ⵜⵉⴼⵉⵏⴰⵖ ⴳ ⵜⵎⵍⵙⵉⵜ ⵏ ⵜⵔⴰⴱⴱⵓⵜ “ⵍⵃⴰⵙⴰⵏⵉⵢⵢⴰ”
ⵍⵙⴰⵏ ⵉⵅⵎⵎⴰⵔⵏ ⵏ ⵜⵔⴰⴱⴱⵓⵜ ⵏ ⵜⵓⵡⵊⵊⴰ ⵏ ⵓⴹⴰⵕ ⵍⵃⴰⵙⴰⵏⵉⵢⵢⴰ ⵏ ⵓⴳⴰⴷⵉⵔ, ⴰⵙⵙ ⵏ ⵓⵙⴰⵎⴰⵙ 13 ⵢⵓⵏⵢⵓ 2021, ⵜⵉⵎⵍⵙⵉⵜ ⴳ ⵜⵜⵢⵓⵔⴰⵏ ⵡⴰⵙⵙⴰⵖⵏ ⵏⵏⵙⵏ ⵙ ⵓⵙⴽⴽⵉⵍ ⵏ ⵜⴼⵉⵏⴰⵖ. ⵍⵍⵉⵖ ⵜⵙⵏⵓⴱⴳ ⵜⵔⴰⴱⴱⵓⵜ ⴰⴷ ⵜⴰⵔⴰⴱⴱⵓⵜ ⵏ ⵍⵡⵉⴷⴰⴷ ⴳ ⵓⵙⴰⵢⵔⵓⵔ ⵏ ⴰⴷⵔⴰⵔ ⴳ ⵓⴳⴰⴷⵉⵔ ⴳ ⵜⵡⴰⵍⴰ ⵜⵉⵙ 19 ⵏ ⵜⴱⵔⵣⴰ ⵜⴰⵎⵖⵔⵉⴱⵉⵜ ⵏ ⵜⵓⵡⵊⵊⴰ ⵏ ⵓⴹⴰⵕ.
ⵜⴰⵙⵏⵜⴰⵢⵜ ⴰⴷ ⵏ ⵜⵉⵔⵔⴰ ⵏ ⵡⴰⵙⵙⴰⵖⵏ ⵏ ⵉⵅⵎⵎⴰⵔⵏ ⵙ ⵜⴼⵉⵏⴰⵖ, ⵜⵉⵡⵉ ⵛⵉⴳⴰⵏ ⵜⴰⵢⵏⵉⵜ ⵏ ⵓⴳⴷⵓⴷ ⵏ ⵜⵔⴰⴱⴱⵓⵜ ⴳ ⴽⵓ ⵜⵉⵙⴳⴳⵉⵡⵉⵏ ⵏ ⵍⵎⵖⵔⵉⴱ ⵓⵍⴰ ⴳ ⵓⵎⴰⴹⴰⵍ, ⵖⵎⴽ ⴰⵏⵏ ⵓⵍⴰ ⵉⵎⴹⴼⵕⵏ ⵏ ⵉⵙⵉⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ, ⴰⵛⴽⵓ ⵜⴳⴰ ⵢⴰⵜ ⵜⵙⵏⵜⴰⵢⵜ ⵉⵥⵍⵉⵏ ⵍⵍⵉ ⵉⵙⵙⵕⵚⵓⵏ ⵜⴰⵎⴰⴳⵉⵜ ⵜⴰⵎⴰⵣⵉⵖⵜ ⵏ ⵍⵎⵖⵔⵉⴱ. ⵖⵎⴽ ⵍⵍⵉ ⴷ ⵜⴽⴽⴰ ⴷⴰⵔ ⵢⴰⵜ ⵜⵔⴰⴱⴱⵓⵜ ⵉⴳⴰⵏ ⵜⴰⴳⵏⵙⴰⵙⵜ ⵏ ⵢⴰⵜ ⵜⵙⴳⴰ ⴳ ⵍⵍⴰⵏ ⵉⵎⴰⵣⵉⵖⵏ.
ⵉⵜⵜⵓⵙⵙⴰⵏ ⵎⴰⵙ ⵜⵍⵍⴰ ⵜⵔⴰⴱⴱⵓⵜ ⵏ ⵍⵃⴰⵙⴰⵏⵉⵢⵢⴰ ⵏ ⵓⴳⴰⴷⵉⵔ ⴳ ⵡⴰⵎⵎⴰⵙ ⵡⵉⵙ ⵜⴰⵎ ⵏ ⵜⴱⵔⵣⴰ ⵜⴰⵎⵖⵔⵉⴱⵉⵜ ⵉ ⵜⵓⵡⵊⵊⴰ ⵏ ⵓⴹⴰⵕ ⵙ 28 ⵏ ⵜⵏⵇⵇⵉⴹⵜ, ⵜⵏⵔⴰ ⴳ ⵙⴰⵜ ⵏ ⵜⵎⵏⵢⵓⴳⴰⵔⵉⵏ, ⵜⵏⴳⵉⴷⴷⵉ ⴳ ⵙⴰⵜ, ⵜⴹⵕ ⴳ ⵚⴹⵉⵚⵜ ⵏ ⵜⵎⵏⵢⵓⴳⴰⵔⵉⵏ.