ⴰⵎⵔⴰⵔⴰ ⵏ ⵡⴰⵡⴰⵍ ⴼ ⵉⵎⵓⴽⵔⵉⵙⵏ ⵏ ⵓⵙⵙⵍⵎⴷ ⵓⵙⵍⵉⴳ ⴳ ⵍⵎⵖⵔⵉⴱ
ⵙⵓⵍⵏ ⵓⴽⴰⵏ ⵙⵓⵍ ⵉⵏⵎⵓⵇⵇⵇⴰⵔⵏ ⵏ ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ, ⴰⵏⵖⵍⴰⴼ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⴷ ⵉⵎⵙⵜⴳⴳⴰⵔⵏ ⵏ ⵉⴳⵔ ⴰⴷ, ⵜⴷⴷⴰⴷ ⵜⵙⵙⵓⵜⵍⵜ ⵏ ⵜⵉⴽⴽⵍⵉⵜ ⴰⴷ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵉⵙⵍⵎⴰⴷⵏ ⵏ ⵓⵙⵙⵍⵎⴷ ⵓⵙⵍⵉⴳ, ⵍⵍⵉⵖ ⵉⵙⵏⵓⴱⴳ ⵓⵏⵖⵍⴰⴼ ⵎⴰⴷ ⵉⵜⵜⴳⴳⴰⵏ 40 ⵏ ⵜⵎⵙⵎⵓⵏⵜ ⵏⵏⴰ ⵉⴳⴰⵏ ⵜⴰⵡⵡⵓⵔⴰⵏⵜ ⴳ ⵉⴳⵔ ⴰⴷ .
ⵉⵎⵔⴰⵔⴰ ⵎⴰⵙⵙ ⴱⵏ ⵎⵓⵙⴰ ⴰⵡⴰⵍ ⵉⴷⵔⴰⵏ ⴷ ⵜⵎⵙⵎⵓⵏⵉⵏ ⵏ ⵓⵙⵙⵍⵎⴷ ⵓⵙⵍⵉⴳ, ⴱⴷⵔⵏ ⴳⵉⵙ ⴽⵉⴳⴰⵏ ⵏ ⵉⵙⵏⵜⴰⵍ ⵙⵍⴰⵡⴰⵏ ⴰⴽⴽⵯ ⵜⵓⵎⴰⵏⵜ ⵏ ⵓⵙⵙⵍⵎⴷ ⴰⵎⵏⵣⵓ ⴰⴼⴰⴷ ⴰⴷ ⵜ ⵙⴱⵓⵖⵍⵓⵏ, ⴰⴼⴰⴷ ⴰⴷ ⵜⴰⵖⵓⵍ ⵜⴼⵍⵙⵜ ⴳⵔ ⵜⵉⵏⵎⴰⵍ ⵜⵓⵙⵍⵉⴳⵉⵏ ⴷ ⵜⴰⵡⵊⵉⵡⵉⵏ, ⵢⵉⵍⵉ ⴰⵡⴷ ⵓⵙⴱⵓⵖⵍⵓ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ.
ⵎⵙⴰⵙⴰⵏ ⵉⵎⵏⴰⴷⵏ ⴰⴷ ⵅⴼ ⵓⵙⵎⵓⵜⴳ ⵏ ⵢⴰⵜ ⵜⴰⵢⵎⵓⵏⵜ ⵜⴰⵎⴰⵛⵛⴰⵕⵜ ⴳⵔ ⵉⵎⵙⵜⴳⴳⴰⵔⵏ ⵏ ⵜⵎⵙⵎⵓⵏⵉⵏ ⴰⴷ ⴷ ⵉⵎⵙⵜⴳⴳⴰⵔⵏ ⵏ ⵜⵏⵖⵍⴰⴼⵜ ⴰⴼⴰⴷ ⴰⴷ ⴰⴼⵉⵏ ⵉⴼⵙⵙⴰⵢⵏ ⵏ ⵉⵎⵓⴽⵔⵉⵙⵏ ⵏⵏⴰ ⵉⵍⵍⴰⵏ ⴳ ⵉⴳⵀⵔ ⴰⴷ .
ⴳ ⵓⵎⵏⵉⴷ ⴰⴷ ⵏⵉⵜ, ⵉⵏⵏⴰ ⵎⴰⵙⵙ ⵄⴱⴷⵙⵍⴰⵎ ⵄⵎⵎⵓⵕ, ⴰⵏⵙⵙⵉⵅⴼ ⵏ ⵜⵣⵍⵖⴰ ⵏ ⵓⵙⵙⵍⵎⴷ ⵓⵙⵍⵉⴳ ⴳ ⵍⵎⵖⵔⵉⴱ, ⵎⴰⵙⴷ ⴰⴳⵔⴰⵡ ⴰⴷ ⵉⵙⵙⵏ ⴰⴼⵙⴰⵔ ⵏ ⴽⵉⴳⴰⵏ ⵏ ⵉⵎⵓⴽⵔⵉⵙⵏ ⴰⴼⴰⴷ ⴰⴷ ⴰⵙⵏ ⴰⴼⵉⵏ ⵉⴼⵙⵙⴰⵢⵏ , ⵙ ⵓⵙⵔⴰⴳ ⵍⵍⵉⵖ ⵜⵍⵍⴰ ⵢⴰⵜ ⵜⵣⵎⵔⵜ ⵏ ⵓⵙⴱⵓⵖⵍⵓ ⵏ ⵉⴳⵔ ⴰⴷ ⵏ ⵓⵙⵙⵍⵎⴷ ⴰⵎⵏⵣⵓ ⴳ ⵜⵉⵏⵎⴰⵍ ⵜⵓⵙⵍⵉⴳⵉⵏ .
