ⴰⴳⴰⴷⵉⵔ: ⴰⵏⵎⵓⵇⵇⴰⵔ ⵡⵉⵙ ⵜⵥⴰ ⵏ ⵓⵙⵎⵓⵜⵜⴳ ⴳ ⵙⵙⵓⵍⵉⵎⴰ
ⵔⴰⴷ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵙⵓⵔⴰⴼ ⵉ ⵜⵥⵓⵕⵉ ⵜⵉⵙ ⵜⵥⴰⵜ ⴰⵏⵎⵎⵓⵇⵇⴰⵔ ⵏⵏⵙ ⵉⵥⵍⵉⵏ ⵉ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵙⵙⵓⵍⵉⵎⴰ, ⴳ 23 ⴰⵔ 26 ⴷⵓⵊⴰⵏⴱⵉⵔ 2021 ⵙ ⵓⵙⵏⴰⵍ ⵏ ⵡⴰⵎⵎⴰⵙ ⴰⵎⵖⵔⵉⴱⵉ ⵉ ⵙⵙⵓⵍⵉⵎⴰ ⴷ ⵓⵎⵢⴰⵡⴰⵙ ⴷ ⵜⴳⵔⴰⵡⵜ ⵏ ⵓⴳⴰⴷⵉⵔ.
ⵔⴰⴷ ⵜⵜⵓⵙⴽⵉⵔⵏⵜ ⴳ ⵓⵏⵎⵓⵇⵇⴰⵔ ⵜⵓⴳⵜ ⵏ ⵜⵉⵍⴰⵍ, ⵖ ⵍⵍⴰⵏⵜ: ⴰⵎⵃⵉⵣⵡⴰⵔ “ⴰⵛⴽⴰⴷ ⴰⴷ ⵏⴰⵔⴰ” ⴳ ⵓⵙⵉⵏⴰⵔⵢⵓ ⵏ ⵓⵙⴰⵔⵓ ⵎⵥⵥⵉⵏ, ⵜⴰⵙⵓⵜⵍⵜ ⵏ ⵓⵙⵎⵓⵜⵜⴳ ⴳ ⵎⵏⵏⴰⵡ ⵉⴳⵔⴰⵏ ⵣⴷⵉⵏⵉⵏ ⴷ ⵙⵙⵓⵍⵉⵎⴰ, ⵎⴰⵙⵜⵔ ⴽⵍⴰⵚ ⴼ ⵡⴰⵡⵔⵉⴽ ⵏ ⵜⵙⵓⵜⵍⵜ ⴰⵏⴰⵥⵓⵕ ⵍⵃⵓⵙⴰⵢⵏ ⵉⴱⵓⵕⴽⴰ ⵉⵜⵜⵢⵙⵙⴰⵏ ⵙ ⴱⵓⵜⴼⵓⵏⴰⵙⵜ, ⴰⵙⵎⵏⵉⴷ ⵏ ⵉⵙⵓⵔⴰ ⴷ ⵓⵎⴹⴰⴽⴰⵕ ⵏⵏⵙⵏ, ⵜⵉⵏⵏⴰⵡⵜ ⴼ ⵍⴽⵓⵎⵉⴷⵢⴰ ⴳ ⵙⵙⵓⵍⵉⵎⴰ ⵏ ⵜⵎⴰⵣⵉⵖⵜ.
ⵜⵙⵜⵉ ⵜⵎⵙⵎⵓⵏⵜ ⵏ ⵉⵙⵓⵔⴰⴼ ⴰⵏⴰⵥⵓⵕ ⵍⵃⵓⵙⴰⵢⵏ ⵉⴱⵓⵕⴽⴰ (ⴱⵓⵜⴼⵓⵏⴰⵙⵜ) ⵃⵎⴰ ⴰⴷ ⵉⴳ ⴰⵡⵔⵉⴽ ⵎⵓ ⵔⴰⴷ ⵉⵜⵜⵓⵙⴽⵉⵔ ⵓⵙⵎⵖⵔ ⵍⵍⵉⵖ ⵉⴼⴽⴰ ⴽⵉⴳⴰⵏ ⴳ ⵢⵉⴳⵔ ⵏ ⵙⵙⵓⵍⵉⵎⴰ ⵏ ⵜⵎⴰⵣⵉⵖⵜ.