ⴰⵎⴹⴰⴽⴰⵕ ⴰⴷⵉⴱⵍⵓⵎⴰⵙⵉ ⵊⴰⵔ ⵍⵎⵖⵔⵉⴱ ⴷ ⵟⵟⴰⵍⵢⴰⵏ
ⵉⵎⵙⴰⵙⴰ ⵍⵎⵖⵔⵉⴱ ⴷ ⵟⵟⴰⵍⵢⴰⵏ ⴼ ⵡⴰⵣⵣⴰⵣ ⵏ ⵓⵙⴽⵔ ⵏ ⵜⵎⴰⴷⵔⴰⵡⵜ ⵏⵏⵙⵏ ⵜⴰⵙⵜⵔⴰⵜⵉⵊⵉⵜ ⵉⴳⴰⵏ ⵜⴰⵎⵏⵏⴰⵡⵜ.
ⵉⵍⵍⴰ ⴳ ⵓⵙⵉⵡⴹ ⵉⵛⵛⴰⵔⵏ ⴷⴼⴼⵉⵔ ⵏ ⵉⵎⴹⴰⴽⴰⵕⵏ ⵏ ⵜⵜⵉⵍⵉⴼⵓⵏ ⵍⵍⴰⵏⵉⵏ, ⴰⵙⵉⵏⴰⵙ 9 ⵏⵓⵡⴰⵏⴱⵉⵔ 2021, ⵊⴰⵔ ⵏⴰⵚⵕ ⴱⵓⵕⵉⵟⴰ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ, ⴷ ⵍⵡⵉⵊⵉ ⴷⵉ ⵎⴰⵢⵓ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰⵏⵜ ⵏ ⵟⵟⴰⵍⵢⴰⵏ, ⵎⴰⵙ ⵉⵍⵍⴰ ⵓⵙⴷⴷⴻⴷ ⵙ ⵜⵣⴷⴰⵢⵉⵏ ⵥⵉⵍⵏⵉⵏ ⵉⵙⵎⵓⵏⵏ ⵊⴰⵔ ⵍⵎⵖⵔⵉⴱ ⴷ ⵟⵟⴰⵍⵢⴰⵏ, ⵎⵙⴰⵙⴰⵏ ⴼ ⵡⴰⵣⵣⴰⵣ ⵏ ⵓⵙⴽⵔ ⵏ ⵜⵎⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ.
ⵙⴷⴷⵉⴷⵏ ⵙⵉⵏ ⵉⵎⴰⵡⵙⴰⵙⵏ ⴼ ⵓⴼⵔⴰⴳ ⵏ ⵓⵙⴰⵜⵉ ⴰⵣⵔⴼⴰⵏ ⵉⵙⵎⵓⵏⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵙⴷⵓⵙ ⵏⵏⵙ, ⵙ ⵎⴰⴷ ⵉⴹⵎⵏⵏ ⵜⴰⵣⵣⵉⴳⵣⵜ ⴷ ⵓⵔⴳⴳⵉⴳ ⵏ ⵜⵎⴰⴷⵔⴰⵡⵜ ⵏⵏⵙ ⵜⴰⵙⵜⵔⴰⵜⵉⵊⵉⵜ.
ⵉⵙⴷⴷⵉⴷ ⵓⵙⵉⵡⴹ ⵉⵛⵛⴰⵔⵏ ⴼ ⵡⴰⵜⵉⴳ ⵏ ⵜⵙⵏⵜⴰⵢⵉⵏ ⵏ ⵓⵙⵇⵇⵉⵎ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴼ ⵜⵎⵢⴰⵇⵇⴰⵏⵉⵏ ⵏ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴼⵍⵍⴰⵃⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⴰⵏⵓⵜ ⵏ ⵓⵕⵓⴱⴱⴰ.
ⵎⴹⴰⴽⴰⵕⵏ ⵙⵉⵏ ⵉⵎⴰⵡⵙⴰⵙⵏ ⵓⵍⴰ ⵜⵉⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ, ⵖ ⵜⵍⵍⴰ ⵜⵣⵣⵉⴳⵣⵜ ⵏ ⵓⵙⵓⵔⵙ ⴳ ⵍⵉⴱⵢⴰ.