ⵜⴰⴱⵔⴰⵜ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵉ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⵅⴼ ⵓⵙⴳⵎⵉ ⵏ ⵜⵎⵥⵉ ⴳ ⵍⵎⵖⵔⵉⴱ
ⵜⴰⴱⵔⴰⵜ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⵉ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⵅⴼ ⵓⵙⴳⵎⵉ ⵏ ⵜⵎⵥⵉ ⴳ ⵍⵎⵖⵔⵉⴱ
ⵕⵕⴱⴰⵟ, 10 ⴷⵓⵊⴰⵏⴱⵉⵔ 2021/2971
ⵉ ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ
ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ
ⴰⵙⵏⵜⵍ: ⵎⴰⵎⵏⴽ ⵔⴰⴷ ⵢⵉⵍⵉ ⵓⵙⴳⵎⵉ ⵏ ⵜⵎⵥⵉ ⴳ ⵍⵎⵖⵔⵉⴱ?
ⵙ ⵜⵎⵍⴷⴰ ⵏⵓⴽⵜⵜⴰⵢ ⵡⵉⵙ 73 ⵏ ⵓⵍⵖⵓ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵔ ⴰⵡⵏ ⵏⵜⵜⴰⵣⵏ ⵃⵎⴰ ⴰⴷ ⴰⵡⵏ ⴷ ⵏⵙⵙⴽⵜⵉ ⵉⵎⵏⵏⵉⵜⵏ 7 ⴷ 8 ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ.
ⵜⵍⵍⴰ ⴰⴷ ⵢⵓⵏⵉⵙⴽⵓ ⴰⴽⴷ ⵜⴰⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴰⵙⵙ ⵏ 29 ⵢⵓⵏⵢⵓ ⴼ ⵓⵙⴳⵎⵉ ⵏ ⵜⵎⵥⵉ ⵖ ⵉⵍⵍⴰ ⵓⵙⵔⵙ ⵏ ⵜⵔⵙⴰⵍ ⵏ ⵓⵍⵎⵎⵓⴷ ⴷ ⵜⵓⴷⵔⵜ ⵉⵣⵉⵍⵏ ⵏ ⵜⴰⵣⵣⴰⵏⵉⵏ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵡⴰⵎⵓⵏ ⴳ ⵜⵍⵍⴰ ⵜⵏⴳⴰⴷⴷⴰⵢⵜ ⴷ ⵓⵙⵉⴷⴼ, ⴷ ⵜⵉⴽⴽⵉ ⵉ ⵜⴰⵣⵣⴰⵏⵉⵏ ⵜⵜⴰⵡⵃⴳⴰⵔⵏⵉⵏ ⵜⴰⵙⵉⵍⴰ ⵉⴷⵓⵙⵏ ⵉⵜⵜⴰⵡⵙⵏ ⴳ ⵓⵍⵎⵎⵓⴷ ⴽⵓ ⵎⴰⴷ ⵜⵍⴰ ⵜⵓⴷⵔⵜ.
