ ⵍⵎⵛⵡⴰⵛ. ⵎⴰⵛ ⵛⵉⵛⵓⵏⵖ ⵓⵔ ⵉⴱⴷⴷ ⵖⴰⵙ ⴳ ⵓⵙⵡⵉⵔ ⴰⴷ, ⵉⵥⴹⴰⵕ ⴰⴽⴽⵯ ⴰⴷ ⵉⵍⴽⵎ ⴰⴷ ⵉⴳ ⴰⵅⴰⵜⴰⵔ ⴰⵏⴰⴼⵍⵍⴰ ⵏ ⵜⵙⵔⴷⴰⵙⵜ ⵏ ⵎⵉⵚⵕ ⵜⴰⵣⴰⵢⴽⵓⵜ ⴷ ⵓⵎⵛⵛⵉⵡⵕ ⴰⵅⴰⵜⴰⵔ ⵏ ⵙⵓⵙⵏⵙ ⵡⵉⵙ ⵙⵉⵏ.
ⵛⵉⵛⵓⵏⵖ ⴳ ⵓⵏⴱⴰⴹ ⵏ ⵎⵉⵚⵕ
ⴰⵔ ⵜⵜⵉⵏⵉⵏ ⴽⵔⴰ ⵏ ⵉⵖⴱⵓⵍⴰ ⵉⵎⵣⵔⴰⵢⵏ, ⵎⴰⵙ ⵉⵍⵍ ⵓⵍⴽⴰⵎ ⵏ ⵓⴼⵔⵄⵓⵏ ⴰⵎⴰⵣⵉⵖ ⵛⵉⵛⵓⵏⵖ ⵙ ⵓⵏⴱⴰⴹ ⵏ ⵎⵉⵚⵕ ⵙ ⵓⴼⵔⴰ ⴷ ⵓⴼⵓⵍⵍⵙ, ⵓⵔ ⴷ ⵙ ⵜⵎⴰⵖⵜ ⴷ ⵉⴷⴰⵎⵎⵏ. ⴰⵔ ⵜⵜⵉⵏⵉⵏ ⵎⴰⵙ ⵉⵜⴰⵀⵍ ⵉⵍⵍⵉⵙ ⵏ ⵓⴼⵔⵄⵓⵏ ⴱⵙⵓⵙⵏⵙ ⵡⵉⵙ ⵙⵉⵏ, ⵉⵙⵎⵔⵙ ⵜⴰⵣⵣⵓⵍⵜ ⵏⵏⵙ ⵜⴰⵙⵔⴷⴰⵙⵜ ⴷ ⵔⵙⴳⴷⴰⵏⵜ ⵍⵍⵉⵖ ⵉⴳⴰ ⴰⴽⵀⵀⴰⵏ ⴰⵅⴰⵜⴰⵔ ⴷ ⵓⵏⵎⵖⵓⵔ ⵏ ⵜⵇⴱⵉⵍⵉⵏ ⵏ ⵍⵎⵛⵡⴰⵛ. ⵙ ⵖⵎⴽ ⴰⵏⵏ, ⵍⵍⵉⵖ ⵉⵎⵎⵓⵜ ⵓⴼⵔⵄⵓⵏ ⴱⵙⵓⵙⵏⵙ, ⵉⵥⴹⴰⵕ ⵛⵉⵛⵓⵏⵖ ⴰⴷ ⵉⴳ ⴰⴳⵍⵍⵉⴷ ⵏ ⵜⵎⴰⵣⵉⵔⵜ ⵏ ⵎⵉⵚⵕ ⴱⵍⴰ ⴷⵉⴷⵙ ⵉⵎⵎⴰⵖ ⴰⵡⴷ ⵢⴰⵏ.
