ⵜⵉⵔⵔⴰ ⵙ ⵜⵎⴰⵣⵉⵖⵜ ⴳ ⵜⵎⵙⵇⵇⴰⴷⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ
ⴷⴼⴼⵉⵔ ⵏ ⵜⵎⵙⵇⵇⴰⴷⵉⵏ ⵏ ⴰⵍⵎⴰⵏⵢⴰ ⴷ ⴱⵉⵍⵊⵉⴽⴰ ⴷ ⵙⵡⵉⵙⵔⴰ, ⵜⵍⴽⵎ ⵜⵡⴰⵍⴰ ⵏ ⵜⵎⵙⵇⵇⴰⴷⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵕⵕⴱⴰⵟ ⴰⴷ ⵜⴰⵔⴰ ⵉⵙⵎ ⵏⵏⵙ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⴽⴽⵉⵍ ⵏ ⵜⴼⵉⵏⴰⵖ, ⴰⵢⵍⵍⵉ ⵉⴳⴰⵏ ⵜⴰⵎⵔⴰⵔⵓⵜ ⵏ ⵜⴱⵔⴰⵜⵉⵏ ⵍⵍⵉ ⵢⵓⵣⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ.
ⵙ ⵜⵎⵍⴷⴰ ⴰⴷ, ⴰⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵍⵍⵉ ⵉⴳⴰⵏ ⵢⴰⵜ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵜⴰⵎⴹⵍⴰⵏⵜ ⵉⵎⵎⴰⵖⵏ ⴼ ⵉⵣⵔⴼⴰⵏ ⵏ ⵉⵎⴰⵣⵉⵖⵏ, ⴰⵔ ⵉⵙⵙⵉⵎⵖⵓⵔ ⵜⴰⵙⵏⵜⴰⵢⵜ ⴰⴷ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⵎⵏⵉⴷ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ, ⵉⴽⴽⴰ ⵜⵜⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵢⵓⵣⵏ ⴰⴷ ⵜⵉⴱⵔⴰⵜⵉⵏ ⴳ ⵓⵎⵏⵉⴷ ⴰⴷ ⴳ ⵡⴰⵢⵢⵓⵔ ⵏ ⵢⵓⵏⵢⵓ ⵍⵍⵉ ⵉⵣⵔⵉⵏ ⵉ ⵎⵏⵏⴰⵡⵜ ⵜⵎⵙⵇⵇⴰⴷⵉⵏ ⴳ ⵜⵍⵍⴰ ⵜⵉⵏ ⵀⵓⵍⴰⵏⴷⴰ ⴷ ⵎⴰⵔⵉⴽⴰⵏ ⴷ ⴽⴰⵏⴰⴹⴰ ⴷ ⵚⴱⴰⵏⵢⴰ ⴷ ⴼⵕⴰⵏⵚⴰ ⴷ ⵉⵟⴰⵍⵢⴰ ⴷ ⵉⵚⵕⴰⵉⵍ ⴷ ⴱⵕⵉⵟⴰⵏⵢⴰ.