ⵜⵜⴱⵓⵔⵉⴷⴰ ⴳ ⵡⴰⵢⴷⴰ ⴰⴷⵍⵙⴰⵏ ⵏ ⵢⵓⵏⵉⵙⴽⵓ
ⵜⵥⴹⴰⵕ ⵜⵖⵣⵓⵜ ⵏⵖ ⵜⵜⴱⵓⵔⵉⴷⴰ ⴰⴷ ⵜⵜⵓⵣⵎⵎⵉⵎ ⴳ ⵡⴰⵢⴷⴰ ⴰⴷⵙⵍⴰⵏ ⵏ ⵢⵓⵏⵉⵙⴽⵓ (ⵜⴰⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰ), ⴳ ⵜⵙⵎⵓⵏⴰⵢ ⵏ ⵜⵙⵓⵜⵍⵜ ⵜⵉⵙ ⵚⴹⵉⵚⵜ ⴷ ⵎⵔⴰⵡⵜ ⵏ ⵜⵙⵇⵇⵉⵎⵜ ⵜⵓⵏⴱⵉⴹⵜ ⵜⴰⴳⵔⴰⵖⵍⴰⵏⵜ ⵏ ⵓⴼⵔⴰⴳ ⵏ ⵡⴰⵢⴷⴰ ⴰⴷⵍⵙⴰⵏ ⵉⵍⵍⴰⵏ ⴳ ⵜⵎⴰⵥⵓⵏⵜ ⵏ ⴼⵕⴰⵏⵚⴰ ⴱⴰⵔⵉⵣ ⴳ 13 ⴰⵔ 18 ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ.
ⵜⵏⵏⴰ ⵜⵎⴰⵡⴰⵙⵜ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴳ ⵢⴰⵏ ⵓⵙⵉⵡⴹ ⵏⵏⵙ, ⵎⴰⵙ ⵉⵍⵍⴰ ⵓⵣⵎⵎⴻⵎ ⵏ ⵜⵎⵙⴽⵔⵜ ⴰⴷ ⵜⴰⴷⵍⵙⴰⵏⵜ ⵉⵟⵟⴰⴼⵏ ⴰⵎⵣⵔⵓⵢ ⵉⵅⴰⵜⵔⵏ ⴳ ⵡⴰⵢⴷⴰ ⴰⵎⴰⴹⵍⴰⵏ, ⴷⴼⴼⵉⵔ ⵏ ⵓⵙⴷⴰⵡ ⵍⵍⵉ ⵜⵙⴽⵔ ⵜⵎⵙⵙⵓⵔⵓⵜ ⵜⴰⴳⵍⴷⴰⵏⵜ ⵏ ⵓⵙⵙⵔⵇⴱ ⵏ ⵜⵖⵣⵓⵜ, ⴰⵙⴷⴰⵡ ⴰⴷ ⵍⵍⵉ ⵢⵉⵡⵙⵏ ⴰⴷ ⵜⵉⵍⵉ ⵜⵓⵙⵙⵏⴰ ⵉⵙⵎⴷⵏ ⵏ ⵜⵎⵙⴽⵔⵜ ⴰⴷ ⵜⴰⴷⵍⵙⴰⵏⵜ ⵜⴰⵎⵖⵔⵉⴱⵉⵜ.
ⵙ ⵓⵣⵎⵎⴻⵎ ⴰⴷ ⴰⵎⴰⵢⵏⵓ, ⵉⵍⴽⵎ ⵍⵎⵖⵔⵉⴱ ⴰⴷ ⵉⵣⵎⵎⵉⵎ ⵎⴰⴷ ⵉⴳⴰⵏ 12 ⵏ ⵡⴰⵏⴰⵡ ⴳ ⵡⴰⵢⴷⴰ ⴰⴷⵍⵙⴰⵏ ⴷⴰⵔ ⵜⵎⴰⴷⴷⴰⵙⵜ ⵏ ⵢⵓⵏⵉⵙⴽⵓ, ⵉⴳ ⵓⵏⵛⴽ ⴰⴷ ⵢⴰⵏ ⵓⵏⵛⴽ ⵉⵙⵜⴰⵡⵀⵎⵎⴰⵏ ⴳ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ. ⴰⵢⵍⵍⵉ ⵉⵎⵎⴰⵍⴰⵏ ⵜⵓⴳⴳⴰⵙ ⴷⴰ ⵜⵜⵓⴼⴽⵉⵏⵉⵏ ⵉ ⵡⴰⵢⴷⴰ ⴰⴷⵍⵙⴰⵏ ⴳ ⵉⴳⵔⴰⵏ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵙⴼⵔⴽ ⴷ ⵓⵙⵓⵜⴳ. ⴷ ⵜⵓⴳⴳⴰⵙ ⵏ ⴽⵓ ⵉⵎⵙⴽⴰⵔⵏ ⵙⵡⵡⵓⵔⵉⵏⵉⵏ ⴳ ⵓⵎⵏⵉⴷ ⴰⴷ.