ⴽⵔⴰ ⵏ ⵉⵖⴱⵓⵍⴰ ⵉⵎⵣⵔⴰⵢⵏ ⵢⴰⴹⵏⵉⵏ ⴷⴰ ⵜⵜⵉⵏⵉⵏ ⵎⴰⵙ ⵉⵍⴽⵎ ⵛⵉⵛⵓⵏⵖ ⴰⵏⴱⴰⴹ ⵏ ⵎⵉⵚⵕ ⴷⴼⴼⵉⵔ ⵎⴰ ⴷ ⵉⵏⵔⴰ ⵉⵎⵉⵚⵕⵉⵢⵏ ⴳ ⵢⴰⵜ ⵜⵎⴰⵖⵜ ⴳ 950 ⴷⴰⵜ ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ.
ⵍⵍⵉⵖ ⵉⵍⴽⵎ ⵛⵉⵛⵓⵏⵖ ⴰⵏⴱⴰⴹ ⵏ ⵎⵉⵚⵕ, ⵉⵙⵙⵕⵚⴰ ⵜⴰⵏⴱⴰⴹⵜ ⵏⵏⵙ ⵙ ⵜⵙⵔⵜⵉⵜ ⵏ ⵉⵎⵇⵇⵏⵏ ⵏ ⵍⵉⵜⵜⵉⵀⴰⵍ ⴷ ⵉⵙⵎⵍⵜⵏ ⴳ ⵜⵣⵣⵓⵍⵉⵏ, ⵖⵎⴽ ⴰⵏⵏ ⵓⵍⴰ ⵙ ⵜⵡⵉⵣⵉ ⵏ ⵜⴰⵔⵡ ⴰⵏⵏⵙ, ⵉⵙⴽⵔ ⴳ ⵉⵡⵉⵙ ⴰⵎⵇⵇⵔⴰⵏ ⵓⵙⵔⴽⵓⵏ ⴰⵎⵣⵡⴰⵔⵓ ⴰⵎⴽⴽⵉⵡⵙ ⵏⵏⵙ, ⵉⵙⵎⵍ ⵓⵍⴰ ⵉⵡⵉⵙ ⵢⵓⴱⵓⵜ ⵡⵉⵙ ⵙⵉⵏ ⴷ ⴰⴽⵀⵀⴰⵏ ⴰⵅⴰⵜⴰⵔ ⵏ ⴰⵎⵓⵏ ⴳ ⵜⵖⵔⵎⵜ ⵏ ⵟⵉⴱⴰ, ⵖⵎⴽ ⵍⵍⵉ ⵜ ⵉⵙⵎⵍ ⴷ ⴰⵎⵏⴱⴰⴹ ⵏ ⵎⵉⵚⵕ ⴷ ⵓⵏⵎⵖⵓⵔ ⵏ ⵜⵙⵔⴷⴰⵙⵜ, ⵃⵎⴰ ⴰⴷ ⵉⵙⵙⴷⵓⵙ ⵜⴰⵏⴱⴰⴹⵜ ⵏⵏⵙ ⴳ ⵜⵖⵔⵎⵜ ⵏ ⵟⵉⴱⴰ. ⵉⵡⵉⵙ ⵡⵉⵙ ⵙⵉⵏ ⵏⵉⵎⵍⵓⵜ ⵉⵙⵎⵍ ⵜ ⴷ ⴰⵏⵎⵖⵓⵔ ⵏ ⵜⵙⵔⴷⴰⵙⵜ ⴳ ⴰⵀⵏⴰⵙⵢⴰ ⴳ ⵎⵉⵚⵕ ⵜⴰⵏⴰⵎⵎⴰⵙⵜ.