ⴳ ⵓⴳⵔⴰⵡ ⵡⵉⵙ 41 ⵏ ⵢⵓⵏⵉⵙⴽⵓ ⴳ ⵍⵍⴰⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵜⵏⴱⴰⴹⵉⵏ ⴷ ⵉⵎⴰⵡⵙⴰⵙⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⴷ ⵉⴳⵏⵙⴰⵙⵏ ⵏ ⵜⵎⴰⴷⴷⴰⵙⵉⵏ ⵡⴰⵔⵜⵓⵏⴱⵉⴹⵉⵏ ⵜⵉⴳⵔⴰⵖⵍⴰⵏⵉⵏ ⵓⵙⵙⴰⵏ ⵏ 9 ⴷ 10 ⵏⵓⵡⴰⵏⴱⵉⵔ, ⵜⵏⵏⴰⵎ ⵎⴰⵙ ⴷ ⵉⵇⵇⴰⵏ, ⴳ ⵓⵙⴰⵜⵉ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ, ⴰⴷ ⵉⵥⵍⵉ ⵍⵎⵖⵔⵉⴱ ⵉ ⵢⵉⴳⵔ ⵏ ⵓⵙⵙⵍⵎⴷ ⴰⵎⵏⵣⵓ ⵉⵎⵓⴽⵏⵏ ⴷ ⵓⵍⴳⴳⵓⴷ ⵉ ⵓⵙⴽⵔ ⵏ ⵜⵉⵎⵍ ⵜⴰⵎⴰⵢⵏⵓⵜ ⵢⵓⵎⴰⵏ ⴽⵓ ⵢⴰⵏ, ⵉⴱⴷⴷⵏ ⴼ ⵜⵏⴳⴰⴷⴷⴰⵢⵜ ⴷ ⵜⵉⵕⵡⵉ ⵉ ⴽⵓⵢⴰⵏ, ⵜⵉⵏⵉⵎ ⵎⴰⵙ ⵔⴰⴷ ⵜⵖⵍⵉ ⵜⵎⵙⴰⵙⵜⵍⵜ ⵉⵣⵍⵉⵏ ⵉ ⵓⵙⵙⵍⵎⴷ ⴰⵏⴰⵎⵓⵔ ⵊⴰⵔ 2021 ⴷ 2022 ⵙ ⵓⴳⴳⴰⵔ ⵏ 6%, ⵉⵍⴽⵎⵏ 62.45 ⵎⵍⵢⴰⵕ ⵏ ⴷⵔⵀⵎ.
ⴰⵊⵊ ⴰⵜ ⵢⵢⵉ ⴰⴷ ⴰⵡⵏ ⵉⵏⵉⵖ ⵎⴰⵙ ⴷ ⵜⵉⵢⵢⴰⴼⵓⵜⵏ ⵓⵔⴰⵏⵉⵏ ⵡⴰⵜⵜⵙⵏⵉⵏ ⵜⵉⵎⵥⵉ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵓⵔ ⵔⴰⴷ ⴰⴷ ⴰⵙⵏⵜ ⵉⵚⵉⵃⵉ ⵓⵎⵓⵔⵙ. ⵎⴰⵅⵅ?
