“ⵍⴱⴰⵏⴽ ⵏ ⴰⴼⵔⵉⵇⵢⴰ” ⴷ ⴰⵎⵓⴼⴰⵢ ⴳ ⵓⵚⵥⵕⴼ ⵏ ⵜⵙⴱⴱⴰⴱⵜ ⴳ ⵍⵎⵖⵔⵉⴱ ⴳ 2021
ⵜⵙⵜⵉ “Global Trade Review” ⵜⴰⵔⴰⴱⴱⵓⵜ ⵏ ⵍⴱⴰⵏⴽ ⵏ ⴰⴼⵔⵉⵇⵢⴰ ⴷ ⴰⵎⵓⴼⴰⵢ ⵏ ⵓⵚⵥⵕⴼ ⵏ ⵜⵙⴱⴱⴰⴱⵜ ⴳ ⵍⵎⵖⵔⵉⴱ, ⴳ ⵜⵙⵖⵓⵏⵜ ⵏⵏⵙ ⵜⴰⵙⴳⴳⵯⵙⴰⵏⵜ “GTR+MENA 2021”.
ⵜⵉⵏⵉ ⵜⵔⴰⴱⴱⵓⵜ ⴳ ⵓⵙⵉⵡⴹ ⵏⵏⵙ ⵎⴰⵙ ⵉⴳⴰ ⵓⵙⵜⴰⵢ ⵏ “GTR+MENA 2021” ⴰⵙⴷⵓⵙ ⵏ ⵓⴷⵖⴰⵔ ⵉⵥⵉⵍⵏ ⵏ ⵍⴱⴰⵏⴽ ⵏ ⴰⴼⵔⵉⵇⵢⴰ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⴷ ⵓⴳⵎⵎⵓⴹ ⴰⵏⴰⵎⵎⴰⵙ.
ⵜⵉⵏⵉ ⵓⵍⴰ ⵎⴰⵙ ⵜⴳⴰ ⵜⵙⵎⵖⵓⵔⵜ ⵏ ⵜⵣⵡⵉⵔⵉ ⵜⴰⵏⵙⴱⴰⴱⵜ “GTR Leaders in Trade” ⴷ ⵜⵡⵓⵔⵉⵡⵉⵏ ⵜⵉⵎⴰⴼⴰⵡⵉⵏ “GTR Best Deals” ⴰⵙⵓⵖⵍ ⵏ ⵜⵡⵓⵔⵉ ⵉⵥⵉⵍⵏ ⵏ ⵍⴱⴰⵏⴽ ⴳ ⵉⴳⴰⴷⴰⵣⵏ ⵏ ⵜⵙⴱⴱⴰⴱⵜ ⴷ ⵉⵢⴰⴼⵓⵜⵏ ⵉⴷⵙⵍⴰⵏⵏ ⴷ ⵓⵙⴳⴼⴰⵔ ⴷ ⵓⵚⵥⵕⴼ ⵏ ⵉⵙⵓⴼⵓⵖⵏ ⴷ ⵜⴻⵜⵉⴽⵏⵓⵍⵓⵊⵉⵢⵉⵏ ⵜⵉⵥⵕⴼⴰⵏⵉⵏ.
ⵢⵓⵛⴽⴰ ⴷ ⴳ ⵓⵙⵉⵡⴹ ⵓⵍⴰ ⵎⴰⵙ ⵜⴳⴰ ⵜⵔⴰⴱⴱⵓⵜ ⵜⴰⴱⴰⵏⴽⵉⵜ ⵜⴰⴷ ⴱⴰⵀⵔⴰ ⵉⵙⵡⵓⵔⵉⵏ ⴳ ⴱⵕⵕⴰ ⴳ ⵓⵙⵡⵉⵔ ⴰⵏⴰⵎⵓⵔ, ⵙ ⵜⵉⵍⵉⵜ ⵏⵏⵙ ⴳ 32 ⵏ ⵜⵎⴰⵣⵉⵔⵜ ⵏ ⵉⴼⵔⵉⵇⵢⴰ ⴷ ⴰⵙⵢⴰ ⴷ ⵓⵕⵓⴱⴱⴰ.