ⴰⵎⵢⴰⵡⴰⵙ ⴰⴷⵍⵙⴰⵏ ⵊⴰⵔ ⵍⵎⵖⵔⵉⴱ ⴷ ⴽⵓⵍⵓⵎⴱⵢⴰ
ⵜⵏⵏⴰ ⵎⴰⵙⵙⴰ ⵎⴰⵔⵜⴰ ⵍⵓⵙⵢⴰ ⵔⴰⵎⵉⵔⵉⵣ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⴷ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⴽⵓⵍⵓⵎⴱⵢⴰ, ⵎⴰⵙ ⵉⴳⴰ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴷⵍⵙⴰⵏ ⵊⴰⵔ ⵍⵎⵖⵔⵉⴱ ⴷ ⴽⵓⵍⵓⵎⴱⵢⴰ ⵢⴰⵜ ⴳ ⵜⵎⵣⵡⵓⵔⴰ ⵜⵉⴷⵙⵍⴰⵏⵉⵏ.
ⵍⵍⵉⵖ ⴷ ⵜⵔⵣⴼ ⵎⴰⵙⵙⴰ ⵔⴰⵎⵉⵔⵉⵣ ⵎⵏⵏⴰⵡ ⵉⵙⴼⵙⵔⵏ ⵍⵍⴰⵏⵉⵏ ⴳ ⵜⵙⵏⵏⵉⵖⵜ ⵏ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵜⵥⵓⵕⵉ ⵜⴰⵜⵔⴰⵔⵜ ⵖ ⵕⵕⴱⴰⵟ, ⵜⵏⵏⴰ ⵎⴰⵙ ⵉⴳⴰ ⵡⴰⵏⴰⵡ ⴰⴷ ⵏ ⵓⵎⵢⴰⵡⴰⵙ ⵙⴳ ⵜⵎⵣⵡⵓⵔⴰ ⵜⵉⴷⵙⵍⴰⵏⵉⵏ, ⵍⵍⵉⵖ ⵟⵟⴰⴼⵏⵜ ⵙⵏⴰⵜ ⵜⵎⵉⵣⴰⵔ ⴽⵉⴳⴰⵏ ⵏ ⵉⵏⴰⵥⵓⵕⵏ ⵉⵎⵏⵏⴰⵡⵏ.
ⵖⵎⴽ ⵍⵍⵉ ⵜⵙⵓⵜⴳ ⵜⵎⵙⵜⴳⴳⴰⵔⵜ ⵜⴰⴽⵓⵍⵓⵎⴱⵉⵜ ⵜⵉⵣⵡⵉⵔⵉ ⵏ ⵓⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉⵜⵜⵓⵙⵙⴰⵏⵏ ⵙ ⵓⴼⵔⵉⵙ ⵏⵏⵙ ⴰⵏⴰⵎⵓⵏ ⴷ ⵓⵙⵓⵜⴳ ⵏⵏⵙ ⵉ ⵜⵥⵓⵕⵉ ⴷ ⵜⴷⵍⵙⴰ.
ⵍⵍⵉⵖ ⵜⵙⴰⵡⵍ ⵜⵎⵜⵙⴳⴳⴰⵔⵜ ⵜⴰⴽⵓⵍⵓⵎⴱⵉⵜ ⴼ ⵜⴷⵍⵙⴰ ⵍⵍⵉ ⵉⴳⴰⵏ, ⵖ ⵓⵎⵏⵉⴷ ⵏⵏⵙ, ⵉⵎⵉⵙⵙ ⵏ ⵓⵎⵢⴰⴷⴰⵙ ⵊⴰⵔ ⵙⵉⵏ ⵉⵎⴰⴷⴰⵏⵏ, ⵜⵏⵏⴰ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵢⴰⵜ ⵜⵉⵏⵎⵍ ⵉⵥⵍⵉⵏ ⵙ ⵓⵙⵎⵓⵜⵜⴳ ⵏ ⵉⵏⴰⵥⵓⵕⵏ.
ⵉⵜⵜⵓⵙⵙⴰⵏ ⵎⴰⵙ ⵜⵍⵍⴰ ⵎⴰⵔⵜⴰ ⵍⵓⵙⵢⴰ ⵔⴰⵎⵉⵔⵉⵣ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ, ⵜⵙⴽⵔ ⵎⵏⵏⴰⵡ ⵉⵎⴹⴰⴽⴰⵕⵏ ⴷ ⵉⵎⵙⵜⴳⴳⴰⵔⵏ ⵉⵎⵖⵔⵉⴱⵉⵢⵏ ⵖ ⵍⵍⴰⵏ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.