ⵏⴻⵏⵏⴰ ⵢⴰⴷ ⴳ ⵏⵓⵡⴰⵏⴱⵉⵔ 2019 ⵉ ⵉⵎⵙⵜⴳⴳⴰⵔⵏ ⵏ ⵓⴱⴰⵏⴽ ⴰⴳⵔⴰⵖⵍⴰⵏ ⵉ ⵍⵎⵖⵔⵉⴱ ⴷ ⵍⵎⵖⵔⵉⴱ ⴰⵎⵇⴰⵔⵏ, ⵎⴰⵙⴷ ⵜⵉⵎⵏⵜⴰⵍ ⵏ ⵜⵙⵏⵉⵍⵙⵜ ⵍⵍⵉ ⵉⵙⵉⵜⵜⵉ ⵓⵍⵖⵓ ⵏ ⵜⴳⵎⵎⵉ ⵜⵓⵎⵍⵉⵍⵜ ⴼ ⵜⵉⵕⵡⵉ ⵏ ⵓⵙⵙⵍⵎⴷ ⴰⵎⵏⵣⵓ ⴷ ⵓⵙⵖⵔⵜ ⴰⵣⵣⵓⵍⴰⵏ ⵏ ⵉⵙⴰⵍⵎⴰⴷⵏ, ⵎⴰⵙ ⴳⴰⵏⵜ ⵜⵓⵛⵛⵉⵍⵉⵏ ⴳ ⵜⴼⵔⴽⴰ ⵏ ⵓⵙⵙⵍⵎⴷ ⴰⵎⵏⵣⵓ ⴷ ⵓⵎⵣⵡⴰⵔ, ⵖⵎⴽ ⵍⵍⵉ ⵉⵏⵏⴰ ⵓⵎⵓⵙⵏⴰⵡ ⴰⵙⵏⵉⵍⵙ ⴰⴼⵕⴰⵏⵚⴰⵡⵉ ⴰⵍⴰⵏ ⴱⴻⵏⵟⵓⵍⵉⵍⴰ ⴳ ⵜⵉⵏⵏⴰⵡⵜ ⵏⵏⵙ ⴰⵙⵙ ⵏ 15 ⵏⵓⵡⴰⵏⴱⵉⵔ 2019 ⴳ ⴱⴰⵔⵉⵙ ⴳ ⵓⴳⵔⴰⵡ ⵏ ⵉⵎⴰⵡⵙⴰⵙⵏ ⵏ ⵉⵡⴰⵏⴽⵏ ⵉⴼⵕⴰⵏⴽⵕⴰⵏⴽⵓⴼⵓⵏⵉⵢⵏ, ⴳ ⵏⵉⵜ ⵉⵍⵍⴰ ⵍⵎⵖⵔⵉⴱ, ⵎⴰⵙ ⵓⵔ ⴰⴽⴽⴰⵏ ⵉⴳⵔⴰⵡⵏ ⵏ ⵓⵙⵙⵍⵎⴷ ⴳ ⴽⵔⴰ ⵏ ⵉⵡⴰⵏⴽⵏ ⵜⵉⵢⵢⴰⴼⵓⵜⵓⵉⵏ ⵥⵉⵍⵏⵉⵏ, ⵡⴰⵅⵅⴰ ⴼⵍⵍⴰⵙⵏⵜ ⵜⵜⵓⵅⵙⵉⵔⵏ ⴽⵉⴳⴰⵏ ⵏ ⵉⴷⵔⵉⵎⵏ, ⴰⵔ ⴰⴽⴽⴰⵏⵜ ⵜⴰⵄⴰⵎⵉⵜ ⴷ ⵡⴰⵔⵓⵎⵓⵔⵙ ⴰⴽⴰⴷⵉⵎⵉ ⴰⵛⴽⵓ ⵓⵔ ⵙⵙⵏⵜ ⵏⵖ ⵓⵔ ⵔⵉⵏⵜ ⴰⴼⵙⵙⴰⵢ ⵉⵥⵍⵉⵏ ⴷ ⵓⵙⵜⴰⵢ ⵏ ⵜⵓⵜⵍⴰⵢⵜ ⵏ ⵓⵙⵙⵍⵎⴷ, ⴰⵛⴽⵓ ⵜⵉⵏⵎⵍ ⴰⵔ ⵜⵙⴱⵔⵔⴰⴽ ⵉⵏⵍⵎⴰⴷⵏ ⴰⴷ ⵙ ⵢⴰⵜ ⵜⵓⵜⵍⴰⵢⵜ ⵓⵔ ⵉⴳⵉⵏ ⵜⴰⵢⵎⵎⴰⵜ, ⴰⵢⵍⵍⵉ ⵉⴳⴰⵏ ⵜⵉⴽⵕⴹⵉ ⵎⴳⴰⵍ ⵏ ⵜⴰⵣⵣⴰⵏⵉⵏ ⴰⴷ, ⵉⴽⴽⵙ ⴰⵙⵏ ⵜⴰⵔⵙⵍⵜ ⵏ ⵓⵙⵙⵍⵎⴷ ⵉⴱⴷⴷⵏ ⴼ ⵜⵓⵜⵍⴰⵢⵜ ⵏⵏⵙⵏ ⵜⴰⵢⵎⵎⴰⵜ, ⵍⵍⵉ ⴰⵙⵏ ⵢⴰⴽⴽⴰⵏ ⴰⴷ ⵍⵎ=ⴽⵎⵏ ⵜⵉⵖⵔⵉ ⴷ ⵜⵉⵔⵔⴰ, ⵚⴽⵓⵏ ⴰⵙⵙⵍⵎⴷ ⵉⵔⵎⵙⵏ ⵏ ⵜⵓⵜⵍⴰⵢⵉⵏ ⵜⵓⵏⵚⵉⴱⵉⵏ ⴷ ⵜⵉⵏ ⴱⵕⵕⴰ.