ⵛⵉⵛⵓⵏⵖ ⴳ ⵓⴷⵍⵉⵙ ⵏ ⵜⵜⴰⵡⵕⴰⵜ
ⵉⵜⵜⵓⵙⵙⴰⵏ ⵓⴳⵍⵍⵉⴷ ⵛⵉⵛⵓⵏⵖ ⵙ ⴽⵉⴳⴰⵏ ⵏ ⵡⴰⵙⵙⴰⵖⵏ ⵉⴳⵍⴷⴰⵏⵏ ⴳ ⵎⵉⵚⵕ, ⵎⵇⵇⴰⵔ ⵉⵙⵜⵉ ⴰⴷ ⴱⴷⴷⴰ ⵉⵣⴷⵉ ⵉⵅⴼ ⵏⵏⵙ ⴷ ⵓⴼⵔⵄⵓⵏ ⴱⵙⵓⵙⵏⵙ ⵡⵉⵙ ⵙⵉⵏ, ⵉⵜⵜⵓⵙⵎⵎⴰ ⵙ ⵛⵉⵛⵓⵏⵖ ⴰⵎⵣⵡⴰⵔⵓ ⵎⵔⵢⴰⵎⵓⵎ ⵣⵄⵎⴰ ⵛⵉⵛⵓⵏⵖ ⵉⵜⵜⵉⵔⵉ ⵡⴰⴽⵓⵛ ⴰⵎⵓⵏ, ⵉⵖⵔⵉⵇⵉⵢⵏ ⵏⵜⵜⵏⵉ ⴷⴰⵙ ⵜⵜⵉⵏⵉⵏ ⵙⵓⵙⴰⴽⵓⵙ.
ⵉⵜⵜⵓⴱⴷⴰⵔ ⵓⴳⵍⵍⵉⴷ ⵛⵉⵛⵓⵏⵖ ⴳ ⵓⴷⵍⵉⵙ ⵏ ⵜⵜⴰⵡⵕⴰⵜ, ⵍⵍⵉⵖ ⵉⴽⵛⵉⵎ ⵙ ⵜⵖⵔⵜ ⵏ ⵓⵔⵛⴰⵍⵉⵎ ⵍⵍⵉⵖ ⵉⵎⵎⴰⵖ ⴷ ⵜⴳⵎⴷⵉⵜ ⵏ ⵉⵙⵕⴰⵉⵍ, ⴳ ⵓⵣⵎⵣ ⵏ ⵓⵣⴳⴳⵯⴰⵙ ⵡⵉⵙ ⵙⵎⵎⵓⵙ ⵏ ⵓⴳⵍⵍⵉⴷ ⵔⵃⴱⵄⴰⵎ. ⵢⵉⵥⴹⵉⵕ ⵓⴳⵍⵍⵉⴷ ⵛⵉⵛⵓⵏⵖ ⴰⴷ ⵉⵏⵔⵓ ⴰⴳⵍⵍⵉⴷ ⵔⵃⴱⵄⴰⵎ, ⵢⴰⵡⵉ ⵉⴱⴰⵢⵏⵓⵜⵏ ⵏ ⵜⴷⴷⴰⵔⵜ ⵏ ⵡⴰⴽⵓⵛ ⵍⵍⵉ ⵉⵙⵎⵓⵏ ⵓⴳⵍⵍⵉⴷ ⵙⵓⵍⴰⵢⵎⴰⵏ ⴷ ⵓⴳⵍⵍⵉⴷ ⴷⴰⵢⴼⵉⴷ.
ⵉⵎⵎⵓⵜ ⵛⵉⵛⵓⵏⵖ ⴰⵎⵣⵡⴰⵔⵓ ⴳ ⵓⵙⴳⴳⵯⴰⵙ 924 ⴷⴰⵜ ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ, ⴷⴼⴼⵉⵔ ⵎⴰ ⴷ ⵉⵣⵣⵔⵉ 21 ⵏ ⵓⵙⴳⴳⵯⴰⵙ ⴳ ⵓⵏⴱⴰⴹ ⵏ ⵎⵉⵚⵕⴰ, ⵉⴹⴼⵕ ⵜ ⵉⵡⵉⵙ ⵉⵅⴼⴷⴷⵉ ⵏⵏⵙ ⵓⵙⵔⴽⵓⵏ ⴰⵎⵣⵡⴰⵔⵓ.
ⴰⵖⴱⴰⵍⵓ: ⴰⵚⵡⴰⵜ ⵎⴰⵖⴰⵔⵉⴱⵉⵢⵢⴰ, ⵙ ⵓⵙⴳⵣⵍ.
• ⵕⴰⵛⵉⴷ ⵏⴰⵊⵉⴱ