ⴰⵙⴷⴰⵡ ⵏ ⵜⵎⴰⵖⵜ ⵜⴰⴽⵉⵎⴰⵡⵉⵜ ⵎⴳⴰⵍ ⵏ ⵔⵔⵉⴼ ⴳ ⵓⴱⵕⵍⴰⵎⴰⵏ ⵏ ⴽⴰⵟⴰⵍⵓⵏⵢⴰ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵕⴰⵅⴰ, ⴰⵎⵖⴰⵔ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ, ⴷ ⵎⴰⵙⵙⴰ ⴰⵎⵉⵏⴰ ⴱⵏⵛⵛⵉⵅ ⵜⴰⵏⵙⵙⵉⵅⴼⵜ ⵏ ⵡⴰⵢⵢⴰⵡ ⵏ ⵓⴳⵔⴰⵡ ⴳ ⵍⵎⵖⵔⵉⴱ, ⴷ ⵎⴰⵙⵙⴰ ⵙⴰⵍⵡⴰ ⵖⵔⴱⵉ, ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵎⵟⵟⵓⴹⵜ ⴷ ⵜⵏⵙⵙⵉⵅⴼⵜ ⵜⴰⵎⴰⵔⵉⵜ ⵖ ⵚⴱⴰⵏⵢⴰ ⴷ ⴽⴰⵟⴰⵍⵓⵏⵢⴰ, ⴰⵙⵉⵎⴰⵡⴰⵙ 5 ⵏⵓⵡⴰⵏⴱⵉⵔ 2021, ⴰⵙⴷⴰⵡ ⵏ ⵜⵎⴰⵖⵜ ⵜⴰⴽⵉⵎⴰⵡⵉⵜⵉ ⵎⴳⴰⵍ ⵏ ⵉⵎⵣⴷⴰⵖⵏ ⵏ ⵔⵔⵉⴼ, ⴰⴽⴷ ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⴽⴰⵟⴰⵍⵓⵏⵢⴰ ⵎⴰⵙⵙⴰ ⵍⵓⵔⴰ ⴱⵓⵔⴰⵙ ⵉⴽⴰⵙⵜⴰⵏⵢⵉⵔ.
ⵖ ⵓⵏⵎⵓⵇⵇⴰⵔ ⴰⴷ, ⵉⵙⵎⵏⵉⴷ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵉ ⵜⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⴽⴰⵟⴰⵍⵓⵏⵢⴰ ⵜⴰⵎⵙⴰⵔⵜ ⵏ ⵓⵙⵎⵔⵙ ⵏ ⵚⴱⴰⵏⵢⴰ ⵏ ⵉⴳⴰⵣⵏ ⵉⴽⵉⵎⴰⵡⵉⵢⵏ ⵎⴳⴰⵍ ⵏ ⵉⵎⵣⴷⴰⵖⵏ ⵏ ⵜⵙⴳⴰ ⵏ ⵔⵔⵉⴼ. ⵉⵜⵜⵔ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⴳ ⵓⵏⵎⵓⵇⵇⴰⵔ ⴰⴷ, ⴰⴷ ⵉⵙⵏⴰⵍ ⵓⴽⴰⴱⴰⵕ ⵊⵓⵏⵜⵉⵙ ⴱⵉⵔ ⴽⴰⵟⴰⵍⵓⵏⵢⴰ ⵜⵓⴳⴳⵯⴰⵙ ⵏⵏⵙ ⵃⵎⴰ ⴰⴷ ⵜⵉⵍⵉⵜ ⵜⵣⵔⴼⵜ ⴳ ⵓⵙⴷⴰⵡ ⴰⴷ ⵉ ⵚⴰⵃⴰ ⵏ ⵉⵎⵣⴷⴰⵖⵏ ⵏ ⵜⵙⴳⴰ ⵏ ⵔⵔⵉⴼ.