ⵙⴳ ⵉⵙⴷⴰⵡⵏ ⵏⵏⴰ ⵅⴼ ⵉⵜⵜⵓⵎⵔⴰⵔⴰ ⵡⴰⵡⴰⵍ ⴰⴱⵓⵖⵍⵓ ⵏ ⵉⴳⵔ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵡⴰⴷⴷⴰⴷ ⵏ ⵉⴳⵔ ⴰⴷ ⴷⴼⴼⵉⵔ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ, ⵏⵏⴰⵏ ⵉⵎⵙⵜⴳⴳⴰⵔⵏ ⵎⴰⵙⴷ ⴰⵏⵎⵓⵇⵇⴰⵔ ⴰⴷ ⵉⴳⴰ ⵖⴰⵙ ⴰⵎⵣⵡⴰⵔⵓ ⵎⵙⴰⵙⴰⵏ ⴰⵡⴷ ⴼ ⵓⵏⵎⵓⵇⵇⴰⵔ ⵏⵖⴷ ⴰⴽⴽⵯ ⵉⵏⵎⵓⵇⵇⵇⴰⵔⵏ ⵢⴰⴹⵏⵉⵏ ⴳ ⵓⵙⵙⴰⵏ ⴷ ⴽⴽⴰⵏⵉⵏ ⴷⴰⵜ .
ⵉⵣⴰⵢⴷ ⵎⴰⵙⵙ ⵄⵎⵎⵓⵕ ⵉⵏⵏⴰ ⵎⴰⵙⴷ ⵎⴰⵙⵙ ⴱⵏⵎⵓⵙⴰ ⵉⴼⴽⴰ ⴽⵉⴳⴰⵏ ⵏ ⵉⵙⵎⴰⵍⵏ ⵏⵏⴰ ⵉⵙⵜⴰⵡⵀⵎⵎⴰⵏ ⵙ ⵜⵏⵖⵍⴰⴼⵜ, ⵙⴳ ⴳⵉⵙⵏⵜ ⵉⵇⵇⴰⵏⴷ ⴰⴷ ⴱⵓⵖⵍⵓⵏⵜ ⵜⵉⵏⵎⴰⵍ ⵜⵓⵙⵍⵉⴳⵉⵏ ⴰⵔⴽⵉⵖ ⵍⵍⴰⵏⵜ ⴳ ⵓⵙⵡⵉⵔ ⵏ ⵉⵙⵙⵓⵜⵓⵔⵏ ⵏ ⵜⴰⵡⵊⵉⵡⵉⵏ ,ⴰⵡⴷ ⴰⵖⵓⴷⵓ ⵏ ⵓⵙⵙⵍⵎⴷ ⵉⴳⴰ ⵙⴳ ⵜⵏⵇⵇⴰⴹ ⵏⵏⴰ ⵅⴼ ⵉⵜⵜⵓⵎⵔⴰⵔⴰ ⵡⴰⵡⴰⵍ ⴳⵔ ⵉⵎⵏⴰⴷⵏ ⴰⴷ ⴰⴽⴽⴽⵯ .
ⵉⵣⴰⵢⴷ ⵓⵏⵙⵙⵉⵅⴼ ⵏ ⵜⵣⵍⵖⴰ ⵏ ⵓⵙⵙⵍⵎⴷ ⵓⵙⵍⵉⴳ ⴳ ⵍⵎⵖⵔⵉⴱ ⵉⵏⵏⴰ ⵎⴰⵙⴷ ⴱⵏ ⵎⵓⵙⴰ ⵉⵙⴽⴰ ⴰⵡⴰⵍ ⵏⵏⵙ ⴼ ⵓⵙⴽⵓ ⴷ ⵡⴰⵍⴰⵙ ⵏ ⵜⴼⵍⵙⵜ ⵉⴷⵓⵙⵏ ⴳⵔ ⵜⵉⵏⵎⴰⵍ ⴷ ⵜⴰⵡⵊⵉⵡⵉⵏ ⴰⴼⴰⴷ ⴰⴷ ⵣⵔⵉⵏ ⵉⴱⴽⴽⵉⴹⵏ ⵏⵏⴰ ⵍⵍⴰⵏⵉⵏ ⴳ ⵓⵎⵏⵉⴷ ⴰⴷ .