ⴰⵙⴽⴽⵉⵔ ⵏ ⵜⵙⴰⵡⴰⵢⵜ ⵜⴰⵎⴰⵢⵏⵓⵜ ⴳ ⵍⴳⴰⵔⴳⴰⵔⴰⵜ
(ⴰⵎⴰⴹⴰⵍ ⴰⵎⴰⵣⵉⵖ) 10/11/2021
ⵜⵏⵏⴰ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵜⵜⵓⵙⴽⴰⵔ ⵢⴰⵜ ⵜⵙⴰⵡⴰⵢⵜ ⴷ ⵜⵙⵏⵓⵔⴰⵢⵜ ⵜⴰⵎⴰⵢⵏⵓⵜ ⴳ ⵍⴳⴰⵔⴳⴰⵔⴰⵜ, ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ 46 ⵏ ⵜⵡⴰⴷⴰ ⵜⴰⵣⴳⵣⴰⵡⵜ .
ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⵜⵙⴽⵔ ⵢⴰⵏ ⵓⵙⵉⵡⴹ ⵜⵏⵏⴰ ⴳⵉⵙ, ⵎⴰⵙⴷ ⴰⵙⴽⴽⵉⵔ ⴷ ⵓⵙⴽⵓ ⵏ ⵜⵙⵏⵓⵔⴰⵢⵜ ⴰⴷ ⴳ ⵍⴳⴰⵔⴳⴰⵔⴰⵜ ⵢⵓⵛⴽⴰⴷ ⴳ ⵓⵍⵜⵜⵓⵖ ⴳ ⵓⵙⵏⴼⴰⵕ ⴷ ⵡⴰⵀⵉⵍ ⵏ ⵓⵙⴽⴽⵉⵔ ⵏ ⴽⵉⴳⴰⵏ ⵏ ⵉⵙⵏⴼⴰⵕⵏ ⵏ ⵜⵏⴼⴰⵍⵉⵜ ⵏⵏⴰ ⵜⵙⵙⵏⵜⴰ ⵜⵏⴱⴰⴷⵜ, ⴰⵡⵜⵜⴰⵙ ⵏ ⵓⵙⴽⴽⵉⵔ ⵏ ⵜⵙⵏⵓⵔⴰⵢⵜ ⴰⴷ ⵜⴰⵎⴰⵢⵏⵓⵜ ⵉⴳⴰ ⵜ ⴰⴷ ⵉⵙⴰⵣⵣⴹ ⵜⴰⵙⴰⵡⴰⵢⵜ ⵏ ⵉⵏⵙⵎⵓⵔⵏ ⵏⵏⴰ ⵍⵍⴰⵏⵉⵏ ⴳ ⵜⵎⵏⴰⴷⵜ ⴰⴷ, ⵎⴽⵍⵍⵉ ⵜⵏⵏⴰ ⵎⴰⵙⴷ ⴰⴱⴰⵏⴽ ⴰⴷ ⵉⴳⴰ ⵡⴰⵍⵍⵉ ⴱⴷⴷⴰ ⵉⵍⵍⴰⵏ ⴳ ⵜⴰⵎⴰ ⵏ ⵉⵏⵙⵎⵓⵔⵏ ⵏⵏⵙ ⵙ ⵢⴰⵜ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ .
ⴰⵙⴽⴽⵉⵔ ⵏ ⵜⵙⴰⵡⴰⵢⵜ ⴰⴷ ⵏ ⵜⵙⵏⵓⵔⴰⵢⵜ ⵜⴰⵎⴰⵢⵏⵓⵜ ⵍⵍⵉⵖ ⵉⵣⵔⵉ ⵓⵙⴳⴳⵯⴰⵙ ⴼ ⵜⵏⴼⵔⵓⵜ ⵏ ⵉⵙⵔⴷⴰⵙⵏ ⵉ ⵓⵙⴰⴽⴰ ⵏ ⵍⴳⴰⵔⴳⴰⵔⴰⵜ, ⵍⵍⵉⵖ ⵙⵔⵙⵏ ⵢⴰⵏ ⵓⵙⵙⵓⵜⵏ ⴰⵏⴼⵔⴰⵢ ⴰⴼⴰⴷ ⴰⴷ ⵜⵜⵏⴼⵔⵓⵏⵜ ⵜⵖⴰⵡⵙⵉⵡⵉⵏ ⵏⵏⴰ ⵉⵣⵣⵔⴰⵢⵏ ⴳ ⵓⵙⴰⴽⴰ ⴰⴷ , ⴷⴼⴼⵉⵔ ⵍⵍⵉⵖ ⴱⴱⵉⵏ ⴰⵢⵜ ⴱⵓⵍⵉⵣⴰⵕⵢⵓ ⴰⵖⴰⵔⴰⵙ ⴰⴷ ⴼ ⵡⴰⵙⵙⴰⵢⵏ ⵏⵏⴰ ⵉⵣⵣⵔⴰⵢⵏ ⵜⵉⵖⴰⵡⵙⵉⵡⵉⵏ ⵙ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ .
ⵉⵏⵏⴰ ⴷⴰⵖ ⵓⵙⵉⵡⴷ ⵏ ⵜⵙⵏⵓⵔⴰⵢⵜ ⵎⴰⵙⴷ ⴰⵙⴽⴽⵉⵔ ⵏ ⵜⵙⵏⵓⵔⴰⵢⵜ ⴰⴷ ⵜⴰⵎⴰⵢⵏⵓⵜ ⵔⴰⴷ ⵉⵙⴱⵓⵖⵍⵓ ⵜⵉⵏⴰⴼⵓⵜⵉⵏ ⴷ ⵜⵡⵡⵓⵔⵉⵡⵉⵏ ⵏⵏⴰ ⵜⴰⴽⴽⴰ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⵉ ⵎⵉⴷⴷⵏ ⴰⴽⴽⵯ ⵏⵏⴰ ⵜⵜ ⵉⵙⵙⵎⵔⴰⵙⵏ , ⵔⴰⴷ ⵜⵙⵎⴷ ⴰⵡⴷ ⵉ ⵜⵎⵏⴰⴹⵜ ⴰⴷ ⵏ ⵍⴳⴰⵔⴳⴰⵔⴰⵜ ⵢⴰⵏ ⵡⴰⴷⴷⵓⵔ ⴰⵎⵇⵔⴰⵏ ⵏⵏⴰ ⵔⴰⴷ ⵢⴰⵊⵊ ⵉⵡⴷⴰⵏ ⴰⴷ ⵎⵢⵓⵔⵏ ⴳ ⵜⵎⵏⴰⴷⵜ ⴰⴷ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.