ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵏⴳⵔ ⵓⴱⵕⵍⴰⵎⴰⵏ ⴷ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ
ⵉⵙⵙⵉⵅⴼ ⵕⴰⵛⵉⴷ ⵟⴰⵍⴱⵉ ⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⵙⵉⵏⴰⵙ 1 ⴱⵕⴰⵢⵕ 2022, ⴷ ⵏⵄⵎⴰ ⵎⵉⵢⴰⵔⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⵜⴰⴼⴼⵓⴳⵍⴰ ⵏ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⴰⵡⴰⵙⵜ ⴰⴷ ⵉⵜⵜⵓⴳⵏⵙⴰⵙⵏ ⵙ ⵜⴽⴰⴷⵉⵎⵉⵜ ⵜⴰⵎⵖⵔⵉⴱⵉⵜ ⵉ ⵜⵖⵓⵔⵉⵡⵉⵏ ⵜⵉⴷⵓⴱⵍⵓⵎⴰⵙⵉⵢⵉⵏ.
ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉⵙⴷⴷⵉⴷ ⵕⴰⵛⵉⴷ ⵟⴰⵍⴱⵉ ⵍⵄⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵉⴳⴰ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⴰⴷ ⴰⵎⵢⴰⵡⴰⵙ ⴷ ⵓⵙⵎⴰⴷ ⵊⴰⵔ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ ⵜⴰⵎⵙⵙⵓⴳⵓⵔⵜ, ⵉ ⵚⴰⵃⴰ ⵏ ⵜⵏⵓⴼⴰ ⵏ ⵜⵎⵓⵔⵜ. ⵉⵙⵙⴽⵜⵉⴷ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵓ ⴳ ⵓⵕⵥⵥⵓⵎ ⵏ ⵜⵡⴰⵍⴰ ⴰⴷ ⵜⴰⵣⵣⵔⴰⴼⵜ ⵍⵍⵉⵖ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⴳⵓⵜⵏⵜ ⵜⵓⴳⴳⴰⵙ ⴼ ⵜⵎⵣⵡⴰⵔ ⵜⵉⵙⵜⵔⴰⵜⵉⵊⵉⵢⵉⵏ ⵉ ⵜⵣⵣⵉⴳⵣⵜ ⵏ ⵓⴱⵔⵉⴷ ⵏ ⵜⴳⵎⵉ ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⴱⵕⵕⴰ. ⵖⵎⴽ ⴰⵏⵏ ⴷ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴼ ⵓⵙⵎⴰⴷ ⴷ ⵓⵎⵙⴰⵙⴰ ⵊⴰⵔ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵉ ⵚⴰⵃⴰ ⴰⵎⴰⵜⴰⵢ ⴷ ⵓⵎⵣⴰⵖ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵏ ⵜⵎⵜⵜⵉ.