ⵜⵏⵏⴰⵎ ⵙ ⵉⵅⴼ ⵏⵏⵓⵏ ⵎⴰⵙ ⴷ 70 % ⵏ ⵉⵏⵍⵎⴰⴷⵏ ⵍⴽⵎⵉⵏ 15 ⵏ ⵓⵙⴳⴳⵯⴰⵙ ⵓⵔ ⵙⵙⵏⵏ ⵉ ⵜⵉⵔⵔⴰ ⴷ ⵜⵖⵔⵉ ⴷ ⵜⵓⵙⵏⴰⴽⵜ, ⵎⴰⵛⵛ 95 ⵏ ⵉⵏⵍⵎⴰⴷⵏ ⵍⵉ ⴷⴰⵔ ⵥⵥⵀⵕ ⴰⵇⵇⵔⴰⵏⵉⵏ ⴳ ⵜⵉⵏⵎⴰⵍ ⵏ (Merdersat.Com) ⴹⴼⵕⵏⵉⵏ ⵜⵉⵎⵔⵙⵍⵜ ⵏ (BMCE BANK OF AFRICA) ⵔⵎⵙⵏ ⴳ ⵜⵓⵙⵙⵏⴰ ⵏ ⵜⵉⵔⵔⴰ ⴷ ⵜⵉⵖⵔⵉ ⴰⵛⴽⵓ ⵉⵍⵍⴰ ⵓⵡⵇⵇⵔ ⵏ ⵜⵓⵜⵍⴰⵢⵜ ⴷ ⵜⵎⴰⴳⵉⵜ ⵏ ⵜⵎⴰⵣⵉⵔⵜ ⴰⴷ ⵜⴰⴼⵔⵉⵇⵉⵜ, ⵢⵉⵍⵉ ⵓⵍⴰ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⴳ ⵓⵖⴰⵡⴰⵙ ⴰⵏⵎⵍⴰⵏ ⵖ ⴽⵔⴰⵢⴳⴰⵜ ⵜⴰⵙⴳⴰ, ⵖⵎⴽⵍⵍⵉ ⵏⵉⵜ ⵜⵜⵉⵏⵉ ⵢⵓⵏⵉⵙⴽⵓ.
ⵜⴳⴰ ⵜⵙⵓⵎⵔⵜ ⵏⵏⵖ ⴰⴷ ⵢⵉⵍⵉ ⵓⵙⵎⴰⵜⴰ ⵏ ⵡⴰⵏⴰⵡ ⵏ (Merdersat.Com) ⵉⴳⴰⵏ ⴰⵎⵏⵣⵓ ⴳ ⵜⵉⵏⵎⴰⵍ ⵜⵉⵎⴰⵜⴰⵢⵉⵏ ⴷ ⵜⵓⵙⵍⵉⴳⵉⵏ, ⵍⵍⵉⵖ ⵉⴳⴰ ⵓⵙⵙⵍⵎⴷ ⴰⵣⵔⴼ ⴰⴷⵙⵍⴰⵏ ⵎⴽ ⵉⵍⵍⴰⵏ ⴳ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵓⵎⵏⵏⵉ ⵡⵉⵙ ⵜⴰⵎ ⵏ ⵜⵎⵢⴰⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⵍⵍⵉ ⵉⵜⵜⵉⵏⵉⵏ ⵎⴰⵙ ⴷ ⵉⵇⵇⴰⵏ ⴰⴷ ⵓⵡⵇⵇⵔⵏ ⵉⵡⴰⵏⴽⵏ ⴰⵣⵔⴼ ⵏ ⵡⴰⵣⵣⴰⵏ ⴳ ⵓⴼⵔⴰⴳ ⵏ ⵜⵎⴰⴳⵉⵜ ⵏⵏⵙ, ⴳ ⵜⵍⵍⴰ ⵜⴰⵏⵎⵓⵔⵉ ⴷ ⵢⵉⵙⵎ ⴷ ⵜⵣⴷⴰⵢⵉⵏ ⵏ ⵢⵓⵡⵊⴰ ⵙ ⵎⴰⴷ ⵉⵜⵜⵉⵏⵉ ⵓⵙⵍⴳⵏ.
