ⴰⵙⴼⵙⵔ ⵏ ⵃⴰⵢⵉⵎ ⵣⵣⵄⴼⵕⴰⵏⵉ ⴷⴰⵔ ⴰⵔⵛⵉⴼ ⵏ ⵍⵎⵖⵔⵉⴱ
ⴰⵔ ⵜⵙⵏⵎⴰⵍⴰ ⵜⵎⵔⵙⵍⵜ ⵏ ⴰⵕⵛⵉⴼ ⵏ ⵍⵎⵖⵔⵉⴱ ⴳ ⵓⵙⵖⵉⵎ ⵏⵏⵙ ⴳ ⵕⵕⴱⴰⵟ ⵢⴰⵏ ⵓⵙⴼⵙⵔ ⴼ ⵓⵎⵔⵣⵓ ⴷ ⵓⵎⴰⵔⴰ ⴷ ⴱⴰⴱ ⵏ ⵓⵎⵣⵔⵓⵢ ⴰⵎⵖⵔⵉⴱⵉ ⵓⴷⴰⵢ ⵃⴰⵢⵉⵎ ⵣⵣⵄⵕⴰⵏⵉ.
ⵉⵍⵍⴰ ⵓⵙⴼⵙⵔ ⴰⴷ ⵙ ⵔⴷⵔⴰⵡⵜ ⴷ ⵜⵎⵙⵎⵓⵏⵜ ⵏ ⵚⵚⵡⵉⵕⴰ ⵎⵓⴳⴰⴷⵓⵔ ⵍⵍⵉ ⵉⵙⴽⵔ ⴷ ⵉⵙⵙⵉⵅⴼ ⵓⵎⵛⵡⴰⵕ ⴰⴳⵍⴷⴰⵏ ⴰⵏⴷⵔⵉ ⴰⵥⵓⵍⴰⵢ, ⵜⴰⵎⵙⵎⵓⵏⵜ ⴰⴷ ⵍⵍⵉ ⵢⵉⵡⵉⵏ ⴰⵕⵛⵉⴼ ⵏ ⵃⴰⵢⵉⵎ ⵣⵣⵄⴼⵕⴰⵏⵉ. ⵔⴰ ⵢⵉⵍⵉ ⵓⵙⴼⵙⵔ ⴰⴷ ⴰⵔ ⵡⴰⵢⵢⵓⵔ ⵏ ⵎⴰⵕⵚ ⴷ ⵢⵓⵛⴽⴰⵏ, ⵔⴰⴷ ⵉⴼⴽ ⵉⵙⵉⵙⴼⵉⵡⵏ ⴼ ⵜⵓⴷⵔⵜ ⴷ ⵜⵡⵡⵓⵔⵉ ⵏ ⵓⵎⴰⵙⵙⴰⵏ ⵣⵣⵄⴼⵕⴰⵏⵉ.
ⵉⴳⴰ ⵓⵙⴼⵙⵔ ⴰⴷ ⵢⴰⵏ ⵡⴰⵏⴰⵡ ⵏ ⵓⵙⵎⵖⵔ ⵏ ⵓⵎⴰⵙⵙⴰⵏ ⴰⴷ ⴰⵎⵖⵔⵉⴱⵉ ⵍⵍⵉ ⵉⵙⴽⵔⵏ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⴼ ⵓⵎⵣⵔⵓⵢ ⵏ ⵓⴷⴰⵢⵏ ⴳ ⵍⵎⵖⵔⵉⴱ.
ⵉⵍⵓⵍ ⵃⴰⵢⵉⵎ ⵣⵣⵄⴼⵕⴰⵏⵉ ⴳ 10 ⵢⵓⵏⵢⵓ 1922 ⴳ ⵜⴰⵚⵚⵓⵕⵜ, ⵉⵙⵡⵓⵔⵉ ⴳ ⵢⵉⴳⵔ ⵏ ⵓⵙⵙⵍⵎⴷ ⴳ ⵜⵉⵏⵎⵍ ⵏ ⵜⵣⵍⵖⴰ ⵜⵓⴷⴰⵢⵜ ⵜⴰⵎⴰⴹⵍⴰⵏⵜ, ⵖⵎⴽ ⵍⵍⵉ ⵉⵙⵙⵖⵔⴰ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴳ ⵜⵉⵏⵎⵍ ⵜⴰⵄⵉⴱⵔⵉⵜ ⴳ ⵜⴳⵎⵎⵉ ⵜⵓⵎⵍⵉⵍⵜ, ⵉⵎⵎⴰⵜⵜⵉ ⵓⵍⴰ ⵙ ⴼⵕⴰⵏⵚⴰ ⵖ ⵉⵙⵙⵖⵔⴰ ⴳ ⵜⵙⴷⴰⵡⵉⵜ ⵏ ⴱⴰⵔⵉⵣ 8. ⵉⵎⵎⵓⵜ ⴳ ⴼⵕⴰⵏⵚⴰ ⴰⵙⵙ ⵏ 31 ⵎⴰⵕⵚ 2004.
ⵢⵉⵡⵉ ⵃⴰⵢⵉⵎ ⵣⵣⵄⴼⵕⴰⵏⵉ ⵎⵏⵏⴰⵡ ⵜⵙⵎⵖⵓⵔⵉⵏ ⴰⵎ ⵜⴰⵙⵎⵖⵓⵔⵜ ⵏ ⵍⵎⵖⵔⵉⴱ ⴷ ⵜⵙⵎⵖⵓⵔⵜ ⵏ ⴰⵟⵍⴰⵚ ⴰⵎⵇⵔⴰⵏ.
ⵢⵓⵔⴰ ⵎⵏⵏⴰⵡ ⵉⴷⵍⵉⵙⵏ ⴼ ⵓⵎⵣⵔⵓⵢ ⴷ ⵜⴷⵍⵙⴰ ⵏ ⵓⴷⴰⵢⵏ ⴳ ⵍⵎⵖⵔⵉⴱ, ⴳⵉⵙⵏ: ⵉⴼⴹ ⵏ ⵓⵙⴳⴳⵯⴰⵙ ⵙⴳ ⵜⵓⴷⵔⵜ ⵏ ⵓⴷⴰⵢⵏ ⴳ ⵍⵎⵖⵔⵉⴱ, ⴰⵙⵓⵔⵙ ⴰⵣⵔⴼⴰⵏ ⵏ ⵜⵎⵖⴰⵔⵜ ⵜⵓⴷⴰⵢⵜ ⴳ ⵍⵎⵖⵔⵉⴱ… ⴷ ⵡⵉⵢⵢⴰⴹ.