ⵅⴼ ⵡⴰⴷⴷⴰⴷ ⴰⴷⵓⵙⴰⵏ ⵏ ⵔⵔⴰⵢⵙ ⴱⵉⵣⵎⴰⵡⵏ
ⵉⵍⵍⴰ ⵓⵏⴰⵥⵓⵕ ⴰⵎⴰⵣⵉⵖ ⵔⵔⴰⵢⵙ ⵃⵎⴰⴷ ⴱⵉⵣⵎⴰⵡⵏ ⴳ ⵢⴰⵏ ⵡⴰⴷⴷⴰⴷ ⴰⴷⵓⵙⴰⵏ ⵉⵀⵔⵛ, ⵢⵉⵍⵉ ⴳ ⵢⴰⵏ ⵓⵙⴳⵏⴰⴼ ⵉⵥⵍⵉⵏ ⵍⵍⵉⵖ ⵢⵓⴹⵏ ⵙ ⴳⴰⵔ ⵜⴰⵎⴰⴹⵓⵏⵜ ⴳ ⵜⵓⵔⵉⵏ ⵏⵏⵙ, ⴰⵢⵍⵍⵉ ⴰⵙ ⵉⵙⴽⵔⵏ ⴰⴱⵣⵣⴰⴳ ⴳ ⵜⴼⴽⴽⴰ ⵏⵏⵙ.
ⵙ ⵜⵎⵍⴷⴰ ⴰⴷ, ⴽⴽⴰⵏ ⴷ ⵎⵏⵏⴰⵡ ⵉⵎⵙⴽⴰⵔⵏ ⵏ ⵜⵡⵡⵓⵔⵉ ⵜⴰⵎⵙⵎⵓⵏⴰⵏⵜ ⴷ ⵜⵙⵔⵜⴰⵏⵜ ⴷ ⵉⵏⴰⵥⵓⵕⵏ ⴳ ⵜⵖⵔⵎⵜ ⵏ ⵓⴳⴰⴷⵉⵔ ⴷ ⵜⵙⴳⴰ ⵏ ⵙⵓⵙ ⵎⴰⵙⵜ ⴷⴰⵔ ⵓⵏⴰⵥⵓⵕ ⵔⵔⴰⵢⵙ ⵃⵎⴰⴷ ⴱⵉⵣⵎⴰⵡⵏ ⵍⵍⵉ ⵎⵓ ⵉⴹⴼⵕ ⴷⵓⴽⵜⵓⵔ ⵎⵓⵃⴰⵎⵎⴰⴷ ⴱⵉⵣⵕⴰⵏ ⴰⴷⴷⴰⴷ ⵏⵏⵙ ⴰⴷⵓⵙⴰⵏ.
ⵉⴳⴰ ⵔⵔⴰⵢⵙ ⵃⵎⴰⴷ ⴱⵉⵣⵎⴰⵡⵏ ⵢⴰⵏ ⴳ ⵔⵔⵡⴰⵢⵙ ⵉⵎⴰⵣⵉⵖⵏ ⵜⵜⴰⵡⵙⵙⴰⵏⵏⵉⵏ ⴳ ⵓⵙⵡⵉⵔ ⴰⵏⴰⵎⵓⵔⵏ, ⵉⴳ ⵖ ⵉⵎⵣⵡⵓⵔⴰ ⵍⵍⵉ ⵣⵎⵎⵉⵎⵏⵉⵏ ⵜⴰⵍⵖⴰⵜⵉⵏ ⵏⵏⵙ ⵖ ⵍⵎⵖⵔⵉⴱ ⴷ ⴼⵕⴰⵏⵚⴰ ⴳ ⵉⴷⵉⵙⴽⵏ, ⵉⴽⵛⵎ ⵙ ⵓⴱⴰⵔⴰⵣ ⵏ ⵓⵎⴰⵔⴳ ⴷ ⵓⵥⴰⵡⵏ ⵙⴳ 1970, ⵉⴷⴷⵔ ⴷ ⵉⵎⵇⵔⴰⵏⵏ ⵏ ⵔⵔⵡⴰⵢⵙ ⴰⵎ ⵎⵓⵃⴰⵎⵎⴰⴷ ⴰⵍⴱⵏⵙⵉⵔ ⴷ ⵙⵄⵉⴷ ⴰⵛⵜⵓⴽ ⴷ ⵃⵎⴰⴷ ⴰⵎⵏⵜⴰⴳ ⴷ ⵎⴱⴰⵔⴽ ⴰⵢⵢⵉⵙⴰⵔ.
ⴰⵡⵉⵏ ⴷ ⵉⵏⵖⵎⵉⵙⵏ ⴳⴳⵓⵔⴰⵏⵉⵏ ⵎⴰⵙ ⵉⵡⴰⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵥⴰⵥⵓ ⵏ ⵜⵙⵏⵉⵊⵊⵉⵜ ⵏ ⵔⵔⴰⵢⵙ ⵃⵎⴰⴷ ⴱⵉⵣⵎⴰⵡⵏ ⴰⴷ ⵉⵛⴰⴼⴰ ⵕⴱⴱⵉ.