ⴳ ⵓⵙⴰⵜⵉⴰ ⴷ, ⴷ ⵏⵙⵙⵔⵖⵓⴷ ⵉ ⵓⴱⴰⵏⴽ ⴰⴳⵔⴰⵖⵍⴰⵏ ⴼ ⵜⵡⵡⵓⵔⵉ ⵏⵏⵙ ⵅⴼ ⵓⵙⴰⵡⵓⵔ ⴰⴷ ⵙⴳ ⵢⵓⵍⵢⵓⵣ ⵉⵣⵔⵉⵏ ⵍⵍⵉⵖ ⵉⵣⵓⵣⵣⵔ ⵢⴰⵏ ⵓⵏⵇⵇⵉⵙ ⵖ ⵉⵍⵍⴰ ⵎⴰⵙ ⵉⴳⴰ ⵓⵛⵛⵉⵍ ⴰⴷ ⵢⵉⵍⵉ ⵓⵙⵙⵍⵎⴷ ⵏ ⵜⴰⵣⵣⴰⵏⵉⵏ ⵙ ⵜⵓⵜⵍⴰⵢⵜ ⵍⵍⵉ ⵙⴰⵡⴰⵍⵏ ⴷ ⵜⴰⴷⴷⴰⵔⵜ ⵃⵎⴰ ⴰⴷ ⵢⵉⵍⵉ ⵓⵙⴱⴷⴷⵉ ⵏ ⵓⵥⵍⴰⴹ ⵏ ⵓⵍⵎⵎⵓⴷ.
ⴳ ⵜⴳⵉⵔⴰ, ⴰⵔ ⴰⵡⵏ ⵏⵜⵜⵉⵏⵉ, ⵎⴰⵙⵙ ⴰⵎⴰⵡⵙⴰⵙ, ⵎⴰⵙ ⵉⵣⴷⵉ ⵓⵎⵓⵔⵙ ⵏ ⵓⵙⵙⵍⵎⴷ ⴳ ⵓⵖⴰⵡⴰⵙ ⵏⵏⵓⵏ ⵓⵏⴱⵉⴹ ⴷ ⵜⵉⵍⵉⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⴽⵓ ⵜⵉⴼⵔⴽⵉⵡⵉⵏ ⵏ ⵓⵙⵙⵍⵎⴷ ⴰⵎⵏⵣⵓ ⴷ ⵓⵎⵣⵡⴰⵔⵓ ⵙ ⵓⵙⴽⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 26.16 ⴼ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵍⵍⵉ ⵏⵉⵜ ⵉⵍⵍⴰⵏ ⴳ ⵜⵙⵏⵜⴰⵢⵜ ⵏ ⵜⵎⵜⵜⴰ ⵎⵓⵏⵏⵉⵏ: “ⵜⴰⵎⵔⴰⵡⵜ ⵜⴰⴳⵔⴰⵖⵍⴰⵏⵜ ⵉ ⵜⵓⵜⵍⴰⵢⵉⵏ ⵏ ⵉⵎⵣⴷⴰⵖⵏ ⵉⵎⵣⵡⵓⵔⴰ 2022-2032”.
ⴰⵔ ⴰⵡ ⵏⵜⵜⵉⵏⵉ ⴰⵙⵓⵜⴳ ⵏⵏⵖ ⴷ ⵓⵡⵇⵇⴰⵔ ⵏⵏⵖ ⵙⵎⴷⵏⵉⵏ.
ⵕⴰⵛⵉⴷ ⵕⴰⵅⴰ
ⴰⵎⵖⴰⵔ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