ⵖⵎⴽ ⵍⵍⵉ ⵔⴰⴷ ⵉⵙⴽⵔ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵎⵏⵏⴰⵡ ⵉⵏⵎⵓⵇⵇⴰⵔⵏ ⴰⴽⴷ ⵉⴱⵕⵍⴰⵎⴰⵏⵉⵢⵏ ⵏ ⵚⴱⴰⵏⵢⴰ ⴳ ⵎⴰⴷⵔⵉⴷ, ⵉ ⵓⵎⴹⴰⴽⴰⵕ ⵏ ⵓⵙⴷⴰⵡ ⵏ ⵉⴳⴰⵣⵏ ⵉⴽⵉⵎⴰⵡⵉⵢⵏ ⴷ ⵉⴱⴽⴽⴰⴹⵏ ⵏ ⵓⵡⴰⵏⴽ ⵏ ⵚⴱⴰⵏⵢⴰ ⵍⵍⵉ ⵜⵙⴽⵔ ⴳ ⵜⵉⵣⵉ ⵏ ⵜⵎⴰⵖⵜ ⵏ ⵔⵔⵉⴼ.
ⴰⵔ ⵢⴰⵇⵔⴰ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵃⵎⴰ ⴰⴷ ⵉⵙⵙⵏ ⵓⵡⴰⵏⴽ ⵏ ⵚⴱⴰⵏⵢⴰ ⵙ ⵉⴱⴽⴽⴰⴹⵏ ⵀⵔⵛⵏⵉⵏ ⵍⵍⵉ ⵉⵙⴽⵔ ⴳ ⵔⵔⵉⴼ ⵉⴼⴽ ⵓⵍⴰ ⵉⵀⵏⵢⴰⵏ ⵉ ⵡⵉⴷⴰ ⵜⵜⵢⴰⴳⴰⵙⵏⵉⵏ ⵙ ⵉⴳⴰⵣⵏ ⵉⴽⵉⵎⴰⵡⵉⵢⵏ, ⵢⴰⵡⵙ ⴰⴷ ⵢⵉⵍⵉ ⵢⴰⵏ ⵓⵊⴱⵔ ⴰⵎⴳⵔⵓ ⴳ ⵜⵙⴳⴰ ⵏ ⵔⵔⵉⴼ, ⵉⵙⵓⵔⵔⵉ ⵓⵍⴰ ⴰⵕⵟⵟⴰⵍ ⴰⵎⵣⵔⴰⵢ ⵉ ⵉⵎⵣⴷⴰⵖⵏ ⵏ ⵔⵔⵉⴼ ⵍⵍⵉ ⴱⴰⵀⵔⴰ ⵜⵜⵓⴹⵕⵕⴰⵏⵏⵉⵏ ⵙ ⵜⵣⵣⵉⴳⵣⵜ ⵏ ⵜⵎⴰⴹⵓⵏⵜ ⵏ ⵓⵅⵏⵣⵉⵔ ⴳ ⵜⵙⴳⴰ ⴰⴷ.
ⵉⴽⴽⴰ ⵜⵜ ⵏⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵢⵓⵎⵣ ⵢⴰⵜ ⵜⵎⵔⴰⵔⵓⵜ ⵜⵓⵏⵚⵉⴱⵜ ⴼ ⵜⴱⵔⴰⵜ ⵍⵍⵉ ⵢⵓⵣⵏ ⵉ ⵓⴳⵍⵍⵉⴷ ⵏ ⵚⴱⴰⵏⵢⴰ ⴰⵙⵙ ⵏ 12 ⴱⵕⴰⵢⵕ 2015 ⴼ ⵓⵙⵉⵙⵙⵏ ⵓⵏⵚⵉⴱ ⵏ ⵜⵎⴰⵙⴰⵢⵜ ⵏ ⵓⵡⴰⵏⴽ ⵏ ⵚⴱⴰⵏⵢⴰ ⴳ ⵜⵎⴰⵖⵉⵏ ⵏⵏⵙ ⵎⴳⴰⵍ ⵏ ⵉⵎⵣⴷⴰⵖⵏ ⵏ ⵔⵔⵉⴼ ⴰⵅⴰⵜⴰⵔ ⴳ ⵉⵙⴳⴳⵯⴰⵙⵏ 1921-1927 ⴷ ⵜⵉⴽⴽⵉ ⵏ ⵉⵀⵏⵢⴰⵏ ⵉ ⵡⵉⴷⴰ ⵜⵜⵓⴹⵕⵕⴰⵏⵏⵉⵏ ⴳ ⵉⴳⴰⵣⵏ ⵉⴽⵉⵎⴰⵡⵉⵏ.